|
將我先前喺粵協同其他論壇嘅一啲發言搬啲過嚟，等頭層嗰位仁兄知道點先算係一個真真正正有粵民族意識嘅粵族人喇！
------------------------------------------------------------------
喺粵語協會（應該係大陸粵獨氛圍最濃厚嘅論壇喇，不過1年前畀CCP封站，家陣服務器搬咗落嚟HK），持妳呢啲噉嘅諗法嘅人大撚把，又想粵獨，又放唔低啲咩自欺欺人嘅「華夏正統」情意結。
我哋粵民族係一個民族，就好似藏族，維族噉，我哋粵民族同中國嘅漢族喺民族定義民族界定上高，兩者地位係平等嘅。
唔應該將我哋粵民族劃入咩「華人」嘅範疇裡頭，我哋粵民族更加唔係漢族嘅一個附屬支系。
----------------------------------------
所以我哋都唔係咩華人，因為妳所謂嘅國語對於我哋粵人嚟講就係外來語，確切啲講係強姦性質嘅外來語，學曉佢我哋嘅後人就同我哋唔同種囉。
我哋係粵人，唔係漢人，粵人亦唔應該劃屬喺所謂嘅華人範疇裡頭。
的確，我哋粵人同當代嘅華人（亦即係中國嘅主體族群：漢人）係需要有溝通，就好似現時韓人，日本人，越南人要同漢人打交道一樣，因為現時漢人嘅中國實力喺度復甦緊，唔可以賣甩佢，唔可以冇眼睇，因為噉係自欺欺人。
但係唔賣甩佢，唔冇眼睇佢，唔等於我哋就可以冇尊嚴，卑恭屈膝噉去拍佢馬屁講撈話！我哋粵人同漢人交流嗰陣點解唔可以用返我哋自己固有嘅本民族語言：粵語呢？！！就算唔用粵語，用都用啲國際性語言，譬如英語喇，就好似韓人，日本人，越南人同漢人噏嘢噉，妳見過佢哋用過中國嘅國語咩？從嚟都冇。
----------------------------------------
基本上贊成，不過兩廣（包括海南）係粵國，首都廣州。香港同澳門最好自己獨立，就好似星加坡，汶萊之於馬來西亞噉，咩行政首都，立法首都，司法首都就唔好好似南非噉搞作喇，盞粵港，粵澳有數拗。
其實大陸嘅粵族人，唔少人都係冇乜「粵一統」情意結嘅，當然，亦都有人確實希望兩廣（包括海南）同港澳合併一齊獨立。
之但係噉，邊個做亞大，廣州同香港又有排爭，噉衹會造成內耗，延誤粵民族嘅獨立復國進程。
----------------------------------------
搞清楚，係臺灣撈先至唔魯禮陳先生，真正本土嘅臺灣人係唔會咁輕易拋棄佢嘅。佢，畢竟係一面旗幟，佢用實質嘅行動嚟踐行著臺灣本地薑所不懈追求嘅自由理念，佢經已成為呢種理念嘅一個化身，甚至乎比佢嘅前任更深得綠營嘅人心。
----------------------------------------
現時區分粵人裡頭嘅左同右，撐獨嘅就係右，唔撐嘅就係左。
要徹底同中國漢人劃清界線，要徹底脫漢離中嘅係粵右裡頭嘅激進。
----------------------------------------
妳作為一個粵人，喺公開場合居然嗌其他粵人唔講粵語，唔寫粵文，妳究竟係乜嘢居心？！
都係嗰句：廣州人連廣州話都唔講，做乜廣州人吖妳？我都戥妳自己羞家！
----------------------------------------
有乜咁奇，就係現代嘅廣州人粵民族意識先至強，對北邊落嚟漢語漢文查實好反感。
當然，妳係客家，客家喺兩廣向嚟親北親漢，所以妳喺前邊噏啲噉嘢一啲都唔出奇。
----------------------------------------
咪過喺度客家充廣東喇，話明客家客家，妳哋喺廣東根本就係「客」嚟，妳若果唔想「忘本」嘅，噉就應該即刻返且，返返去妳哋嘅「中原」。
落咗嚟大粵幾百年，飲粵江水，食嶺外米，仲成日對北邊念念不忘，兩廣真係白養咗妳哋。
再加一句：凡係唔認同粵域本土意識嘅，同樣稱唔上係真正嘅廣州人，亦唔配做嶺外嘅粵族人！
----------------------------------------
中晒我前邊所講嘅呢句話：「當然，妳係客家，客家喺兩廣向嚟親北親漢，所以妳喺前邊噏啲噉嘢一啲都唔出奇。」
我再加多句：冇咗妳上邊所講嘅嗰班人，大粵一樣會咁掂，早係滿清同民國時代，廣東就同江浙齊名，係出名嘅富庶之地。我舉個例，上海喺49之後就從世界冒險家樂園降班變咗做中國裡頭「人民嘅城市」，直至90年代浦東開發先至翻生。同樣嘅狀況亦都出現喺我哋嘅大粵身上，我哋嘅經濟發展，畀人監硬人為噉延誤咗幾十年，以上呢啲，衹要係有腦嘅，都識得去理性分析。
至於使唔使「受教育」，妳都係慳啲喇，呢度唔係咩漢魂同憤青嘅聚腳地，妳嗰啲憤青嘅情懷同思緒最好拎去其他埞方發洩。
----------------------------------------
嚴格啲講，除咗廣州舊四區（東山越秀荔灣海珠）之外，廣東省其它嘅埞方都係屬四鄉嘅範疇，四鄉並唔淨衹粵中西嘅廣府區，仲包括粵東嘅潮汕同粵東北嘅客家。
但係離廣州近啲嘅新四區（黃埔天河芳村白雲，佢哋都係由以前嘅廣州郊區分拆開嚟嘅），同埋花縣，番禺，通常唔叫四鄉，而係叫郊區，郊縣。
至於南海，順德，中山，三水雖然離廣州都幾近，不過佢哋歷嚟係佛山管開，唔同埋廣州一個行政系統，所以佢哋甚至比同廣州埋堆嘅從化，增城更易於畀人認為係四鄉。從化，增城喺廣州人心目中似乎定義成郊縣多過定義成四鄉，呢啲就係一個地方嘅歷史沿革影響到普羅民眾慣性認同思維嘅例證嚟喇。
以前屬於惠陽地區嘅東莞，離廣州都好近，但係由於佢唔係廣州嘅郊縣，而係另一個地區嘅屬縣，感覺好似離廣州好「遙遠」，噉咪就四鄉囉。
----------------------------------------
呢幅旗畀我嘅第一感覺，係好有雪山撕紙棋嘅設計意念。
下邊係籃色嘅海，源自香港旅發局嘅木帆船圖案居中，足以體現我哋粵域粵語粵民族嘅海洋文化特性。
廣州乃至廣東象徵嘅木棉花高據帆面，中心放射嘅光芒，代表粵文化照耀四方。當然，仲可以有更深刻嘅含義，譬如：我哋粵民族國家聲威四振！之類。
----------------------------------------
講真，我其實對現時隸屬於中國嘅廣東省嘅「省旗」冇任何興趣。
真正令我興奮嘅係我哋粵民族未來必將光復嘅祖國—大粵民國嘅國旗！
討論「省旗」衹不過係借殼發揮啫。
----------------------------------------
同意，尤其係呢句「南方凡木棉开花处，皆是我大越人民神圣领土」
我亦都認同木棉花係我哋粵域（粵域涵蓋粵瓊桂三省）最具標誌性嘅象徵物。
喺我哋未來粵人政黨嘅標徽，乃至未來粵國嘅國旗同國徽裡頭，一定要有木棉花標誌。
至於五羊塑像，雖然現時係廣州嘅專屬標誌，但係佢一樣可以延伸入粵域特有嘅徽記特徵嘅範疇，就好似象徵香港嘅木帆船被納入呢個範疇噉。
----------------------------------------
邊個話佢哋係我哋嘅「同胞」？
而家啲北邊落嚟嘅漢族人同我哋粵族人係咩關係？
係殖民者同畀人統治者嘅關係！
----------------------------------------
我從嚟喺壇發帖都係用粵文，所謂嘅「規範」漢文唔啱我。我嚟呢度係發圖，唔係同「全世界華人」討論某啲嘢，我用粵文寫嘢對我極有好處，我冇興趣喺網度再用嗰啲所謂嘅「規範」漢文。
對母語同母文，我有我嘅堅持，就算喺其他壇我一樣遭受同樣嘅責難，不過噉並唔會影響到我。
我有我嘅堅持，見諒！
----------------------------------------
ZiNaa有句古語，叫做初生之犢不怕虎，點解ZiNaa唔傳授呢種噉嘅理念畀我哋啲經已ZiNaa化嘅「南粵愛國新一代」呢？而偏偏同我哋啲ZiNaa化嘅「南粵愛國新一代」講：唔惹麻煩，韜光養晦，跟dong走，時刻保持同乜乜一致之類嘅泯滅個性，愚民奴化嘅嘢？
「嚇人言論」？
睇睇我哋啲可愛嘅經已ZiNaa化咗嘅「南粵愛國新一代」畀ZiNaa嘅輿論教育系統馴化到幾咁鵪鶉！
鵪鶉嘛，當然係敏感細膽兼時時慌失失嘅，所以佢先至會覺得周圍都係地雷，到處都咁「嚇人」。
----------------------------------------
妳憎恨嘅妳可以離開，或者妳令到我離開，假如妳唔可以令到我離開而妳自己又唔願意離開嘅話，噉妳就要接受共容共存呢個事實。
我嘅理念喺粵協有唔少粵右支持，當然，亦有唔少粵左強烈反對，我冇理由因為妳啲粵左嘅反對而收聲。
多元化並唔一定會喺「和諧」嘅氛圍之中達成。相反，喺好多時，衝突會喺不經不覺間締造出真正多元。
----------------------------------------
出國又真係家陣好多唔願做奴才嘅粵人嘅其中一個選項嚟，之不過呢，嗰啲唔願做奴才嘅粵人其實仲有好多好嘅選擇，譬如保本，培元，粵協裡頭嘅唔少人就做緊呢樣嘢。
雖然粵人現時要忍，不過忍還忍，我哋點都唔可以係忍受當中將我哋嘅終極目標忘卻，呢樣嘢唔係走（亦即係妳所謂嘅出），而係立！係建！
----------------------------------------
「Canton」係廣州嘅專屬英文名稱，「Canton」並唔係指廣東。
「Cantonese 」係粵語，或者叫廣州話。粵語唔單止係廣東嘅本土語言，而且仲係大半個廣西嘅本土語言，所以將「Cantonese 」形容成「廣東話」係唔啱嘅。
「Cantonia」係粵地粵域噉解，當然，假如係都要無限上綱嘅話，「Cantonia」呢個詞可以如某人所言，譯成「粵國」。
至於「Cantonian」，係粵族，粵人嘅專屬英文名稱。當然，「Cantonese 」亦都可以譯成粵族，粵人嘅。
----------------------------------------
妳咁興做乜Q，佢又唔係代表我哋粵族人嘅祖國首奪奧運金牌，佢祇不過喺替我哋粵族人嘅殖民宗主國攞咗塊牌咋！呢種情形，就好似一個立陶宛人為前蘇聯攞咗塊牌噉，根本唔值得祝賀。因為佢係代表殖民宗主國而唔係自己嘅祖國！
----------------------------------------
妳有呢種逆向嘅思維方式係值得讚揚嘅，廣東就係粵嘅中心，兩廣（海南屬廣東嘅一部分）合埋一齊就係大粵！
呢篇嘢好耐之前就寫落嘅，「南粵」呢個稱呼好貼切嘅突然咗現時我哋粵地嘅政治處境，現時粵喺「中國」嘅範疇之內的確係「南」，就好似圖伯特喺「中國」嘅範疇之內的確係「西」一樣（所以中國將Tibet叫西藏），又或者，冬凸厥斯坦（維吾爾斯坦）喺「中國」嘅範疇之內的確係「新」（所以中國將冬凸厥斯坦叫新疆）。
寫呢篇嘢最初嘅目的，就係要畀現時處喺中國殖民統治之下嘅「南粵」民眾醒醒腦嘅！
呢篇嘢係好耐之前寫嘅，裡頭隱含著好多「一個中國」嘅思維模式，不過呢啲諗嘢嘅方式同睇嘢嘅視角，對我嚟講，已經漸行漸遠。
民進黨嘅始創元老有好多都有「中國」經歷同感受，佢哋都係因一事因某個趨勢而觸發咗佢哋內心對現實政治嘅強烈反思，逆向嘅思潮隨即誕生，之後有著類似思維嘅人聚集埋喺一齊，民進黨於是就噉形成。
喺大粵，現時唔少粵族人正處喺「中國」經歷同感受嘅掙扎之中，大凡生長喺大粵本土嘅土生粵族人，佢要真正成為一個具粵獨理念嘅人士，必定要過呢一關。點解？咪皆因我哋大粵而家嘅政治處境係中國嘅殖民地，我哋大粵嘅民眾從細到大都係接受北邊異族--漢人嘅奴化洗腦教育嘅！我都自然唔會例外，我之前就過緊呢一關，呢篇嘢就係當其時嘅產物。
----------------------------------------
喺度先講下我對海外粵族人嘅一啲睇法，呢裡頭嘅觀點可能會對某啲粵胞粵僑有所得罪，海涵！
講真，其實海外嘅粵族人絕大部分都冇意識到自己真正嘅族屬，佢哋最多係關注到自己嘅先祖係嚟自邊度：嚟自廣東，佢就認為佢係廣東人，嚟自福建，佢就認為佢係福建人；而家廣東同福建歸屬緊邊個國家吖？中國！哦！噉佢哋就自然而然噉引申話自己係「中國」人！「中國」又叫做咩吖？哦！「華夏」！噉佢哋又去引申成「華夏」人，「華人」囉！
由於佢哋長年孤身在外，人單力薄，難免受異域人欺凌，再加上年歲漸長，思鄉日重，所以佢哋對「唐山」嘅感情與日俱增，呢啲點點滴滴都會使到佢哋嘅故土情結越嚟越強，並且喺海外狹窄嘅族群圈裡頭發酵漫延，代代相傳不絕！呢種故土情結，首先係臺山，順德，潮陽，梅縣嘅範疇；跟著就係四邑，廣府，潮州，客家嘅範疇，再上延啲就去到廣東嘅範疇，最後先係「中國」嘅範疇。喺呢個過程裡頭，佢哋嘅意識祇有地域嘅概念，而冇民族嘅概念，呢個就係咁多海外粵族人有臺山人，廣東人，乃至到「中國」人，「華人」，「華僑」，「華裔」認同嘅根本原因。
喺一個完全陌生，同故土完全隔絕嘅環境裡頭，佢哋一唔係就畀人同化（例如最早期移民菲律賓，泰國嘅廣東人，福建人），一唔係就唯有聚族而居，喺強大嘅外力脅迫底下，喺呢啲未被同化嘅海外粵族人裡頭，佢哋嘅廣東情結，「中國」情結，「華人」情結只會越嚟越大，呢樣嘢係好自然會發生嘅，呢個亦都係點解仲有咁多海外粵族人比起「中國」嘅粵族人仲要愛「中國」，仲要愛惜「中華傳統」嘅原因。
同樣嘅道理可以反推，點解喺「中國」嘅粵族人裡頭，經已有咁多人對「中國」，對「漢族」，對「華夏」開始持懷疑嘅態度呢？咪同樣係因為一個強大嘅外力脅迫囉！我哋粵右可以理解海外粵族人嘅「愛國」情懷！之但係，妳哋可唔可以理解下我哋呢啲喺「中國」嘅粵右呢種唔「愛國」嘅情懷呢？
當然，喺海外嘅粵族人裡頭亦都有右嘅元素，而且，呢啲海外嘅粵右經已為粵協增色不少！但係，呢度有啲「局促」嘅氣氛，同樣令唔少海外粵右嘅聲音只係雁過留聲而矣。
----------------------------------------
至於香港算唔算海外？九七之前或者仲算嘅，喺2008年嘅今日，香港真係越嚟越撈囉，某啲香港粵人嘅觀點立場甚至比「中國」嘅粵族人仲要左，仲要強調「和諧愛國」！
----------------------------------------
| 
發表於 2009-3-1 14:53:18
粵生啲言論真係精彩絕倫.