包 vs 袋

vincent10

G4報道:陳小姐今日朝早x點係x路嘅人行路上 被飛車賊 搶走手上個包(呢段野係唔睇電視嘅情況下齋聽 你諗到咩  係咪同我一樣諗法  個賊好肚餓   要搶走事主個包)  埋去睇返電視 原來係俾人搶手袋    我都唔記得本土傳媒 第幾次直接將 普語嘅包  直譯.............

highyun

若係手攞嘅：包 －> 袋

若係背孭嘅：包－>背囊

外外星人

冇包食，先会去抢手袋，记者好似暗示咗啲乜嘢。

gboss

書包（學生背囊？）、銀包（錢袋？）、公事包（公事袋？）、包裹（？？）……我唔覺得係北話南下嘅問題，而係佢唔識分咩係包，咩係袋嘅問題。

 

顺德水蛇粥

G4不留都系男腔北调，除咗识得一句「街坊」叫通含世界，重识得讲广府话咩？

思覺失調

查實……齋表達「手袋」或者「背囊」嘅話，喺廣州以內就唔講「包」……

但係廣州外，廣東內，就有「包」嘅講法……

 

樓上嗰位尊敬嘅前輩，又借題發揮。

我有幾個順德同學，佢都係講「包」嘅。你唔好話我知，你唔知有「包」呢個講法。

明明「包」呢個詞 並唔可以代表到「南腔北調」呢個詞，偏偏……

 

南腔北調，指嘅係-語音，語調方面。而非用詞。

所以，我覺得 用「南腔北調」一詞嚟形容G4 並不合適。

 

 

而「騎單車」「老房子」呢啲，只可以話，佢係粵語撈化嘅怪物。

比起「南腔北調」嚴重多多聲！

 

 

 

而佢一句「街坊」叫嗮咸個廣州嘅人，我都好頂佢唔順。

特別係有一日，佢話幾廿年前嘅「東山少爺」「西關小姐」唔係廣州街坊，所以，我曾經喺廣視網發帖請教佢 點解，反而依家通街嘅來歷不明者都係「街坊」。

建議前輩你都將你嘅寶貴意見都發去廣視網畀下當事人睇！

 

 

[ 本帖最後由 思覺失調 於 2008-11-21 21:00 編輯 ]

外外星人

大家都系为咗粤语救亡，无谓为咗尐多分歧嚟詏数。边个都好，只要有唔啱嘅音、字，都应该畀大家弹下，针对件事就得嘞！每个人都有机会出错，公众人物就零舍显眼啲，无论好丑，都会起到示范作用，故此，都系严格啲好。