設為首頁收藏本站

粵語協會

 找回密碼
 註冊

QQ登錄

只需一步,快速開始

掃一掃,訪問微社區

搜索
熱搜: 活動 交友 discuz
查看: 3463|回復: 12

[其它] 粵語協會嘅越南網友-請幫忙

[複製鏈接]
發表於 2010-5-3 12:36:36 | 顯示全部樓層 |閱讀模式
本帖最後由 Vncantonese 於 2010-8-4 00:20 編輯

你地好!

我係來自越南粵語協會嘅網友,我打算下個月到廣州旅行,大概一個星期,有幾個問題想求你嘅幫忙。

我未去過廣州嘅,呢一次去嘅目的有三:

1.旅遊。

2.搵自己嘅家鄉。我係越南嘅華人,但係已經冇晒喺中國親戚嘅連繫,我啊公啊爺啊婆亞麻好耐以前都係由廣東來到越南嘅。我嘅籍貫係東莞縣河坑村。

3.搵做生意嘅機會。

旅遊同埋搵家鄉係主要,搵商機只係次要。

所以麻煩你幫我解答以下幾個問題:

1.你可以介紹一啲喺廣東嘅地方我應該去參觀嗎?

2.我應該坐飛機到廣州先亦係到深圳先呢?

3.而家東莞仲有河坑村嗎?

4.請介紹幾個喺廣州同埋喺深圳嘅批發市場(電子貨)。

我嘅廣東話同埋普通話到冇問題,但係我對廣東地方一啲到唔熟悉,所以需要你嘅幫忙。

如果你唔得閒嘅話,唔該你俾我幾個關於以上問題嘅網頁地址,俾我可以參考吓。

好多謝您。



發表於 2010-5-3 16:59:30 | 顯示全部樓層

1.你可以介紹一啲喺廣東嘅地方我應該去參觀嗎?——

2.我應該坐飛機到廣州先亦係到深圳先呢?——睇你想去邊度

3.而家東莞仲有河坑村嗎?——你有冇記錯?

4.請介紹幾個喺廣州同埋喺深圳嘅批發市場(電子貨)。——電子都分好多種,你想睇邊種?

評分

1

查看全部評分

發表於 2010-5-24 21:08:52 | 顯示全部樓層
本帖最後由 Lucciora 於 2010-5-27 00:43 編輯

1、可以來廣州行吓上下九、沙面、北京路(永漢路)、中華廣場(流行前線),白雲山、越秀山之類
2、建議坐飛機來廣州,深圳現今係廣東文化嘅飛地
4、廣州嘅電子批發市場,分別係中山六路、解放路南、大德路東,由將軍東、陶街、玉帶濠形成嘅電子市場區域,另外一個喺荔灣路新大新百貨向南行一兩百米油站,都有個電子批發市場,而且係出名嘅電子批發天光墟
發表於 2010-5-24 22:43:06 | 顯示全部樓層
假如要來東莞,可以聯絡我。
 樓主| 發表於 2010-6-10 21:55:44 | 顯示全部樓層
多谢Lucciora同埋南汉
發表於 2010-6-10 23:06:56 | 顯示全部樓層
貓妖妳噉就唔啱喇!減分唔緊要,橫掂我錢多。之但係,我講嘅係事實,點解話我搗亂?畀人講嘢先係自由講吖嘛!兼且,你都識得話「嫌」啦!噉就出手?死得人多囉!
廣東確係冇嘢應該去睇嘅,唔信唔緊要,做咗老襯唔好話呻笨。
發表於 2010-6-10 23:21:43 | 顯示全部樓層
你睇,上高啲友仔都話「可以」咋!係咪may be先?冇話must喎!
發表於 2010-6-11 00:00:40 | 顯示全部樓層
阿VNCantonese咁遠水路走過嚟,你哋老點人就唔好啦!講真話畀人扣分,乜嘢年代喇?真係!
VNCantonese,嚟玩下就好喇!唔好咁認真。你知嘛?粵協嘅最佳導遊係乜水?之咪係外外星人囉!講飲講食講排場,梗係外外星人至似樣!講到玩囉喎,有邊個夠外外星人見多識廣呢?
搵返自己嘅祖家,好事啫!咪等我搵人幫你查囉!牛年馬代嘅嘢,條村可能都改咗幾次名囉!
做生意呢味嘢,唔急得嘅,遇人不淑,好易損手爛腳嘅,睇定啲先喇!
VNCantonese:
就係唔知你幾時起程啫!做足功課先,冇壞嘅。
 樓主| 發表於 2010-6-11 14:58:53 | 顯示全部樓層
外外星人,我明你嘅意思,我會做足功課先到廣東嘅。我再查番,我嘅家鄉應該係禾坑村。
發表於 2010-6-11 23:34:48 | 顯示全部樓層
VNCantonese:
禾坑村吖嘛?google會話你知,喺東莞市橋頭鎮。
ditu.google你識得點用咖啦!睇樣離常平幾近下,坐火車到東莞東站(即係常平東火車站)或者坐汽車到常平汽車站落車,又或者去到嗰條「橋常路」,有條直路通到你祖家禾坑村,若果冇記錯條村名嘅話,你就嗱嗱聲返去光宗耀祖啦!啊,重有,你係華僑,畀封信、畀個電話僑辦,話唔埋,佢哋會喺祠堂開定百幾二百圍等你先開席,夠face喇啩?!
——嗱,而家你知點解我問你有冇記錯(條村名)喇啩!唔係一味老點嗰隻喎!

若果你想低調啲,唔想嚇親啲叔父、伯公,諗住靜雞雞摸入村,噉你喺常平落咗車,自己再截的士返去嘅,嘩,一出閘,你就睇到好多的士排晒隊,夾道歡迎你衣錦還鄉囉喎!睇見噉嘅陣勢,咪激動住,千祈唔好畀佢柬你,你要自己柬車搭,或者行出啲,自己喺外邊截車,噉就醒目仔嘞!
發表於 2010-6-12 22:37:19 | 顯示全部樓層
仲有系南方大厦同文化公园一带都有好多电子批发,好似手机、电池等等。
你可以试下用GOOGLE个地球揾下你个乡下系边度,佢甚至连村落都可以揾到,我曾经用佢揾到我嘅乡下。
發表於 2010-6-12 22:40:27 | 顯示全部樓層
啊,仲有样野,依加华侨呢样野已经唔兴香啰。因为依加系有权大晒,其次系有钱亦会大晒。依加好现实,人生地不熟嘅情况下,最好系小心啲,唔好轻易相信人。
發表於 2010-6-15 13:44:14 | 顯示全部樓層
虽然唔熟电子产品市场,不过深圳几好架!
你可以嚟华强北睇下。你坐深圳地铁到华强北站落车,成条街都系电子产品咯!
您需要登錄後才可以回帖 登錄 | 註冊

本版積分規則

粵語協會官方網站
網友發帖之言論,純屬個人意見,與本會立場無關

手機版|Archiver|粵語協會    

GMT+8, 2019-9-17 20:51 , Processed in 0.452739 second(s), 29 queries .

Copyright © 2003 - 2016 Cantonese Association. All Rights Reserved. 粵語協會 版權所有

快速回復 返回頂部 返回列表