廣東話 定 廣州話

中二仔

原帖由 嶺南散人 於 2008-9-5 12:33 發表 行政區劃同民系分布并不重合，該種講法容易以偏概全同張冠李戴。

係人都知會搞亂,但係民間的的確確都係以省呼其語.

事實就係咁.

通俗用詞好多時都唔係好準確.

[ 本帖最後由 中二仔 於 2008-9-5 15:52 編輯 ]

xiss

原帖由 bajatvj 於 2008-9-5 00:55 發表 講來講去，就是強勢問題，以前廣州是全世界最有錢的城市，週邊鄉鎮哪個不去學廣州話沾一下光。但是現時廣州強勢式微，轉由香港主導，香港人本身大多就是外省人，更之不會承認自己使用的語言被矮化成廣州話。現時北京人說的普通話 ...

你講得好啱，講出咗最本質嘅所在，亦都係最現實嘅所在——有錢就大曬！
雖然呢個本質所在有尐人（特別係好多香港人）唔願意承認，但係佢哋個心裏面究竟點樣諗，佢哋亦都應該知道。

xiss

原帖由 中二仔 於 2008-9-5 15:51 發表 係人都知會搞亂,但係民間的的確確都係以省呼其語. 事實就係咁. 通俗用詞好多時都唔係好準確.

事實就係噉？噉樣我問你，「上海話」么嘢回事？「北京話」么嘢回事？你以爲全世界得你講嘅嘢先係事實啊？

xiss

原帖由 中二仔 於 2008-9-5 06:34 發表 其實我敢講,大陸文化程度高少少,畀啲公德心,垃圾唔好周街丟,唔好隨地吐痰... 同大陸人,廣東人同聲同氣嘅香港人大有人在

我諗未必。我講個親身經歷畀你聼聼，等大家知道香港人嘅嗰種對内地嘅心理嘅真實面目：
大概喺04定唔知05年嘅時候，我同我班F落去香港玩，我喺香港嘅表姐過嚟接待我哋，充當「私家導遊」。由於我表姐喺香港都屬於一個「蒲」壇中人，而我哋呢班人亦都唔算係「唔蒲得」之人，於是乎有一日我表姐就帶咗我哋去吧道「刺激一下」。
喺嗰個吧入面，我哋呢班從廣州嚟嘅人冇任何嘅唔適應或者唔自在。我哋完全覺得呢道嘅感覺同廣州一模一樣——都係一大群穿著入時嘅年輕人喺道「群魔亂舞」。
我哋呢班人並冇自己同自己玩，而係好放噉樣主動融入到其他香港同齡人裏面同佢哋「癲個夠」、「群魔亂舞」.........
由於我哋嘅好動（取得嗰道又會有邊個唔好動呢？），我哋好快就同一班香港嘅後生仔混熟咗（具體嘅交友過程相信去過「蒲」嘅人都知道，在此不贅述），於是乎大家就坐埋一齊對啤酒、猜枚、玩「色仔」，甚至乎互問稱呼（當然係花名啦）........氣氛越嚟越熱烈，我哋基本上完全冇曬一個意識「呢道係香港，而我哋係廣州人」。直到一個香港人（呢條友個名好似叫Dick）爆出一句話：「咦，你哋係邊道咖，聽日再出嚟玩啊.......」我哋就有人話「唔啦，聽日我哋重有其它活動。」「么嘢活動？又係去bar？」「唔係，游其它景點，我哋係遊客嚟咖，冇咁多時間成日落嚟「蒲」！」「遊客？」「嗯，我哋係廣州嘅」「廣州？！！！」（成班香港人呢個時候好似撞邪噉樣發出異常誇張嘅驚嘆），我就話「好出奇咩？」我隔離嗰個就話：「唔係，只不過，估唔到廣州人都會落bar囖！」跟住又有一個接住講話：「因爲睇你哋嘅裝扮，實在好似香港人囖！」（留意一下粗體字嘅意味）當時我哋呢班廣州人就開始你眼望我眼，唔知點樣答佢哋，應該話，我哋唔知道用邊種方式回應佢哋，係含沙射影嘅回應吖定係打完場嘅回應。我呢個時候留意到頭先問我哋出處嘅阿DICK以及佢旁邊嘅一尐人，露出咗一尐略帶奇異嘅眼光，甚至乎有一個女嘅眼光透露出咗一尐「唔忿氣」！後來現場氣氛即刻疆咗落嚟，我哋有個人想打完場，話咗句：「都係一樣嗟。」，氣氛由此變得更加怪異。儘管我哋後來雙方都好快轉移到其它話題，希望擺脫呢個尷尬嘅氣氛，但係好明顯，無論我哋雙方點樣「努力」，一種怪異嘅感覺始終繼續彌漫落去，直到我哋離開呢道。

我唔知道後面嘅尷尬氣氛究竟係源自我哋嘅放唔開定係香港人嘅放唔開，定抑或雙方都有尐。但係香港人嘅嗰兩句話的確令到我哋好震撼「唔係，只不過，估唔到廣州人都會落bar囖！」「因爲睇你哋嘅裝扮，實在好似香港人囖！」。香港人嘅裝扮？唔似香港人？么有規定呢尐入時打扮係香港人嘅專利咩？有邊種研究表明廣州人（乾脆話係内地人）唔會打扮入時？有邊種研究表明廣州人（乾脆話係内地人）唔會落bar？唔知我有冇feel錯，香港人可能總係覺得，内地人嘅打扮總係停留（或者乾脆講話應該）喺以前嘅時代，總之，無論，内地人點樣打扮，佢哋都應該唔會追上香港人嘅，總之，香港人縂係可以喺内地人嘅打扮上面挑刺嘅。香港人係唔係覺得，内地人無論點樣進步，佢哋喺各個方面都應該唔會追上香港人嘅，香港人肯定都可以優於過内地嘅呢？甚至乎，香港人係唔係覺得，哪怕内地人唔係超過，只係變得同香港人無異，都係一個好唔正常甚至乎係一個「唔應該」嘅現象呢？否則，我唔明白點解當我哋表明出我哋嘅「廣州」身份時，面對同佢哋一樣「同聲通氣」嘅廣州人，大家之間毫無語言障礙嘅時候，佢哋仍然會擺出一幅「驚訝」、「不忿」甚至係「嫌棄」嘅樣呢？「驚訝」我可以理解，但係「不忿」同埋「嫌棄」我就真係無法理解嘞。正確尐嚟講，如果唔話香港人心裏存在一條對内地人嘅「刺」，的確無法解釋上述現象。
其實，喺嗰時，我完全唔會覺得香港人同廣州人有尐么嘢唔同，雖然我哋亦都聼到有尐大人話么嘢么嘢么嘢，但係我都係覺得，呢尐只係上一代嘅事嗟，同為後生仔嘅香港人同我哋廣州後生仔之間，肯定唔會存在呢尐嘢。因爲由細睇香港電視大嘅我哋，從香港電視裏面睇到嘅所有香港人嘅行爲模式，基本上同我哋係一模一樣嘅，簡直就冇任何嘅唔同，我feel唔到大家有么嘢唔同，或者乾脆話，香港人同廣州人，當時喺我嘅腦裏面，唯一嘅區別就係「香港」同「廣州」僅僅係名稱上嘅唔同，別無其它，或者話，當時我天真地冇去再諗其它嘢。所以，我去到香港嘅時候，我同我班F落去「蒲」嘅時候，我哋嘅心情同喺廣州「蒲」嘅時候冇任何嘅區別，都只係一樣嘢「去蒲」，僅此而已！所以，所謂嘅「自卑心理」，根本就唔存在嘅，或者我哋根本就冇出現過呢種心理，亦都唔知道面對香港人有尐人會有呢種「心理」。但係盡管如此，事情亦都的確出現咗波折。從此之後我逐漸開始意識到「香港」與「廣州」之別。而且，我更加深刻噉樣意識到呢種意識唔單單係内地人嘅自卑所引起，香港方面肯定有參與其中。
之後慢慢長大，亦都發覺自己之前的確好幼稚，成日以爲「蒲」人有么嘢與衆不同，但實際上，佢哋一樣都只係社會嘅一分子。社會嘅榮譽，佢哋會有，社會嘅陰暗，佢哋一樣好難免俗。就好似香港人對内地人嘅嗰種「根深蒂固」嘅心理，同樣會存在於本來不諳世事嘅年輕人之中。
我甚至覺得，呢種心理並唔完全係香港人對内地醜陋現象嘅被動反映，而應該唔多唔少有一尐香港人嘅主動因素在内——香港人可能需要呢種心理~~~~~

PS：据我多次喺香港遊玩嘅經歷，我覺得香港人並非好似我哋想象當中係一個好明顯嘅粵語文化中心。因爲好多香港人（特別係年輕人）佢哋以自己能夠講多幾句英文呢個事實比自己母語係粵語呢個事實更加值得驕傲。反觀内地嘅廣東，可能由於有一個強大嘅普語文化壓力，廣東人嘅母語光榮意識可能比香港人更加濃厚。所以，佢哋對於同廣東人「同聲同氣」呢個事實，佢哋究竟有尐么嘢感覺，我諗都有得研究研究~~~~
[ 本帖最後由 xiss 於 2008-9-5 18:52 編輯 ]

嶺南散人

原帖由 penkyamp 於 2008-9-5 14:56 發表 既然「华语」系一种具体嘅标准现代语，亦即系讲，普通话，而唔包括南京话，天津话，洛阳话，西安话，武汉话，点解「南华语」就唔能够系一种具体嘅标准现代语？我唔系讲「华南汉语方言」，而系讲一种命名为「南方的华语」嘅标准国际通用语 ...

鬼佬嘅該種理解係想當然，係唔正確唔全面嘅。

嶺南散人

原帖由 中二仔 於 2008-9-5 15:51 發表 係人都知會搞亂,但係民間的的確確都係以省呼其語. 事實就係咁. 通俗用詞好多時都唔係好準確.

所以要糾正該種錯誤，唔好繼續以訛傳訛落去。

HKCantonese

原帖由 penkyamp 於 2008-9-5 14:26 發表 要赋予粤语一个新名：「南华语」，詌就同「北华语」（中国语，华语，普通话）平起平坐。而且，「南华语」一名可以团结有粤语知识，中意讲粤语，但唔系粤族群嘅国人或华侨。 ...

 

那麼, 上海話叫做中華語? 

xVa

原帖由 xiss 於 2008-9-5 18:50 發表 我諗未必。我講個親身經歷畀你聼聼，等大家知道香港人嘅嗰種對内地嘅心理嘅真實面目：大概喺04定唔知05年嘅時候，我同我班F落去香港玩，我喺香港嘅表姐過嚟接待我哋，充當「私家導遊」。由於我表姐喺香港都屬於一個「蒲」壇中 ...

 

令到你0黎到香港玩遭遇到唔開心既經歷,

希望你接受我代替0個班古怪既香港後生仔女向你道歉.

    

實在香港人飲"洋奶"都有兩/三代人既歷史,

回歸祖國都只不過十一年.

你就當我地係未成年0既0靚仔好了.

 

正所謂有怪莫怪,細路仔唔識世界.

再敬你

[ 本帖最後由 xVa 於 2008-9-5 22:18 編輯 ]

xVa

原帖由 余OK 於 2008-9-5 14:11 發表 　　運用「歐陽偉豪論」，對住廣州人我會講「廣州話」，對住香港人、外江佬我會講「廣東話」，對住珠三角四鄉或者粵西、廣西粵語區人我會講「白話」，對住學術界我會講「廣府話」或者「粵語」，對住日本仔我會講「広東語」，對住 ...

 

你最正~幫我簽個名~

 

我都想你既一番說話,

有朝一日能夠發自我內心同人講.

penkyamp

原帖由 HKCantonese 於 2008-9-5 21:41 發表 那麼, 上海話叫做中華語?

喺二十世纪三十年代，上海话系「高级华人语」。 国语系中低级华人嘅语言。

而家，上海话乜代表性都无。佢只系一种比较都市化嘅吴语。但系佢嘅 Dachsprach 系华语，就系北华语。佢喺教育中，完全被北华语取代。佢嘅好多知识性词汇，被北华语词汇同读音取代。 鬼佬唔认为佢系任何一个地方或城市嘅主要通用语言。佢确实唔系任何一个地区或城市嘅工作同官方语言。

佢系一种曾经嘅亚洲国际大都市入边高级华人中嘅社区语言。呢样夜系无乜值得骄傲嘅。

佢有好多脚踏实地，创造性高嘅业余语言人士，正喺度致力于佢嘅复兴成为一种现代媒体语言。 呢一点上，粤语人要学习上海人。

cingsan

XISS生，其實做人何需理會人點睇你啫？？我唔信香港人睇起你，有金執？？點睇咪點睇…有所謂咩？采佢都傻…

xiss

原帖由 cingsan 於 2008-9-5 23:19 發表 XISS生，其實做人何需理會人點睇你啫？？我唔信香港人睇起你，有金執？？點睇咪點睇…有所謂咩？采佢都傻…

我從來唔需要香港人睇起我，我生於廣州長於廣州，誇張尐講生我養我嘅係廣州。與香港人何幹？但係任何人都要求一個起碼嘅尊重，就算唔好話香港人戴住有色眼鏡睇廣州人，如果有一個人戴住有色眼鏡睇你，歧視你，你都完全有權表達自己嘅不滿啦係唔係啊？凡事有個度，外人嘅睇法的確唔可以太在乎，但係外人對自己嘅起碼嘅尊重相信每個人都係需要嘅。唔係嘅話，中國法律何需界定「名譽權」呢？

cingsan

以德服人！

思覺失調

原帖由 余OK 於 2008-9-5 14:11 發表 　　運用「歐陽偉豪論」，對住廣州人我會講「廣州話」，對住香港人、外江佬我會講「廣東話」，對住珠三角四鄉或者粵西、廣西粵語區人我會講「白話」，對住學術界我會講「廣府話」或者「粵語」，對住日本仔我會講「広東語」

 

......完美答案喇!!

 

 

我都係咁.

 

 

對住廣州人梗係講 廣州話架,咁因為我哋真係講緊廣州話喎.

 

但係對住嗰啲湛江啊,茂名啊之類 我會講---廣東話!

 

如果有個湛江嘅嚟同我講,話佢自己嘅語言係"廣州話"嘅話,我會好唔舒服.

大佬,我同你口音甚至好多用詞方面都唔同,

我覺得我自己嗰啲先係廣州話,你差咁遠,你憑咩嘢話自己係"廣州"話啊!

so.佢嗰啲頂窿算係廣東話.

 

但係,就如廣州話,廣東話,呢兩個詞有尐尐地域上嘅意思影響啩,

廣東咁大,而佢哋講嘅的確係Cantonese.

冇奶油好似以為廣州大晒咁就要將"廣州話"呢個詞夾影套晒喺成個廣東度架.

 

除咗 對"廣州話"唔公平之餘亦都對廣州以外,廣東以內嘅地方唔公平啊!

bajatvj

歐陽偉豪這種人，見人講人話，見鬼講鬼話，蔑視大眾。讀書講時奸(時間)，見工講時諫。讀書講大竇(大荳)，買餸講大斗

bajatvj

原帖由 cingsan 於 2008-9-5 08:13 AM 發表 你都係睇返我嗰樓吧，廣東人講廣東話，湖南人講湖南話…呢啲嘢唔使谂。。就知嘞！！

而家系潮州人、客家人聽到唔開心，重指住廣州人來鬧，又唔去揾香港人來鬧

嶺南散人

原帖由 思覺失調 於 2008-9-6 00:21 發表   ......完美答案喇!!     我都係咁.     對住廣州人梗係講 廣州話架,咁因為我哋真係講緊廣州話喎.   但係對住嗰啲湛江啊,茂名啊之類 我會講---廣東話!   如果有個湛江嘅嚟同 ...

根本就冇所謂嘅「廣東話」，幾何講啊？

cingsan

原帖由 嶺南散人 於 2008-9-6 09:58 發表 根本就冇所謂嘅「廣東話」，幾何講啊？

唔係冇，係你唔肯正視啫！！！事實上有嘅，你格硬話冇都冇用架……

嶺南散人

原帖由 cingsan 於 2008-9-6 10:09 發表 唔係冇，係你唔肯正視啫！！！事實上有嘅，你格硬話冇都冇用架……

如果有，可你話乜喊做「廣東話」？

cingsan

原帖由 嶺南散人 於 2008-9-6 10:44 發表 如果有，可你話乜喊做「廣東話」？

喊咩我唔理，我淨知廣東話存在，並唔係你所講嘅冇！