粵語喺大學生圈子裏面嘅悲哀。

xiss

我最近同一個大學同學聊QQ，佢係喺一閒位于廣州嘅大學讀書嘅，有尐對話令我好唔舒服：

 

我：你哋學校有冇同廣州話有關嘅協會或者資料咖？

佢：冇…我哋学校，廣州人係弱勢社團…潮汕同客家佬玩曬咁滞…連撈頭都可以踩住廣州人…

我：你哋學校唔係喺廣州個咩？

佢：喺廣州噉又點吖…廣州人做麽都唔係…地位超弱…我哋學校，官方禁止參加同鄉會…其他地方嚟嘅都有組織同鄉會，就係廣州嚟嘅冇…我曾經都講過，如果有廣州同鄉會，我肯定參加…

我：但係就冇人組織？

佢：冇吖…廣州人係我地學校，感覺好分散…好似盤散沙噉

 

睇到「散沙」呢兩個字，既擊中咗事情嘅要害，亦都擊中咗我嘅相信亦都係大多數廣州人乃至廣府人嘅情感痛處。

的確，我哋廣州我哋廣府曾經被人「賜予」咗「包容」嘅美稱，但係喺呢個美稱嘅另一面就係刻住「散沙」呢兩個字，並因此承受住喺自己土地上被外地人淩辱嘅痛楚！！

我諗，粵語今日嘅息微，有尐係由我哋廣府人嘅性格所造成咖。我諗，如果廣府人唔去改變一下自己文化嘅某尐因素，粵語乃至整個粵文化就真係守唔住咖嘞。一方面要守住文化嘅整體，一方面呢個文化本身就隱含住「自殺」因素，越守越容易「自殺」，呢個就係粵人喺守衛文化時遇到嘅獨特矛盾，處理好呢對矛盾，係粵文化重新振興嘅其中一個關鍵。呢個需要粵人嘅智慧。我諗方法係現成嘅，就係「揚棄」，關鍵我哋能否實踐好「揚棄」~~~~~

 

[ 本帖最後由 xiss 於 2008-12-14 23:41 編輯 ]

vincent10

咩 包容  分明就係 搵契弟。。。

攸固

唔一定要同鄉會至可聚.
粵文化之多,若搞個粵曲會或之類,一樣可聚.
最重要系將粵文化流傳.

僆仔

原帖由 攸固 於 2008-12-14 17:08 發表 唔一定要同鄉會至可聚.粵文化之多,若搞個粵曲會或之類,一樣可聚.最重要系將粵文化流傳.

 

粤曲？？依家有几个后生仔听得嘎，连戏院都成电影院。

外外星人

原帖由 僆仔 於 2008-12-14 17:29 發表   粤曲？？依家有几个后生仔听得嘎，连戏院都成电影院。

之咪喺，呢張帖畀人當咗「粵韻風華」就冇人睇喇！

紫凤凰

毫無感覺，我平時都係普通話、粵語、英語一齊講，而且講慣咗，十句粵語總有插幾句普通話，尤其是越大段越明顯，其次就會有好多英文字詞。

 

總之至少兩種語言以上。

 

不過話時話，廣州話始終會改變，多年以來，廣州話都是在逐步演變先至會到今時今日噉嘅樣子，語言是變化的，而且普通話終究會和普通話結合。

 

而且覺得粵語和普通話嘅結合，帶來嘅可能係早期粵語。語言會遷徙，人也會，講起上來，最上八輩子，誰不是從廣東以北部南下的，當時的嶺南人又怎麼想，難道故步自封？

 

這是一個趨勢，而且君不見普通話也吸收了大量的粵語詞彙嗎？的士，埋單（變成買單），沖涼等，人家影響你，你也影響著人。

 

要粵語現今變成國語自是不可能，但是問題在於當粵語和普通話結合後，新的普通話誕生了，新的粵語也誕生了，它可能成為國語。但當然舊的自然也會消亡。

 

歷史就是這樣經歷着消亡-誕生-消亡的過程。人死後葬後會化成泥土，泥土又孕育出樹苗和萬物，這就是歷史，也是寰宇的定律，生生不悉，所以粵語遲早會死，但新的粵語也會由此誕生。

思覺失調

其實,我覺得廣州嘅大學無類似「廣州同鄉會」嘅物體，唔完全係「散沙」嘅原因嘅……
正所謂「廣州是我家」！呢處就係廣州。

廣州人通常鍾意返屋企就返屋企架喇，唔會對大學嘅宿舍有乜留戀同歸屬感囉，但係其他人就唔同喇，宿舍，係佢哋廣州嘅「屋企」囉，搵返幾個「家人」感覺係好好多嘅，同在異鄉爲異客啊嘛。

廣州人星期六日多數都走人返屋企喇，但係佢哋去得邊？廣州人，就算係平時，都好容易就可以搵原先嘅老友，見返啲中學同學，見返舊底就識嘅廣州人，返屋企見下阿爸阿媽……
但係，佢哋無埞去，搵唔返昔日嘅朋友，無咗一種可以「依靠」嘅感覺啩，所以，唯有「團結」囉。

而，廣州人就唔太需要呢種「團結」喇，因為我哋無佢哋咁「空虛」。
而且，我覺得廣州人真係唔會熱衷呢家嘢，對呢啲亦都無乜興趣囉。務實吖嘛！

廣州人係弱勢群體，的確！因為我哋真係唔夠佢哋「團結」。而且，大學，係佢哋強大嘅基地！大本營！但係我哋對呢個「基地」好不屑……根本唔會有心經營呢個「基地」。你鍾意咪玩飽佢囉，我喺要撇嘅時候就撇，使乜同你唧唧嗝嗝啫？都唔啱channel。出返去，大把廣州人F，使喺度同佢哋一般見識？

對於啲撈人，

原帖由 vincent10 於 2008-12-14 16:52 發表 咩 包容  分明就係 搵契弟。。。

我覺得係……養狗咬春袋……

廣州人散沙，又的確嘅。廣州人，都有幾種嘅……呢度姑且勿論嗰啲「偽」廣州人。
經過觀察，老四區嘅人通常會一齊玩。但係，「鐘落潭」「花都」嗰類嘅人會鍾意同其他地方嘅人玩。凈係咁樣，就經已「團結」唔到所有廣州人喇，加之原先廣州人就少架喇！！

大學真係好少廣州人，會令人好懷念中學全部都係廣州人嗰種感覺……簡直係天堂……

見返中學同學,必不可少嘅話題就係--聲討撈西,互相呻下畀撈西殘害嘅經歷


[ 本帖最後由 思覺失調 於 2008-12-14 22:52 編輯 ]

思覺失調

原帖由 紫凤凰 於 2008-12-14 20:47 發表

毫無感覺，我平時都係普通話、粵語、英語一齊講，而且講慣咗，十句粵語總有插幾句普通話，尤其是越大段越明顯，其次就會有好多英文字詞。

總之至少兩種語言以上。

不過話時話，廣州話始終會改變，多年以來，廣州話都是在逐步演變先至會到今時今日噉嘅樣子，語言是變化的，而且普通話終究會和普通話結合。

而且覺得粵語和普通話嘅結合，帶來嘅可能係早期粵語。語言會遷徙，人也會，講起上來，最上八輩子，誰不是從廣東以北部南下的，當時的嶺南人又怎麼想，難道故步自封？

歷史就是這樣經歷着消亡-誕生-消亡的過程。人死後葬後會化成泥土，泥土又孕育出樹苗和萬物，這就是歷史，也是寰宇的定律，生生不悉，所以粵語遲早會死，但新的粵語也會由此誕生。

 

哦……係囉……唔怪之得你「毫無感覺」，難怪你講嘢講到咁嘅「樣子」囉。


「粵語就是這樣被殘害的」
=======================================================================
你可以全部係白話文，可以全部寫書面語，但係，咁樣硬係有啲唔湯唔水、畀人殘害完嘅感覺。

同「老房子」「騎單車」不相伯仲。


[ 本帖最後由 思覺失調 於 2008-12-14 22:41 編輯 ]

tonybean

原帖由 紫凤凰 於 2008-12-14 20:47 發表 毫無感覺，我平時都係普通話、粵語、英語一齊講，而且講慣咗，十句粵語總有插幾句普通話，尤其是越大段越明顯，其次就會有好多英文字詞。   總之至少兩種語言以上。   不過話時話，廣州話始終會改變，多年以來，廣州話都是 ...

講得幾好，雖然我冇你噉樣混合各種語言嚟講嘢，但我週圍嘅廣東人好多時用粵語表達唔到就會搭句普通話。我改變唔到個趨勢，不過我唔會隨波逐流，依然會堅守我嘅語言，但亦都唔會排斥佢。

成日笑

 

畀紅線遮住嗰啲係講乜嘢嚟㗎 

tonybean

喺自己嘅城市何須搞同鄉會呢？只有身處異地，來自同一處地方嘅人（共同語言）聚埋一齊，先會更有歸宿感。我學校嘅廣東同鄉會好龐大架，前嗰排重同其他學校搞咗個南京廣東同鄉籃球賽，人多到可以拍古惑仔開大片！

 

雖然社團方面唔係咁景氣，不過始終係啱啱開始，第日重有好長嘅路要行。

xiss

原帖由 成日笑 於 2008-12-14 22:54 發表 8164   畀紅線遮住嗰啲係講乜嘢嚟㗎 

嗯，這是個謎！！

xiss

原帖由 tonybean 於 2008-12-14 22:53 發表 講得幾好，雖然我冇你噉樣混合各種語言嚟講嘢，但我週圍嘅廣東人好多時用粵語表達唔到就會搭句普通話。我改變唔到個趨勢，不過我唔會隨波逐流，依然會堅守我嘅語言，但亦都唔會排斥佢。 ...

粵語詞彙咁豐富，我真係諗唔到有么嘢係粵語表達唔到反而普通話表達得到喔。相反，我會喺講普通話嘅時候成日遇到一尐普通話表達唔到嘅情況，此時我會搵撈音粵語嚟到補救！！

紫凤凰

我自小就將普通話練到沒甚麼口音的，但有些詞彙依然會有， 。

 

後來接觸的朋友很多，大江南北都有，普通話越講得多越無口音。所以我講普通話時完全沒有人會聽或看得出我是廣東人。

 

因為捲舌、兒化樣樣精通（小時候經已練成，還要是自己練的，並非強迫型） 。

 

而且我性格向來被人說很北方人。所以我基本上在北方生活都完全沒有問題。

 

我都經已不是快而準的問題了。基本上除非你普通話、英語都練到很高水平才會出現的混合。否則不會出現。如果沒有出現的話就證明你其他語言的水平還未達到。

接觸過我的朋友沒有一個說我的普通話不好的，還要是很好的那種，我一個河北朋友經已說普通話說得太好。所以研究普通話與粵語的比較我是算比較內行。

[ 本帖最後由 紫凤凰 於 2008-12-15 00:28 編輯 ]

不关云和月

噉讲法，我哋系咪应该为有口音嘅广东话自卑呀？

 

但要我自卑，我反而要自豪。

xiss

原帖由 不关云和月 於 2008-12-15 14:27 發表 噉讲法，我哋系咪应该为有口音嘅广东话自卑呀？   但要我自卑，我反而要自豪。

廣府人講普通話帶有粵語口音，正常，亦都唔需要自卑，因爲我哋只係將普通話當成一種交流工具，佢同粵語嘅地位係無法相比嘅，所以我哋嘅原則就係「聼得明就夠嘞」，完全唔需要用「純熟」嚟到要求自己嘅普通話水平！！

紫凤凰

根本冇人要求你哋要達到我嘅普通話水平。

 

我只不過講出我嘅情況。根本都冇乜話自唔自卑嘅問題。

 

其實在外多年，我更加理解為何廣東的那些外省人會出現那種情況。

 

很簡單，如果你去到南京等非粵語區，假設人家講慣的是一種你聽不懂的方言，而非大家都能聽懂的普通話，而如果突然有政策幫助，你的群體沒那麼弱勢的話，你會明白到這是一個甚麼問題。所以計我話，死守方言者通常都係未在外地住過一段較長時間的，這是一種很正常和典型的情況。

 

你們責罵，別看你理由十分充分，只是你未試過他們那種情況。

 

所以我覺得你們對他們缺乏的是一種感同身受的瞭解。

tonybean

原帖由 紫凤凰 於 2008-12-15 16:48 發表 根本冇人要求你哋要達到我嘅普通話水平。   我只不過講出我嘅情況。根本都冇乜話自唔自卑嘅問題。   其實在外多年，我更加理解為何廣東的那些外省人會出現那種情況。   很簡單，如果你去到南京等非粵語 ...

點解我發覺你講嘅嘢令到我感同身受嘅？

我喺南京，本來聽本地人講嘅話就好容易，而家重要學埋佢哋嘅口音同句法……

唔知你喺邊笪北方地區浸過呢？

紫凤凰

原帖由 tonybean 於 2008-12-15 21:46 發表 點解我發覺你講嘅嘢令到我感同身受嘅？我喺南京，本來聽本地人講嘅話就好容易，而家重要學埋佢哋嘅口音同句法…… 唔知你喺邊笪北方地區浸過呢？ ...

我冇喺北方，只不過我係喺大馬，同樣面對類似嘅問題啫。雖然爾處粵語唔係唔得，但重有馬拉文同粵語、普通話嗰啲問題呢。唉，其實好多嘢都係差唔多囉。

所以嘛，其實而家爾處啲人有噉嘅狀況我哋都只能講句諒解，對爾邊嘅外地人亦都瞭解。正所謂未跛過嘅人點知跛過嘅痛苦。

紫凤凰

有啲嘢，雲和月佢哋係點都唔會明白架啦。