考证下「宾州」、「点解」

唔三唔四蠢魚

首先，考证下「宾州」一词。

先讲明下，「宾州」喺广东话度係指男孩嘅生殖器，而唔係成年男人嘅生殖器，呢一点大家首先要明白，好多人以为「宾州」就係「屌」，实际上係有分别嘅。

其係出自蒙古话嘅「bijuuxai」，蒙古话嘅意思係「小鸟」，见于元明文献，不过当时唔係写作「宾州」，而係写作「本周儿」。

大家可能唔识读蒙古话「bijuuxai」，咁大家可以试下用普通话读下「本周儿」（后面个「儿」字係儿化音），听下似唔似。

因为呢个词係蒙古话嘅译音字，所以「宾州」係冇本字嘅，无须一定按照元朝人咁写作「本周儿」。


接住，再考证下「点解」个「点」字。

《说文解字》：
【何】儋也。
【儋】何也。
两字互解。

「儋」，古从「詹」音，；
「点」，古从「占」音（「占卜」个「占」）。
两字古同音（见《集韵》点，之廉切，音詹。），因「儋」非常用字，故被坊间误写成「点」。

儋解，就係「何解」，如何解释也。

宋朝行院人用「儋」代「何」字，作隐语使用，使用范围并唔算广，想唔到广东人居然保存到而家，亦算係一种奇迹。

尼斯湖怪

又學到啲嘢

亂棍歐死越南仔

呢帖嘅论证就有D水平喇,姑勿论个「点」字嘅本字是否为「何」字，但系起码都叫有D根据

gboss

原帖由 亂棍歐死越南仔 於 2009-3-19 05:47 發表 呢帖嘅论证就有D水平喇,姑勿论个「点」字嘅本字是否为「何」字，但系起码都叫有D根据

同撐。Oh, yeah!

嶺南散人

「儋」同「何」之所以互通，通嘅係「負儋（負擔）」、「負何（負荷）」之義。

 

見【說文】何：儋也。从人可聲。臣鉉等曰：儋何，即負何也。

[ 本帖最後由 嶺南散人 於 2009-3-20 15:16 編輯 ]

hyj007

例一似乎證據不足，請問「本周兒」出自何典？

唔三唔四蠢魚

词源可参看上海辞书出版社出版的《汉语外来词词典》第40页【本周儿】词条。

史料可参看明代郭绅编纂的《甘肃志》：「有鸟曰『本周儿』者，形似雀，色灰白，常与兀儿鼠同穴而处。」

UngooChan

賓周<——>「斑鳩」<——>鳩

 

呢個推演更符合粵人嘅語言習慣。蒙古佬要影響都未輪到影響到嚟最南嘅廣東。

唔三唔四蠢魚

几自信呀！
之但係我想讲个几悲惨下嘅事实畀你听，
如果冇咗蒙古话，
广东话最大嘅特色亦都唔存在喇！
甚至乎，
你再同北方人讲话，人地都唔会再相信你係广东人！
因为你讲嘅冇蒙古成份嘅广东话都完全唔似广东话！

你求其揾一年嘅中央电视台嘅春节晚会睇下，
求其边一年都得，
事关年年都会有一两个小品度出现个唔係广东人扮嘅广东人，
呢个唔係广东人扮嘅广东人讲嘅所谓广东话有个最大嘅特色，
呢个特色亦係所有北方人对广东话最基本嘅认识，
即係佢所讲嘅每一句话后面都会加上个「啦」音！
只要个唔係广东人扮嘅广东人「啦」下「啦」下，
咁北方人就当正佢係广东人喇！
可能我地自己唔觉，
但係北方人听感上，呢个「啦」音係广东话最大嘅特点，
当然，好大原因係北方人唔会好似广东人咁清楚分得清「啦」、「嘞」、「喇」，而会将其当成一个音，
就好似一般嘅广东人分唔清日语嘅「か」、「が」，就将其当成个「咖」音，进而将日本仔叫做「咖仔」咁。

「啦」音源自边度？
好抱歉，呢个古汉语係冇嘅！古越语都冇！
佢係源自蒙古话嘅表示意愿嘅动词后缀「lai」，
好似，「你去死啦！」即係「（我希望）你去死！」咁解。

再如，
我地广东话经常用嘅「住」，其源自蒙古话嘅动词进行态词尾「ju」，而唔係汉语表示嘅「停止」嘅「住」。（北方话则把呢个「ju」译作「着」。）
如「我食住上」，即「在『食』嘅同时『上』」，而唔係「停止『食』后再『上』」，因为「住」表示嘅係进行态。

重有，
「佢好衰！」用汉语係完全解释唔通嘅，既然「好」，又点会「衰」呢？
查实个「好」字就係蒙古话「ihe」嘅舌后音「he」，意思係「非常、很」咁解！
所以，「佢好衰」即係北方话嘅「他很坏」或「他很倒霉」。
而唔係话「佢以前好，而家坏」或「佢以前好，而家黑仔」。

最后，提醒下你，
你到车站搭车个阵，
千祈唔好见到有凳都唔识坐，
因为个车站嘅「站」字唔係叫你企，
而係因为佢係个蒙古话，相当古汉语嘅「驿」，即供马匹或车辆暂时停留休息嘅地方。

殺人王

又跟魚先學到嘢

以前個夢星羽君都解釋過「好」字同「很」字

紫凤凰

噉我再嚟多個悲慘事實，就係我哋嘅干蒸燒賣就係來自蒙古人嘅。