設為首頁收藏本站

粵語協會

 找回密碼
 註冊

QQ登錄

只需一步,快速開始

掃一掃,訪問微社區

搜索
熱搜: 活動 交友 discuz
查看: 4555|回復: 22

[粵韻風華] 点解唔拍部《红线女》呢?

[複製鏈接]
發表於 2008-12-21 19:38:45 | 顯示全部樓層 |閱讀模式
  「卖——荔——枝……身外是张花红被,轻纱薄锦玉团儿,入口甘美,齿颊留香世上稀……」——近日经常会听到呢段耳熟能详嘅唱词。因为最近好多电视电台节目都以改革开放三十年为题,采访为改革开放作出重大贡献嘅人同事,其中亦不乏呢一位——著名戏剧表演艺术大师红线女女士。

  众所周知,红线女女士从艺七十年,一日都冇离开过粤剧艺术——即使被「下放劳动」嘅时候重坚持练功,拍摄过七十几部电影,演出将近二百个剧目,既有传统戏、现代戏,又有新编历史剧、改编外国名剧,脍炙人口嘅有《搜书院》、《关汉卿》、《一代天娇》、《昭君出塞》、《蝴蝶夫人》、《清宫恨史》、《珠江泪》、《刁蛮公主戆驸马》、《苦凤莺怜》、《打神》、《李香君》、《山乡风云》、《荔枝颂》……

  作为「人民嘅艺术家」,红线女女士除咗喺岭南地区演出,为岭南人民带嚟欢乐之外,更多次前往东南亚及欧美等地为广大嘅观众传播粤剧文化,以优美动听嘅乡音润泽住无数华侨嘅心灵,促进佢哋返乡投资,帮助祖国建设。红线女女士嘅艺术成就同卓越贡献不但得到祖国人民嘅肯定,就连联合国都给予高度评价,并颁发奖项!

  近日啲报纸、电视排山倒海噉帮某部人物电影做宣传,颇有誓要「惊天地泣鬼神」之势。我就谂嘞,点解我哋唔拍一部《红线女》,向呢位伟大嘅艺术大师致敬呢?噉当电影上画嘅时候,我哋同样都可以铺天盖地噉做宣传吖嘛!到时使慌冇机会提升粤剧地位?

  冇错,广州市症苦喺珠江新城划咗块地兴建「红线女艺术中心」,并于1998年落成并投入使用。但系全球各地嘅人想了解粤剧或者红线女,除咗上网,系咪就要走嚟广州呢?如果有一部关于红线女嘅电影,系咪可以令更多人认识粤剧,认识红线女呢?但事实上只有米雪喺1992年嘅《香港传奇人物·天之娇女》里面饰演过「红剑女」。振兴粤剧除咗喺培养人才、舞台演出、剧本编排上落功夫之外,系咪亦都可以喺其它方面谂下办法呢?毕竟粤剧都曾经系中国电影历史上一个好长时期嘅主流!

  不过拍呢部《红线女》一定要用广州话——要用熟悉我哋岭南文化同历史嘅人嚟做编、导、演,否则就会好似《李小龙传奇》噉拍到唔知似乜!认真不知所谓!

  而家系市场经济年代,冇人可以担保拍出嚟嘅电影一定赚钱,所以即使可能会冇钱赚,广州市症苦,乃至广东省症苦都应该鼎力支持——如果唔系,点建设「文化大省」啊?点做「首善之区」呀?

  当然,以红线女女士德艺双馨嘅影响力,相信好多人都会买菲入场嘅,所以票房方面唔需要太担心!问题系点样度好个剧本,将女姐毕生嘅努力奋斗、不屈不挠嘅专业精神呈现喺观众——尤其是年轻一代嘅观众面前,等啲后生都以佢为榜样!嗰阵我哋重使慌粤剧会没落?重使惊粤剧会后继无人?睇怕到时啲粤剧团嘅邀约演出应接不暇咋!

  今日嘅红线女重可以喺舞台上表演唱腔,重有精力扶掖后辈,我相信有佢指导嘅电影《红线女》一定会成为经典!而作为后辈嘅我哋亦都可以从中学到好多嘢!

  希望诸位热爱岭南文化嘅人士能够将呢篇呼吁周围转发,我哋期待有人能够早日开拍电影《红线女》!

評分

1

查看全部評分

發表於 2008-12-21 21:15:05 | 顯示全部樓層

因為 紅綫女  係事業嘅最高峰 遭遇咗人類最粗暴野蠻的批鬥。。。

 

 

 

 

                拍出來 有損 偉大嘅 「檔」嘅聲譽

     

 

 

                                                                         

發表於 2008-12-21 21:17:45 | 顯示全部樓層
原帖由 vincent10 於 2008-12-21 21:15 發表 因為 紅綫女  係事業嘅最高峰 遭遇咗人類最粗暴野蠻的批鬥。。。                         拍出來 有損 偉 ...


做藍線女可能無咁陰功
發表於 2008-12-21 21:23:53 | 顯示全部樓層
因為陳凱歌之類嘅人就算拍都係要用煲冬瓜拍,而女姐又極反感人哋用煲冬瓜,所以女姐有生之年,都冇人會拍紅綫女傳。
 樓主| 發表於 2008-12-21 21:52:09 | 顯示全部樓層

原帖由 思覺失調 於 2008-12-21 09:17 PM 發表 做藍線女可能無咁陰功

「红线女」最初个艺名系叫做「小燕红」,后来靓少凤同佢讲咗「红线盗盒」嘅古仔,建议佢改为「红线女」,佢听咗靓少凤支笛,于是就红到家下嘞!

人生就梗系有高低起跌咖啦,如果唔系又点会得嚟咁精彩噃?!

通常捱得到咸苦嘅人,最终都可以修成正果嘅!

 樓主| 發表於 2008-12-21 21:57:35 | 顯示全部樓層

原帖由 vincent10 於 2008-12-21 09:15 PM 發表 因為 紅綫女  係事業嘅最高峰 遭遇咗人類最粗暴野蠻的批鬥。。。                         拍出來 有損 偉 ...

请揾1992年嘅《香港传奇人物·天之娇女》睇下再讲!

佢嗰段经历可以勉励年轻人如何面对逆境!

 樓主| 發表於 2008-12-21 22:04:48 | 顯示全部樓層

原帖由 普君南拆遷居民 於 2008-12-21 09:23 PM 發表 因為陳凱歌之類嘅人就算拍都係要用煲冬瓜拍,而女姐又極反感人哋用煲冬瓜,所以女姐有生之年,都冇人會拍紅綫女傳。

我已经讲过,「拍呢部《红线女》一定要用广州话——要用熟悉我哋岭南文化同历史嘅人嚟做编、导、演」!

嗰个姓陈嘅,除咗会拍啲「无聊至极」嘅戏之外,重识啲咩啊?佢有咩资格、能力、本事拍我哋岭南文化嘅戏啊?

發表於 2008-12-21 22:36:28 | 顯示全部樓層

就算系拍啊,都系拍薛觉先、马师曾啦,有排都未轮到拍佢红线女啦

 

 

 

 

發表於 2008-12-23 19:06:11 | 顯示全部樓層
乜嘢時候可以拍文革時候姖所受過嘅苦難,乜時候就拍得囉
發表於 2008-12-24 10:21:00 | 顯示全部樓層
症苦又點會撐你?發夢!咩文化大省…建撈文化!!
發表於 2008-12-24 11:32:24 | 顯示全部樓層
提示: 該帖被管理員或版主屏蔽
發表於 2008-12-24 15:01:13 | 顯示全部樓層
LZ話嘅係唔係《梅蘭芳》呢?我都期待本土電視臺或者珠影能拍本土題材嘅影視作品,不過聽人講而家喺廣州搵一個粵語演員比搵一顆鉆石仲艱難。
發表於 2008-12-24 15:05:42 | 顯示全部樓層

原帖由 紮那魯剛多 於 2008-12-24 15:01 發表 LZ話嘅係唔係《梅蘭芳》呢?我都期待本土電視臺或者珠影能拍本土題材嘅影視作品,不過聽人講而家喺廣州搵一個粵語演員比搵一顆鉆石仲艱難。

如其四處搵人拍,不如我哋粵協籌錢自己拍,振興本土影視吖嗎

發表於 2008-12-25 13:13:15 | 顯示全部樓層

要睇下有冇经济价值,有冇人识得欣赏,有冇人愿意投资。。。。。

發表於 2008-12-26 19:55:35 | 顯示全部樓層
紅綫女在生下嘛,拍乜鬼傳。
發表於 2008-12-26 22:47:16 | 顯示全部樓層

虽然我对女姐嘅艺术成就十分认同并尊重,但对症苦畀红派一家独大嘅做法持反对态度,其它流派式微对粤剧界绝非好事。

以事论事,拍唔拍《红线女》与人是否在生无关,红线女艺术中心既然可以以在世艺术家名字命名,拍出戏有何不可?

發表於 2008-12-29 14:26:46 | 顯示全部樓層
提示: 該帖被管理員或版主屏蔽
 樓主| 發表於 2009-1-1 04:44:09 | 顯示全部樓層

原帖由 不关云和月 於 2008-12-25 01:13 PM 發表 要睇下有冇经济价值,有冇人识得欣赏,有冇人愿意投资。。。。。

當初起間「紅綫女兿術中心」同而家勞民傷財起嗰個爛鬼垃圾電視塔都唔見得有咩經濟價值啦,點解又會有人起呢?

唔該發掘下本文嘅內在深層意義,唔好乜都向錢看——打撈、反推普都冇乜經濟價值,不但冇乜人欣賞,甚至好多人反對,噉點解你又做呢?你又投資咁多時間、精力同心機落去呢?

一年已經過去,你又大個咗一年,要有長進先得!

 樓主| 發表於 2009-1-1 04:50:33 | 顯示全部樓層
原帖由 顺德水蛇粥 於 2008-12-26 10:47 PM 發表

虽然我对女姐嘅艺术成就十分认同并尊重,但对症苦畀红派一家独大嘅做法持反对态度,其它流派式微对粤剧界绝非好事。

以事论事,拍唔拍《红线女》与人是否在生无关,红线女艺术中心既然可以以在世艺术家名字命名,拍出戏有何不可?

講得啱!

都已經係廿一世紀咯,一個二個啲思想都重係咁落後,唔得解放!有啲人甚至可以用「愚昧」嚟形容!

 

 樓主| 發表於 2009-1-1 05:05:49 | 顯示全部樓層

原帖由 紮那魯剛多 於 2008-12-24 03:01 PM 發表 LZ話嘅係唔係《梅蘭芳》呢?我都期待本土電視臺或者珠影能拍本土題材嘅影視作品,不過聽人講而家喺廣州搵一個粵語演員比搵一顆鉆石仲艱難。

你錯喇!你聽啲咩廢柴亂噏廿四?!並唔係演員難搵,而係啲粉腸唔肯使錢!

點解垃圾廣州電視台咁多岩岩巉巉、奇形怪狀、口齒不清嘅記者、節目主持啊?除咗因為啲死撈頭夠賤、從中作梗之外,唔願畀合理嘅薪酬亦都係重要嘅原因之一--一分錢一分貨,低人工可以請到高質素嘅人才?發緊夢呀?

得閑揾下「千金買骨」嘅古仔嚟睇下再講啦!

您需要登錄後才可以回帖 登錄 | 註冊

本版積分規則

粵語協會官方網站
網友發帖之言論,純屬個人意見,與本會立場無關

手機版|Archiver|粵語協會    

GMT+8, 2020-5-30 13:22 , Processed in 0.258883 second(s), 29 queries .

Copyright © 2003 - 2016 Cantonese Association. All Rights Reserved. 粵語協會 版權所有

快速回復 返回頂部 返回列表