普通話「不稀罕」廣東話點講?

soka1970

普通話「不稀罕」作動詞用,

廣東話點講?  

有邊個詞比「唔爭在」仲啱嘅 ?

xiss

唔志在

sthh

原帖由 soka1970 於 2009-12-23 08:15 發表 普通話「不稀罕」作動詞用, 廣東話點講?   有邊個詞比「唔爭在」仲啱嘅 ?

我唔知你指廣東嘅邊窟，廣州話就用:

恨

想知點解，要解通解透識點用嘅，自己親口問人啦

 

sthh

都爛晒相咯，梗系「唔志在」喇

唔爭在衰埋呢鋪佢，可

 

呢啲噉嘅料，執咗你都唔使恨啊，分分鐘山埃嚟咖

嶺南散人

釐清粵語 廣府話 廣州話 廣東話箇概念

所謂粵語 廣府話 廣州話 廣東話 好多人都將渠混爲一談 其實渠之閒箇內涵同外延係有好大箇區別箇 應該嚴格該何釐清

粵語 即華語粵方言 下分廣府片 東莞片 香山片 四邑片 羅廣片 高陽片 吳化片 邕潯片 梧州片 勾漏片 欽廉片等 主要分布向當前箇廣東省 廣西壯族自治區 香港特別行政區 同澳門特別行政區

廣府話 即華語粵方言廣府片 下分廣州話 順德話 南海話等

廣州話 即華語粵方言廣府片廣州話 以城內音爲標準音 此外又有西關音等

所謂廣東話 該箇命題難以成立 因爲粵語係跨行政區劃箇語言 勿係廣東一地專有 任何人都無法子準確畀廣東話一箇準確箇定義 祇係坊閒相互訛傳箇產物 所以一般勿提倡使用

dert112233

「恨」同普通话话嘅意思好唔同，係「爱」嘅意思。心女啊！点解点你咁恨嫁？又后生又叻又靓，梗係要认真选番啰。

Vncantonese

我諗「恨」，「唔志在」，「唔爭在」有唔同嘅意思。
已經等咗咁耐，唔爭在等多一陣。
你咁有錢囉，都唔志在嗰幾文啦。
佢恨嗰駕車恨咗好耐。

外外星人

我諗「恨」，「唔志在」，「唔爭在」有唔同嘅意思。
已經等咗咁耐，唔爭在等多一陣。
你咁有錢囉，都唔志在 ...
Vncantonese 發表於 2010-6-16 18:47

    可能你嘅母語冇受煲冬瓜污染，故此，分得好清。

youngfs

咪以为普语使用嘅词，粤语就唔可以使用啊
地道粤语：唔稀罕

例如「我」一词，硬要翻译词粤语「阿嘅」先算地道咩？

JadeNight

呢啲咁嘅嘢，我先唔稀罕！
這些東西，我才不稀罕！
咪喺囉~~直接用都得啦！

junking

唔志在.
唔爭在..更地道。。唔著緊
唔稀罕係煲冬瓜專用。。
唔稀罕?稀罕?稀罕之物?罕有之物?稀有?垃圾詞不達意速速拋棄

UngooChan

「唔馨香」

我諗而家好多人都唔識呢個講法咯。

vyvy1020

唔志在.
唔爭在..更地道。。唔著緊
唔稀罕係煲冬瓜專用。。
唔稀罕?稀罕?稀罕之物?罕有之物?稀有?垃圾詞不 ...
junking 發表於 2010-7-3 02:28

原來唔稀罕係煲冬瓜專用嫁??? 樓上有人都係直接咁用..包括我..

唔爭在..指你原本做緊/講緊某啲野既時候..順便做埋或者講埋..有延伸落去既意思...
唔志在..意思有接近..應該係可有可無志不在此既意思...
唔恨...「恨」係唔係有「得到」既意思存在? 唔想得到咁既意思..
咁解啱唔啱呀?

外外星人

原來唔稀罕係煲冬瓜專用嫁??? 樓上有人都係直接咁用..包括我..

唔爭在..指你原本做緊/講緊某啲野既時 ...
vyvy1020 發表於 2010-7-4 16:56

    你喺漢語字典查得到嘅，都要諗過先好用。睇下乜嘢《唔係越語》：http://bbs.cantonese.asia/thread-11216-1-1.html

Vncantonese

唔知道【唔稀罕】係唔係從普通話借過嚟，不過的確粵語有用【唔稀罕】，同埋到而家為止我都未搵到粵語邊個詞有同樣嘅意思，所以我都用【唔稀罕】。
唔志在，唔爭在，唔恨都唔可以代替【唔稀罕】嘅意思。

junking

欲求不滿?

lf650011

多謝你地

外外星人

唔知道【唔稀罕】係唔係從普通話借過嚟，不過的確粵語有用【唔稀罕】，同埋到而家為止我都未搵到粵語邊個詞 ...
Vncantonese 發表於 2010-7-4 23:36

    從來冇聽過粵語有「唔稀罕」。若果夾硬話係唔係唔得——就好似你用粵語成部《新華字典》都讀得出噉囉！

肥腯腯

我就唔争在学晒你啲哋嘢。yeah

penkyamp

广式粗口版： 唔 lant2 cat6