|
近日一部据讲系人物传记类嘅电影《梅Ｘ芳》上画，于是嗰啲垃圾狗评、煽稿就排山倒海噉见诸报端同埋电视荧光幕。
但系大家有冇谂过，其实呢部戏系有企图咖？
如果大家记性唔系太差嘅话，应该重记得今年喺我哋岭南大地强推京剧嘅事件！当时大家都曾经有热烈嘅讨论同强烈嘅反响！
呢部《梅Ｘ芳》想点，相信都唔使我多讲嘞！
无论呢次「金融海啸」对你有冇影响都好，总之就唔好攞你啲钱去睇《梅Ｘ芳》——连盗版都唔好买唔好睇，免得睇坏眼、嘥你啲时间同银纸，重要畀人洗脑，灌输啲垃圾信息同思维！
我哋绝对支持喺河北省推广梆子、评剧……，喺陕西推广秦腔……，喺江苏推广昆曲、淮剧、扬剧……，喺安徽推广黄梅戏……，喺浙江推广越剧、绍剧……，喺江西推广赣剧、采茶戏……，喺福建推广梨园戏、闽剧、庶民戏……，喺广西推广桂剧、邕剧、丝弦戏、广西师公戏、彩调、牛娘剧、桂南采茶戏、壮剧、苗戏、侗戏……，喺海南推广琼剧、临剧……，喺河南省推广豫剧……，喺四川推广川剧……，喺西藏推广藏戏……
当然啦，喺广东就梗系要推广粤剧、潮剧、正字戏、白字戏、广东汉剧、西秦戏、花朝戏粤、北采茶戏、乐昌花鼓戏、雷剧、粤西白戏……我哋岭南地区啲文化艺术真系丰富！不过可惜症苦唔重视，以至而家频频话要「救亡」！希望话要建设「文化大省」、「首善之区」唔系得把口讲，要攞啲实际行动出嚟，摆多啲资源落去！
至于梅Ｘ芳以前唱开嗰啲唔知咩戏，唔该叫佢喺棺材里面爬出嚟，自己揾地方推广！唔好攞我哋劳动人民辛辛苦苦揾返嚟交税嘅血汗钱嚟乱咁搞！
希望诸位热爱岭南文化或者自己本土文化嘅人士能够将呢篇警告周围转发！
联合国环保、教科文组织都呼吁：地球生物需要保护多样性！中国嘅文化艺术同样需要多元化，而绝对唔系单一化！
| 
發表於 2008-12-21 20:36:52
發表於 2009-1-3 01:04:48
