廣東話 定 廣州話

xiss

原帖由 中二仔 於 2008-9-4 15:58 發表 任何地方產生「廣東話」都好正常. 北方人叫「廣東話」,日本人都叫「廣東語」     「去廣州化」@@? 都唔「廣州化」,如何「去」? 你覺得係叫「廣州話」係必然嘅事? ...

幾時話係「必然」嘅事？睇嚟你理解唔到我講話嘅意思，我只係話「香港去廣州化係必然嘅事」。
北方人原來係叫「廣州話」嘅，只係近年嚟香港影響力大增，香港人嘅文化反過嚟影響大陸，先至導致北方人逐漸改口叫「廣東話」。所以唔係人哋產生「廣東」，而係你哋向人哋推銷「廣東話」，麻煩你分清因果關係。
日本人就更加叫「廣東話」嘞。首先，佢哋對廣東情況唔熟悉，而佢哋同香港接觸肯定畀同内地嘅廣東接觸容易得多，自自然受到香港影響，將粵語（或者乾脆叫香港人講嘅粵語）叫做「廣東話」。所以，亦都係你哋嘅功勞，再次唔該你分清因果關係。

中二仔

原帖由 xiss 於 2008-9-4 17:56 發表 此乃「憎人富貴厭人窮」。唔尊敬人就算嘞，居然重以「你哋窮抵你哋被鄙視」作爲藉口為自己辯護，香港人嘅素質居然如此，有負「國際大都市」之稱謂。人對人猶如人對鏡，就連對同聲同氣嘅廣東都一樣可以施以討厭鄙視之情嘅香港 ...

同埋你應該思考一下唔受尊敬嘅原因,而唔係帶起罵戰,由頭話人話到尾

其實講有好多時候你自己認為嘅唔一定係事實,有時候自己嘅主觀思考係唔應該講出來

 

窮唔係原因,餓死無人幫先係原因,行落馬路中間拍人車窗先係原因.

乞食都唔係好嘢,時不時重會聽講有人打跛自己,,有時又聽講攞行街紙落香港,差佬好心唔拉,,

重離譜啲想自己行入監獄食皇家飯一世.....

 

窮人全世界都有,不過我係都執字皮唔跪喺條街,更勿論要人尊重

[ 本帖最後由 中二仔 於 2008-9-4 19:42 編輯 ]

中二仔

原帖由 xiss 於 2008-9-4 18:00 發表 幾時話係「必然」嘅事？睇嚟你理解唔到我講話嘅意思，我只係話「香港去廣州化係必然嘅事」。北方人原來係叫「廣州話」嘅，只係近年嚟香港影響力大增，香港人嘅文化反過嚟影響大陸，先至導致北方人逐漸改口叫「廣東話」。所以唔 ...

香港一啲都唔廣州化,我真係唔知有幾去廣州化..

 

得廣州人係叫「廣州話」,你去粵西,你去廣西,你去湛江,都無人會講「廣州話」

邊道廣州化?邊道去廣州化?

 

好自然,一個中國人好自然係會以省份稱呼外省人嘅語言.

「廣東話」係外人創,唔係香港創,亦唔會有乜嘢人推銷

一個普通中國人去某省,直覺都唔會以「某省會話」來稱呼該語,而係好自然地叫「某省話」

 

北方人原來係叫「廣州話」?證明來睇下

孔仲南先生都叫廣東語

cingsan

四哥！呢點我可以撐你噃！！！其實廣東話應該係外省人對廣東語言嘅稱呼嚟嘅…衹不過香港經常擺上電視…啲人就以為廣東話係香港造出嚟嘅……就好似湖南話、海南話、湖北話、河南話、河北話等等……以省份去註稱係一個必然結果！！！ 就我所接觸嘅外省人都叫廣東話多…同樣道理，我有個朋友湖南衡陽嘅，我衹會話佢講湖南話，而唔係咩衡陽話！！呢啲都係範圍概念嚟啫，譬如你去到外省，你話你廣州人，人哋以後提起可能都係稱你做廣東人！就如我個朋友，我一係叫佢湖南佬/人，從嚟唔叫佢衡陽人。

cingsan

其實嗰啲稱呼都係一種潛意識就有嘅。。。冇咩邊個生安白造畀邊個……你響街度撞到個海南佬…你意識都話你知，佢講海南話架喇……呢啲嘢已經成俗！！！0敢呢個海南話又邊個安畀邊個呢？？人人都覺得嘅嘢……就係人人都生安白造！！！又以一個外省人角度谂「廣東人自然講廣東話」呢個概念，係唔使思考就經已產生的！ [ 本帖最後由 cingsan 於 2008-9-4 20:49 編輯 ]

普君南拆遷居民

原帖由 xiss 於 2008-9-4 17:56 發表 此乃「憎人富貴厭人窮」。唔尊敬人就算嘞，居然重以「你哋窮抵你哋被鄙視」作爲藉口為自己辯護，香港人嘅素質居然如此，有負「國際大都市」之稱謂。人對人猶如人對鏡，就連對同聲同氣嘅廣東都一樣可以施以討厭鄙視之情嘅香港 ...

 

純粹係自卑覺得畀人歧視。完全唔覺中四仔有「你哋窮抵你哋被鄙視」呢個意思。重有就係，人哋都係好理性噉講嘢，而你就好似對香港人恨之入骨噉。既然大家同聲同氣，何必咁執著叫咩話？關鍵嘅唔係呢種語言嘅名稱，而係呢種語言嘅內涵。只要呢種語言能夠永傳萬世，發揚廣大，就算稱佢做北京話我都唔介意。

中二仔

睇過兄臺講嘅嘢,我...

我都係唔再同xiss拗落去

因為問題絕對唔係一人而起,我自問性格衝動兼口臭......

 

有咩要討論可以繼續,要嘈交就免喇..

xVa

版主

 

實在我起呢條帖,都係因為怕新來報到既我唔識講0野得罪人,

所以搞清楚D最基本0既0野先.

 

估唔到引起少少對罵,真係唔好意思.

 

好彩睇0黎大家都好豁達.

 

其實......唔論呢庶有咩結論,

我自己既日常生活中,仍會用"廣東話"0黎稱呼我既語言.

因為,我身在香港.  唯有隨波逐流啦~

cingsan

我就好豁達！！！哈哈……

xiss

原帖由 普君南拆遷居民 於 2008-9-4 21:15 發表 純粹係自卑覺得畀人歧視。完全唔覺中四仔有「你哋窮抵你哋被鄙視」呢個意思。重有就係，人哋都係好理性噉講嘢，而你就好似對香港人恨之入骨噉。既然大家同 聲同氣，何必咁執著叫咩話？關鍵嘅唔係呢種語言嘅名稱，而係呢種語言嘅內涵。只要呢種語言能夠永傳萬世，發揚廣大，就算稱佢做北京話我都唔介意。

同聲同氣？世界大同啊？我唔係對香港人恨之入骨，我自問我嘅生活水平唔會比香港平均水平低，冇必要喺香港人面前感到自卑。
我只係覺得香港人好似好需要一個落後嘅内地，以維持佢哋嘅心理陰暗面嗟，你哋夠膽保證每個香港人都願意承認同廣東同聲同氣？唔對廣東有一種高人一等嘅感覺？香港人嘅呢種自負心理係客觀存在咖。

tonybean

討論嗻，唔使咁大火氣嘅。

 

回應一下樓上幾帖：我有個江門市區嘅師兄，佢話佢講嘅係廣州話，雖然時不時都「磨磨」聲。

廣東話廣州話粵語廣府話白話，鍾意點叫咪點叫咯，大家都知咩意思互相聽得明就得啦。既然有噉嘅叫法就要承認。

xVa

如果要"膽保證每個香港人都願意承認同廣東同聲同氣"就真係好難咯~

 

香港好多人哦~ 我屋企二百五平方呎,住四個人,

好親蜜但都難保思想一致.

 

大家張就張就,接受每個人對人事物都有唔同睇法,就會開心D啦~

 

 

[ 本帖最後由 xVa 於 2008-9-4 22:40 編輯 ]

tonybean

原帖由 xVa 於 2008-9-4 22:37 發表 如果要"膽保證每個香港人都願意承認同廣東同聲同氣"就真係好難咯~   香港好多人哦~ 我屋企二百五平方呎,住四個人, 好親蜜但都難保思想一致.   大家張就張就,接受每個人對人事物都有唔同睇法,就會開心D啦~ ...

將就

250呎，即係幾平米啊？咪好細？

xVa

原帖由 tonybean 於 2008-9-4 22:46 發表 將就 250呎，即係幾平米啊？咪好細？

 

"張就".....或者我錯字喇, 意思係"遷就"

 

我住香港公共屋村,兩百多平呎係基本小家庭單位.平米大概100吧.

 

我屋企一間房都無,但我家絕對唔算窮,

只不過香港地方細,人口又多,

如我家般的架構,全港約有30%吧

一個家庭,有超過一千平呎的住屋,

已經算豪宅喇!

 

tonybean

原帖由 xVa 於 2008-9-4 23:09 發表   "張就".....或者我錯字喇, 意思係"遷就"   我住香港公共屋村,兩百多平呎係基本小家庭單位.平米大概100吧.   我屋企一間房都無,但我家絕對唔算窮, 只不過香港地方細,人口又多, 如我家般的架構,全 ...

一百平米嘅單元住4個人就好闊落啦～有冇計錯數啊？一米八有幾呎高？

顺德水蛇粥

我就讲广府话（佛山口音、广州口音皆精），因为我自细喺呢两地轮流居住，三、两年就轮一轮，有时一年半载又转一转，环境造就人。

老实讲，而家30岁打下嘅佛山人口音已经广州化得几紧要下。

xVa

原帖由 tonybean 於 2008-9-4 23:44 發表 一百平米嘅單元住4個人就好闊落啦～有冇計錯數啊？一米八有幾呎高？

我唔識換算...............

vincent10

HK嘅尺同我地 對番好似係 十呎＝一平方

tonybean

原帖由 xVa 於 2008-9-4 23:55 發表 我唔識換算...............

如果一米八大概6呎，噉250呎就得廿幾方，荳潤咁細咋喎……

外外星人

原帖由 xVa 於 2008-9-4 22:37 發表 如果要"膽保證每個香港人都願意承認同廣東同聲同氣"就真係好難咯~   香港好多人哦~ 我屋企二百五平方呎,住四個人, 好親蜜但都難保思想一致.   大家張就張就,接受每個人對人事物都有唔同睇法,就會開心D啦~ ...

 

呢啲就系香港人值得自豪嘅本钱， 若果阿边个有，你自豪埋一份都得。