設為首頁收藏本站

粵語協會

 找回密碼
 註冊

QQ登錄

只需一步,快速開始

掃一掃,訪問微社區

搜索
熱搜: 活動 交友 discuz
查看: 5998|回復: 21

[粵語拼音] 粵語有 7 個調

[複製鏈接]
發表於 2009-10-22 03:53:59 | 顯示全部樓層 |閱讀模式

粵語有 7 個調

 

好簡單嘅喞:

 

芬 1  粉  2  訓 3  墳 4  憤 5  份 6  昏(婚)7

 

詩 1  史  2  試 3  時 4  市 5  事 6  撕(私)7

 

 

任何語言都有變調(規律),粵語亦都有:

 

1、因第二個字變調:

 

呢種情況多數出現喺第 7 同埋第 1 調嘅字,「7」因「1」而變。(亦都係好多人以為 1、7 難分嘅主要原因)

 

由於 1、7 調相差好遠,真係一個天一個地,噉,當 7+1 嗰陣,兩個字連讀,7 調就好難轉向 1調,於是 7調就要變成 1 調嚟讀。

 

譬如:

 

紗 1  婚 7  ── 婚 1 紗 1

 

倉 1  監 7 (監禁/監人賴厚) ──  監 1 倉 1

 

間 1  中 7 ── 中 1 間 1

 

三個字連讀嘅都係噉:

 

家 1 / 山 7 / 登 7(科學家嘅「家」) ── 登 1 山 1 家 1 (「山」因「家」而變,「登」因「山」而變)

 

車 1 / 家 7 / 私 7 ── 私 1 家 1 車 1

 

姐 1 / 家 7 / 三 7 (可能係習慣、可能係情感,個「姐 5」變咗做「姐 1」) ── 三 1 家 1 姐 1 (由此可見,莫講話第 7 調會變,其它調都有可能變嘅)

 

 

2、 詞性、詞義唔同變調:

 

車、圈、酸、多、家、花...

 

由於粵語嘅調多,正一係大把錢任我使。我哋有本事將一個字唔同意思就用唔同調嚟講。

 

而家專門講吓「尖」「鋒」呢兩個字:

 

尖 1 ── 筆尖、牛角尖、鼻哥尖(名詞)

 

鋒 1 ── 刀鋒、劍鋒(名詞)

 

尖 7 ── 支筆好尖、尖銳(形容詞)

 

鋒 7 ── 鋒利(形容詞)

 

大家諗吓「尖 1鋒 1 時刻」有冇讀錯?──係冇錯嘅,事關呢兩個字都係名詞,任何粵語係母語嘅人都唔會搞錯。

 

3、因情感而變:

 

為因第 7 調比較硬,kaai嚟稱呼人有時就唔係咁好聽嘞,於是亦都會變成第 1 調嚟講。

 

「周」係第 7調,「周朝」「周瑜」

 

「老周 1」就好聽好多嘞。

 

粵語本身就有第 1 調同埋第 7 調嘅字,啲字本身就係呢個調,雖然有時會變調,不過變調係有原因嘅,唔係求其話變就變嘅。

發表於 2009-10-22 15:59:27 | 顯示全部樓層
發神經嘅,喺道講埋曬自己啲怪異論說

么嘢第七調

一唔係你就六調法:123456,入聲歸入1、3、6
一唔係你就九調法:123456 789,入聲獨立用7、8、9表示。

么嘢7個調,麻煩你自己睇睇粵語拼音啦,唔好喺道自以為是標新立異制造混亂啦。

一直以嚟,你所謂嘅第七調其實不過係第一調,不過就係陰平同陰降之分。呢啲係粵語學界公認嘅。你唔理公理,自行立說,藐視早就公認嘅事實,簡直就係目中無人。
發表於 2009-10-22 16:07:01 | 顯示全部樓層
唔好以為你自己嘅個人習慣就代表整個粵語,你呢啲所謂嘅感情色彩不過係你嘅個人習慣,唔好自大到將佢上昇為整個粵語嘅理論。你呢啲感情色彩毫無代表性,首先我個人嘅習慣就同你呢啲所謂嘅感情色彩有好大出入。

所以,你呢張帖嘅「七調論」,不過係你自己嘅個人感覺個人意淫,根本就冇代表性,更加代表唔到整個粵語使用區嘅語言現狀。
發表於 2009-10-22 21:21:04 | 顯示全部樓層

張洪年嘅《香港粵語語法的研究》就係以七調標調嘅。

例如:

 

我斟咗杯茶畀你。——「斟」讀高降

 

若因連讀而省略個「咗」字,就變成

我斟.杯茶畀你。——「斟」讀高平。

發表於 2009-10-22 21:44:59 | 顯示全部樓層
原帖由 UngooChan 於 2009-10-22 21:21 發表 張洪年嘅《香港粵語語法的研究》就係以七調標調嘅。 例如:   我斟咗杯茶畀你。——「斟」讀高降   若因連讀而省略個「咗」字,就變成 我斟.杯茶畀你。——「斟」讀高平。 ...


睇下粵語宜家嘅有關音韻書籍,六調論or九調論已經係被百分百采納嘞。

宜家我哋唔係排斥高平與高降之分,只係將佢哋同樣納入陰平調。

呢個唔係我講嘅,更加唔係我定嘅,係粵語學界一齊確定嘅,係我哋嘅語言定嘅
[ 本帖最後由 xiss 於 2009-10-22 21:46 編輯 ]
 樓主| 發表於 2009-10-23 01:04:38 | 顯示全部樓層

你连「衫」「三」都分唔「倒」,有乜资格喺度教人啊?

 

「诗人」「私人」,你分唔分「倒」㗎?分唔「倒」就唔该你返屋企瞓啦。

發表於 2009-10-23 01:35:38 | 顯示全部樓層
原帖由 芬1012 於 2009-10-23 01:04 發表 你连「衫」「三」都分唔「倒」,有乜资格喺度教人啊?   「诗人」「私人」,你分唔分「倒」㗎?分唔「倒」就唔该你返屋企瞓啦。


你都白癡嘅,么你癲到宜家都重未好返啊??

三係高降,衫係高平,鬼唔知你阿媽係女人咩??

你呢啲所謂「新奇理論」,唔知N年前就早就被人當常識啦,係人都知道佢哋都并入陰平咖啦,係得你咁驚死叻唔切大大聲喺道話「我發現咗粵語有一個第七調啊」,實質就係無知當新知。自己未學好粵語拼音,唔知道粵語早就將高平高降歸入陰平呢個基本道理,喺道大大聲叫出嚟「粵語有七個調」呢啲白癡嘢嗟。

好心你就收心養性好好學習好粵語拼音,知道下啲粵語音韻知識先再上嚟噏啦。唔好成日都喺道爆兩句離經叛道嘅嘢出嚟就自以為可以著書立傳另立新理論,你呢啲所謂嘅高平高降早就被人當常識啦,不過係得你白癡到以為呢個就係新調,唔知道粵語早就將佢哋同劃為陰平調嗟。

重有啊,唔好以為自己啲理論越新奇就越代表自己叻啊,成日都發表埋曬啲特別理論,實質係顯出你對粵語音韻學了解得唔扎實以及浮夸嘅作風咋。因為粵語學界好多公認嘅嘢係好多前人前輩發現幾經論證之後先至被得到公認咖,唔係你隨隨便便喺道噏兩句就可以推翻咖,你自以為你係神啊,睇到好多嘢都「真理」過人哋啊???
[ 本帖最後由 xiss 於 2009-10-23 01:39 編輯 ]
 樓主| 發表於 2009-10-26 11:51:40 | 顯示全部樓層

咁多位試吓標出呢啲字嘅拼音:

 

 

 

 

诗人

 

私人

發表於 2009-10-30 02:02:18 | 顯示全部樓層

这个中学未毕业的xiss小兄弟(连睇英文资料都要「哀」契爷帮手翻译),用支北朝鲜的金氏皇朝旗帜来做头像,又经常「撩交嗌」,果真是粤协特色人物。


楼主讲得啱,广州话确实有分高平同高降,分别等同于普通话的「阴平」和「去声」。
發表於 2009-10-30 02:04:59 | 顯示全部樓層
原帖由 UngooChan 於 2009-10-22 21:21 發表  我斟咗杯茶畀你。——「斟」讀高降   若因連讀而省略個「咗」字,就變成 我斟.杯茶畀你。——「斟」讀高平。 ...


这个例子不够明显。


音律——阴律  你地分茅有分得出哇??
 樓主| 發表於 2009-11-1 02:25:42 | 顯示全部樓層

呢個第 7 調好緊要:

 

1、粵語本嚟就有分,點解要自己無laalaa削矮自己幾吋呢?

 

2、少咗呢個調,會多咗好多同音字(詞)㗎。

 

3、「家庭」「科學家」,呢兩個「家」根本就係唔naagaang、九唔搭八嘅。人哋分唔「倒」,我哋分「倒」。

發表於 2009-11-1 12:20:15 | 顯示全部樓層
原帖由 使君子 於 2009-10-30 02:02 發表 这个中学未毕业的xiss小兄弟(连睇英文资料都要「哀」契爷帮手翻译),用支北朝鲜的金氏皇朝旗帜来做头像,又经常「撩交嗌」,果真是粤协特色人物。



呵呵呵,可惜嘅係,你喺閑情吹水坊已經被我鬧到唔敢再回帖囉,十足一隻喪家犬,如果我真係連中學都未畢業,你咪連中學雞都不如。不過當然,你的確係好失敗,如果我係你父母,寧愿跳樓死咗佢。
重有啊,屎棍子,你係視力有問題定智力有問題啊?我個頭像係北韓旗咩?你有冇見過北韓旗啊究竟?我懷疑你智力視力都有問題啊。
論頭像,你個頭像真係好作嘔,明明自己係一個手段卑劣制造謊言嘅偽君子,屎棍子,居然以「使君子」自居,真係「史上最無恥嘅人」。
有本事就唔好喺道回帖報復,有本事就喺吹水坊繼續回帖同我同神七正面交鋒,不過我諗你都唔敢,因為你呢啲垃圾,畀人鬧兩句就自然原形畢露啦

重有,我感覺你混論壇真係混得好失敗,恐龍網被人封賬戶,粵協吹水坊被人排擠,十足網絡異類。

呢個芬1012,早就畀人當粵協白癡,時不時喺書院以及拼音網發埋曬啲奇人異論,斃在佢自己其實連音韻理論都唔識,早就被其它人駁到佢一棟都冇,前嗰幾排都唔敢再上嚟粵協,直到最近先又見佢上嚟鳩噏。

你呢個使君子,入嚟粵協時間遲又遲過我,對粵協唔知頭唔知路,完全唔知芬1012係粵協公認嘅垃圾,重一入嚟就同芬1012玩埋一齊(噉亦難怪,你都喺吹水坊得罪曬人,冇人理你啦),兩只社會垃圾,坐埋一齊。真係「癡癡呆呆,坐埋一臺」囉。
[ 本帖最後由 xiss 於 2009-11-1 12:34 編輯 ]
發表於 2009-11-1 12:26:32 | 顯示全部樓層
原帖由 芬1012 於 2009-11-1 02:25 發表 呢個第 7 調好緊要:   1、粵語本嚟就有分,點解要自己無laalaa削矮自己幾吋呢?   2、少咗呢個調,會多咗好多同音字(詞)㗎。   3、「家庭」「科學家」,呢兩個「家」根本就係唔naagaang、九唔搭八嘅。人哋分唔「 ...



真係癡得好交關,眾多粵語音韻學建樹多多嘅人都認為呢兩個調已經好難分,係得呢隻白癡芬自以為自己識得分就好巴閉,扯大旗喺道鳩噏話要分開。次次發帖都喺道講埋曬啲瘋人瘋語。

你咁鐘意分,我就即管問問你,以下呢幾只字,邊個高平高降?

周、州、舟、嬲、優、歐

你分錯一個就麻煩你自己刪咗呢張帖佢,為自己再一次發表垃圾理論隨便鳩噏公開道歉。
發表於 2009-11-1 16:09:46 | 顯示全部樓層

呢位阿芬當正自己係港人

黎代表港人講香港陰平調點點點.

我係香港出世香港大,

明明港人語言習慣都唔係咁,

夾硬講到好似佢所講o既咁.

使唔使作到咁大?

唔知就嚇死,知就笑死.

發表於 2009-11-1 16:48:38 | 顯示全部樓層

原帖由 HKCantonese 於 2009-11-1 16:09 發表 呢位阿芬當正自己係港人黎代表港人講香港陰平調點點點. 我係香港出世香港大, 明明港人語言習慣都唔係咁, 夾硬講到好似佢所講o既咁. 使唔使作到咁大? 唔知就嚇死,知就笑死. ...

呢个阿芬一向都系噉咖啦,么嘢都自以为是,目空一切,净系以为自己啲理论系对嘅,人哋嗰啲理论就冚办烂错嘅!!

呢位HK兄小心啊,你噉样讲嘢,到时佢又话你唔系香港人咖啦,因为喺佢嘅价值观里面,只有佢嗰套先系啱,其他人嘅只要唔赞成佢嘅,就肯定错咖喇。

好似呢次高平高降噉,首先我系廣州人,我应该有廣州情况嘅发言权啦。以「三」同「衫」为例,你一个个字问佢嘅话,佢只会都答你第一声,除非你好刻意噉样问佢「真系一样咩?」,佢先会隐隐约感到有唔同,但系如果你叫佢将所有第一声嘅字都分出高平高降,噉我觉得就冇么可能嘞。

所以话廣州人喺日常语言中,高平高降唔系话冇分,但系即使分,都只不过系不自觉噉样区分咗,大多数情况下已经唔再区分嘞,而且区分得亦都唔完整唔准确,只有少部分字系模糊地区分到。

香港情况我就唯有从香港电视台嘅发音情况判断,我个人觉得同廣州人嘅情况差唔多。

 

[ 本帖最後由 xiss 於 2009-11-1 16:59 編輯 ]
發表於 2009-11-2 10:15:10 | 顯示全部樓層
http://bbs.cantonese.asia/viewthread.php?tid=19253&page=1&extra=page%3D1#pid162112

。。。最终裁定: 「三」,「衫」,「花」 等字,无论你是老广州西关人,粤化北捞,香港广播员,香港艺人,还是年轻女生,你想随老传统区分阴平平阴平降,还是随新潮流全部读阴平平,都无所谓,无论读平还是降,对 音位区别 没有任何影响!
發表於 2010-8-26 23:54:15 | 顯示全部樓層
回覆 4# UngooChan


    張洪年嘅《香港粵語語法的研究》雖然有提到高平同高降嘅分別但係都歸呢兩個為陰平,即係話只有六調(九調)。
你睇第5頁。
http://books.google.com.vn/books?id=YIj84ybBPCUC&pg=PR7&lpg=PR7&dq=%E9%A6%99%E6%B8%AF%E7%B2%B5%E8%AA%9E%E8%AA%9E%E6%B3%95%E7%9A%84%E7%A0%94%E7%A9%B6&source=bl&ots=C65lQCjSkV&sig=-bdkpEXj7uPF3lUBFYxAM4gRp4E&hl=vi&ei=-n12TOWjOIWyccLZpJMG&sa=X&oi=book_result&ct=result&resnum=7&ved=0CDkQ6AEwBg#v=onepage&q=%E9%A6%99%E6%B8%AF%E7%B2%B5%E8%AA%9E%E8%AA%9E%E6%B3%95%E7%9A%84%E7%A0%94%E7%A9%B6&f=false
 樓主| 發表於 2010-8-28 01:12:18 | 顯示全部樓層
香港人?你哋啲伯爺咪就係我哋啲堂兄弟嚟囉。年年拜山都有坐埋食餐飯傾吓偈咖啦。隔咗好耐好遠咩家陣?
由於某啲歷史原因隔開咗幾廿年,有啲詞係唔同咗,不過啲音係冇變咯。
家陣香港有啲後生講懶音,又唔見佢哋講英文有懶音嗰啵。梗係啦,講英文有懶音會俾人笑咖嘛。講粵語有懶音?so what, in 啲添啦,挑。
先係1、7調唔分,跟著就講懶音。唔信嘅留意吓啊,逢「親」有懶音嗰啲人,都係1、7調唔分嘅。
咪laan醒噉啊,語言能力退化咗咖咋。
 樓主| 發表於 2010-8-28 01:42:46 | 顯示全部樓層
有人話,佢琴日去咗「忠」落潭。跟著就笑。
好笑咩?你係去咗鐘落潭,冇「忠」到落個潭度。
係「大鐘」、「銅鐘」、「鬧鐘|」、「鐘錶」個「鐘」,係第1調嘅,OK?

講開又講,「精忠報國」嘅「精忠」都係第7調嘅,同「妖精」一樣。
「麥乳精」、「味精」、「糖精」係第1調嘅。啲糖未夠耐,未成得「精」自。
兩樣嘢嚟,點解唔使分啊?
 樓主| 發表於 2010-8-28 02:04:08 | 顯示全部樓層
呢度有條柚一見到人哋話有7個調就貓刮咁嘈,鬼屌噉聲。
家陣係6個調變7個調啫,又唔係7個變6個,多番個調,完善番啲,唔好咩?發咩爛渣呮喺度。
郁吓就話搵「專家」,你咪係專家囉。你自己有把口,又有對耳,重重復復講多幾次就知咖啦。
您需要登錄後才可以回帖 登錄 | 註冊

本版積分規則

粵語協會官方網站
網友發帖之言論,純屬個人意見,與本會立場無關

手機版|Archiver|粵語協會    

GMT+8, 2017-5-29 00:37 , Processed in 0.453619 second(s), 25 queries .

Copyright © 2003 - 2016 Cantonese Association. All Rights Reserved. 粵語協會 版權所有

快速回復 返回頂部 返回列表