設為首頁收藏本站

粵語協會

 找回密碼
 註冊

QQ登錄

只需一步,快速開始

掃一掃,訪問微社區

搜索
熱搜: 活動 交友 discuz
查看: 5336|回復: 10

[飲飲食食] 冬瓜、綠豆,天時暑熱唔少得!

[複製鏈接]
發表於 2009-6-21 18:20:58 | 顯示全部樓層 |閱讀模式

天口臖,食乜都冇胃口,唔中暑都感暑啦!(查實,感暑同中暑咪差唔多?!玩下文字遊戲啫!

一到呢個時節,啲冬瓜擺到成個街市都係,唔買都睇下,時菜時食,你唔買就執輸嘞!聽講,冬瓜有九程九係水,飲水咪得囉!使乜食佢呀?噉你就冤枉咗冬瓜喇!冬瓜唔止食得,重有消暑解渴、利尿嘅功效。

冬瓜寡淡,確係冇乜好食,但係有道廣東名菜「冬瓜盅」,搞到啲冬瓜鬼咁好食;若果你唔想搞咁多花款,簡單啫!鹹蛋滾冬瓜,寡?田雞炆冬瓜,鯇魚尾滾冬瓜,或者魚心炆冬瓜乾(呢度要柬大魚,我哋鄉下叫鰫sung4魚,俗稱大頭;呢個時候,我食冬瓜乾唔食魚囉!點解?咪係啲冬瓜乾晒啲魚味囉!),夠和味喇啩?!可能你會話而家啲魚冇味,噉又係嘅,刮塘魚冇賣廿年囉!

844952.jpg

冬瓜盅

 

綠豆同冬瓜嘅功效差唔多,都係防暑消熱嘅,但係多咗解毒、止痕嘅功效。故此,蚊針蟲咬,五行欠打——身痕,都啱食咖! 食法好簡單,煲綠豆水,至緊要落件陳皮(我查過,家陣市面好少可有臭草賣,唔係加臭草都幾好咖!),煲好落紅糖,食得。鍾意飲冰水、食凍嘢嘅人,將啲綠豆水(查實而家啲綠豆好揀手,煲出嚟真係會起沙,叫綠豆沙都得。)擠入個雪櫃度,擺得一個時辰咁上下,就有綠豆冰食嘞!好過你去食雪糕,冇益嘅。

綠豆沙.jpg

綠豆沙

 

講飲講食講排場,梗係外外星人至似樣。大家畀啲掌聲好嘛?

 

[ 本帖最後由 外外星人 於 2009-6-23 19:37 編輯 ]
844952.jpg
綠豆沙.jpg
 樓主| 發表於 2009-6-23 20:07:04 | 顯示全部樓層
遊客,如果您要查看本帖隱藏內容請回復
 樓主| 發表於 2009-6-25 13:21:17 | 顯示全部樓層

‧中文名稱: 芸香(俗稱:臭草
‧英文名稱: Common Rue
‧學   名: Ruta graveolens Linn.
‧科   名: 芸香科(Rutaceae)芸香屬(Ruta)
‧別   稱: 臭芙蓉、心臟草、臭節草、臭草、恩寵之草
‧原產地: 地中海沿岸地區
‧分   布: 栽培
‧用   途: 1.觀賞用:枝葉翠綠,帶有銀白色澤,花色鮮黃,是很搶眼的綠化植物。2.食用:芸香葉味苦,富含鐵質和礦物質,少量加入食物、飲料或酒中,可增加麝香氣味。3.藥用:性味:全草:辛、苦、涼。效用:全草:清熱解毒,散瘀止痛。治感冒發熱,牙痛,月經不調,小兒濕疹,瘡癤腫毒,跌打損傷,經痛,閉經,蛇蟲咬傷。芸香因含檸檬油、桉油精、香豆素等成分,是強力的治療用藥,惟必須依照專家指示使用;芸香具催經之效、能促進食慾、刺激發汗、膽汁分泌,亦能強化血管,其抗痙攣作用能治療高血壓、癲癇及腹痛;另芸香軟膏可緩和風濕痛、關節炎及神經痛等症;葉的浸泡液用來洗眼睛可消除疲勞。4.驅蟲用:芸香葉曬乾後可作殺蟲劑及傷口殺菌劑,用以驅除螞蟻效果不錯。
‧莖: 基部木質,高約 50~100 公分,各部無毛,二年生莖桿會逐漸木質化。
‧葉: 羽狀複葉,葉色略帶藍綠,背面有明顯油包,葉有柄,二至三回羽狀複葉,全裂至深裂,長 6~12
公分,全緣或微有鈍齒,小葉長 1~2公分,全緣。
‧花: 聚繖花序,頂生;花盛開時直徑
2 公分;花瓣金黃色,雄蕊 8 或 10,花期 4~6 月。
‧果實: 蒴果,種子有稜,種皮有瘤狀凸起。6~8
月種子成熟。
‧特   性: 多年生草本植物,基部木質,高約 50~100 公分,各部無毛,二年生莖桿會逐漸木質化。羽狀複葉,葉色略帶藍綠,背面有明顯油包,葉有柄,二至三回羽狀複葉,全裂至深裂,長 6~12
公分,全緣或微有鈍齒,小葉長 1~2公分,全緣。聚繖花序,頂生;花盛開時直徑
2 公分;花瓣金黃色,雄蕊 8 或 10,花期 4~6 月。蒴果,種子有稜,種皮有瘤狀凸起。6~8
月種子成熟。全株具特殊氣味,曬乾後散發牛奶香。因具特殊氣味,古時用於驅魔辟邪;莖葉為插花之優良素材;少量煎煮可提昇香氣、防蟲、藥用。
‧其  他: 更多資料:臺灣藥用植物資源名錄 行政院衛生署中醫藥委員會 編 芸香 92年10月278頁
                   http://biodata.tesri.gov.tw/wildplant/ 搜尋  臭芙蓉
http://www.plant.ac.cn/content.asp

芸香(臭草).jpg
 樓主| 發表於 2009-6-25 13:23:29 | 顯示全部樓層
陳皮要識得柬。(附圖係新會果皮曬成嘅陳皮)
陳皮.jpg
 樓主| 發表於 2009-6-27 21:05:07 | 顯示全部樓層

冬瓜乾

2008082717.jpg

冬瓜乾,有清熱解毒、涼血潤膚、止咳除煩、利尿消腫等功效,對動脈硬化、冠心病、高血壓、水腫腹脹等都好有療效咖!
解魚毒、酒毒,冬瓜乾都使得。成日食,會減低體內脂肪,貪女士嘅福音呀!

 樓主| 發表於 2009-6-29 23:52:34 | 顯示全部樓層
食綠豆沙有個禁忌——就係啱啱食咗狗肉唔食得綠豆沙,呢個唔單止係民間禁忌,亦都有醫學道理嘅,事關綠豆水會使狗肉發脹,啱先食咗狗肉嘅人,胃入邊重有狗肉未消化,撞埋啲綠豆水,會使胃部發脹,一個唔覺意,分分鐘攞命!

反過嚟,煮狗肉先用綠豆水浸過,預先發脹,亦會使狗肉鬆啲,易煮腍。
 樓主| 發表於 2009-7-16 12:19:01 | 顯示全部樓層
卒之,食咗碗用臭草煲嘅綠豆沙,真係好正,好和味!
 樓主| 發表於 2010-7-4 19:37:19 | 顯示全部樓層
36.5℃!,天口!!!冬瓜、綠豆,唔少得!
您需要登錄後才可以回帖 登錄 | 註冊

本版積分規則

粵語協會官方網站
網友發帖之言論,純屬個人意見,與本會立場無關

手機版|Archiver|粵語協會    

GMT+8, 2019-11-17 06:04 , Processed in 0.454846 second(s), 28 queries .

Copyright © 2003 - 2016 Cantonese Association. All Rights Reserved. 粵語協會 版權所有

快速回復 返回頂部 返回列表