關於使用「姖」字表示陰性第三人稱單數嘅建議

meallanfearghai

隨住粵語文學嘅發展，白話粵語將取代官話寫法成為書面粵語嘅基礎。當今全世界好多大語言（至少喺書面上）都會區分陽性同陰性嘅第三人稱（如法語嘅il同elle、英語嘅he同she、普通話嘅「他」同「她」），但係粵語仲依然係用一個「佢」（本字「其」）來同時表達陽性同陰性嘅第三人稱。鄙認為咁樣對粵語文學嘅發展有好不利嘅影響。引用劉半農嘅一句話（官話）為例：

她（陰性）說：「他（陽性）來了，誠然很好。不過我們還要等她（陰性）。」

依家嘅粵語會寫成：佢話：「佢來咗，咁係好好。不過我地仲要等埋佢。」

（其話：「其來咗，咁係好好。不過我等仲要等埋其。」）

以上粵語翻譯已經無法完整咁表達原文嘅意思，甚至仲好容易引起誤會：「既然『佢』已經來咗，咁我等做乜嘢仲要等『佢』呢？抑或係仲有另一個『佢』呢？」原文嘅意思係：我地要等嘅係另一個「佢」，而且係女嘅「佢」。但係喺上面嘅粵語翻譯上面就完全睇唔出來。

因此鄙認為應該參照劉半農嘅做法，引入「姖」（或者以本字「其」為基礎引入「娸」；發音依然為kœû5）字來表示陰性第三人稱單數。咁樣一來，以上嗰句官話譯成粵語就可以寫成：

姖話：「佢來咗，咁係好好。不過我地仲要等埋姖。」

（娸話：「其來咗，咁係好好。不過我等仲要等埋娸。」）

唔知諸君點睇？

[ 本帖最後由 meallanfearghai 於 2009-12-18 20:23 編輯 ]

EdwardWong

那中性和敬称呢？

嶺南散人

一律用渠 勿使理西洋蠻夷英格虜語幾何講

meallanfearghai

原帖由 EdwardWong 於 2009-12-17 00:48 發表 那中性和敬称呢？

中性可以跟隨陽性用「佢」或者另外再引進一個。敬稱/謙稱則可以繼續沿用中文共用嘅「令尊」、「令嬡」等。

EdwardWong

我是說第二人稱的敬稱哦，「君」、「子」、「公」？

xiss

作为粤语行文嘅需要，引入一個字（專門為呢個字喺粵語中附上一個新意思——同「佢」，陰性時用）表示陰性嘅第三人稱，加強辨義能力，未嘗不可。

紫凤凰

原來的就幾好，搞甚麼新花款。

meallanfearghai

原帖由 EdwardWong 於 2009-12-18 04:21 發表 我是說第二人稱的敬稱哦，「君」、「子」、「公」？

正是。如國父所言，棄「老爺」「大人」之類，取「先生」「君」等等。

[ 本帖最後由 meallanfearghai 於 2009-12-18 20:21 編輯 ]

lotus7174

連「她」字都有問題，唔好又有樣學樣。

且看：

***

http://bbs.cantonese.asia/thread-24324-1-1.html

外外星人

一律用渠 勿使理西洋蠻夷英格虜語幾何講
嶺南散人 發表於 2009-12-17 21:13

    坑渠、屎渠？

李四

好多香港老一輩寫穚佬都係用『渠』字，康熙字典中解釋『渠』字可作『他』字解。
十年前我已經唔再用『她』字，全用『他』字。漢字中名詞本來大都係中性，冇陰性、陽性分。如『人』、『雞』、『牛』，要區分性別，只需喺名詞前加上性別稱謂。如果話因為係女性就用『姖』字，請問如果係男性，係唔係要用『男巨』（呢個係一隻字，左男右巨）？
再者，『姖』讀音係『巨』，唔係『佢』。

高涼那海

關於妳字與你字。一般嚟講，呢兩個字係冇乜區別嘅。
不過喺大陸嘅網絡青春文字里裡，往往需要分清男生女生，或者一篇文章要分清讀者嘅性別。
佢哋就會用妳來指代女生，用你字嚟指代男生。
比如：
「你家里可以很有錢，妳也可以長得很漂亮。
但要知道，愛你不是因為你家里有錢，愛妳也不是因為妳長得漂亮
。。。」
不過對一般行文嚟講，唔會話將讀者嘅性別分得咁清楚嘅。
所以呢種用法就祇會響青春文字中出現，而其它文章中係唔會用嘅。
而且當呢啲年輕人走向青春嘅迷茫之后，就會發棄呢種寫法。
--------------
描述第三人稱時
有「 他 她 牠 祂 它 怹 」這幾個書面用字。
跟課本上教的不一樣，這里有牠跟它的區別。
我猜想，會不是會
他：表述男性。
她：表述女性。
牠：表述生物或者其他沒生命的物體。
祂：表示神靈，特殊是「上帝」
它：表示抽象的東西，比如「思維」，「事情」等等。
怹：模仿您所造的尊稱。（唯一不讀ta，而讀tan的）（根據粵語的語法，不大會用。）
-----------------------
所以，如果要一個中性詞的話，我覺得「它」比較好。
不過漢語中本來沒有性的區別。
如果人根據英文語法。只要陽性，陰性，與中性。也可以加上表示神靈的。
但字碼表中沒有相應的字。
只有佢與姖。
或者用「其」字來表示：
有其（中性）
倛（陽性）
娸（陰性）
祺（神靈）
猉（動物）
尊稱就算了。。。。因為「惎」這個字本意是毒害。。。
除了「其」字之外，其他都是非常用漢字。
但這些漢字，讀音一般都是「kei」，而不是kui
---------
在「妳」與「你」之間，亦可以做同樣嘅處理。
只不過，粵語需要分得咁清楚嗎？
如果凈係口語記錄，一個佢與一個妳就夠曬。
如果想玩文字遊戲，搞幾多個「佢」或者「妳」都無問題。
於是，新一輪嘅文言分離又要開始。（可能文言分離係使用漢字必然產生嘅后果）