你应该要知嘅香港人·组合／团体

卢总

Ｂｌｕｅ　Ｊｅａｎｓ

 

　　八十年代活跃香港流行乐坛乐队之一，成立于１９８７年。乐队各成员均为经验丰富嘅乐师，但为人熟悉嘅，都算系各成员一头鬈曲嘅长发及前卫嘅打扮。音乐方面部分为自已创作，但部分则改编外地嘅歌曲，再谱上粤语歌词。乐队于１９９０年解散，其后于２００４年重组，同时加入新成员。

　　成员：黄良升（主音歌手，结它手及键琴手，创队成员），苏德华（结它手，低音结它手，创队成员），单立文（结它手，创队成员，九十年代解散时离队），邓祖德（结它手，低音结它手，２００４年重组时加入），霍兆强（鼓手，２００４年重组时加入）。

 

　　Ｂｌｕｅ　Ｊｅａｎｓ嘅前身为Ｃｈｙｎａ乐队，八十年代中Ｃｈｙｎａ解散后，各成员专注幕后音乐工作，直至１９８７年，其中三位成员黄良升、苏德华、单立文因参加「亚太流行歌曲创作大赛香港区决赛」（「ＣＡＳＨ流行曲创作大赛」之前身）而重组，并改名为Ｂｌｕｅ　Ｊｅａｎｓ，结果乐队凭参赛歌曲《岂有此理》夺得比赛冠军，同年签约唱片公司加入乐坛。乐队组队初期只有英文名字"Ｂｌｕｅ　Ｊｅａｎｓ"，直至１９８８年５月乐队推出首张大碟时，先开始使用中文名称「蓝战士」。其后Ｂｌｕｅ　Ｊｅａｎｓ除咗以乐队名义推出多张专辑外，亦与其他歌手与乐队合作。例如与林忆莲合唱；与太极、Ｂｅｙｏｎｄ、达明一派、Ｒａｉｄａｓ等乐队合唱《劲ＢＡｎｄ　Ｓｕｐｅｒ　Ｊａｍ》一曲。成员重参与电影拍摄、电影配乐等工作。

 

　　乐队于１９９０年４月推出同名大碟《Ｂｌｕｅ　Ｊｅａｎｓ》后，三位成员就分道扬镳，黄良升转职保险业，苏德华、单立文则重操故业担任幕后音乐工作，直至２００４年乐队重组。因单立文另有工作，未能参与该次重组，故由太极乐队前经理人邓祖德取代其位置，并加入前民间传奇成员霍兆强任鼓手，推出专辑《放眼》。

[ 本帖最後由 卢总 於 2008-8-23 21:09 編輯 ]

卢总

　　一队已经解散嘅香港女子歌曲组合。由蔡慧玲同吴少芳组成嘅　ＦＡｃｅ　ｔｏ　ＦＡｃｅ　，喺１９９０年出道。与Ｅｃｈｏ（另一队同期二人女子组合）一样系注重形象包装，歌曲路线两者亦大致相近。但ＦＡｃｅ　ｔｏ　ＦＡｃｅ嘅歌格调较柔和，音乐类型亦多样化，因此亦颇受欢迎。以《一些》、《蝶梦》同《情迷Ｍｉｌａｎｏ》较为熟悉。　１９９２年，成员吴少芳（ＪｏＤｉ）同其经理人驾车返回将军澳寓所，喺距离寓所重有３分钟车程嘅地方同一架泥头车相撞。呢次撞车令吴少芳四肢瘫痪，其经理人亦逝世。　ＦＡｃｅ　ｔｏ　ＦＡｃｅ　亦随之解散。

 

卢总

　　全名Ｌａｚｙ　Ｍｕｔｈａ　Ｆｕｃｋａ，原名为Ｌａｚｙ　Ｍｏｔｈｅｒ　Ｆｕｃｋｋｅｒ，意释"死懒屄"（《大你》-２００２年），系喺１９９３年成立嘅一队香港Ｎｕ-Ｒｏｃｋ、Ｈｉｐ-ｈｏｐ乐队组合。早期不过系一班独立乐队喺"ＤＡＲＫ　Ｅｎｔｒｙ"音乐会尾声嘅时候以"大杂烩"形式出现。直到１９９９年以Ａｎｏｄｉzｅ、Ｓｃｒｅｗ同Ｎ．Ｔ．三个独立乐队为骨干（然而后期，原属Ｎ．Ｔ．嘅ＭＣ　Ｙａｎ同其他成员意见不合，最后只有ＭＣ　Ｙａｎ留喺ＬＭＦ；其他成员就同个别乐队另组"Ｆａｍｉｌｙ"），加上喺本地Ｈｉｐ-ｈｏｐ界享负盛名嘅ＤＪ　Ｔｏｍｍｙ组成咗现时人所共知嘅ＬＭＦ。

 

　　自１９９９年推出首张ＥＰ后，因歌词有唔少粗口内容，其歌曲即引起社会颇大争议。但佢哋同唔少专门研究社会问题同流行文化嘅学者同人士皆认为，嗰啲系时下年青人嘅文化同态度，以及对现实社会嘅不满。后来佢哋渐渐为社会所接受，并晋身主流乐坛。佢哋喺２００１年曾作为生力啤嘅代言人，并拍摄多辑广告。但系，被商业化嘅ＬＭＦ令佢哋嘅支持度下降，同时亦不断备受新自由主义者操控嘅媒体同主流保守人士嘅长期抹黑。最后于２００３年解散，但部份成员至今仍活跃于乐坛，并经常与香港及其它地区嘅音乐界人士合作交流音乐。

卢总

　　香港二人流行音乐组合。成立于１９８６年６月，以原创作品《吸烟的女人》参加"亚太流行歌曲创作大赛香港区决赛"，获得亚军而成名并加入乐坛。Ｒａｉｄａｓ嘅两位成员，黄耀光负责作曲同编曲，陈德彰则负责主唱。而自《吸烟的女人》开始，佢哋嘅歌词大多数都由同时出道嘅填词人林夕所包办，唔少人都视佢为组合嘅第三位成员。Ｒａｉｄａｓ嘅作品，深受八十年代英伦电子音乐嘅影响，着重旋律嘅节奏感。当中较流行嘅有《传说》、《倾心》、《别人的歌》、《某月某日》、《危险游戏》同《没有路人的都市》等多首。出版咗两张大碟后，Ｒａｉｄａｓ就宣布解散，香港八十年代中期嘅乐队热潮亦开始式微。

卢总

　　　凤凰女（红牡丹）、邓碧云（蓝牡丹）、罗艳卿（银牡丹）、余丽珍（紫牡丹）、吴君丽（白牡丹）、于素秋（黑牡丹）、南红（绿牡丹）、林凤（黄牡丹）

卢总

　　指香港佳艺电视嘅六个核心人物。佢哋本嚟都系无线电视嘅高层，被高薪挖角到佳视任职。后来因为佳艺电视开销太大，六人被逼辞职。事件间接引致佳艺电视倒闭。之后，佢哋六人分道扬镳，并各自成为咗香港电子传媒界独当一面嘅人物。

 

　　佳视六君子分别系以下六人：梁淑怡、叶洁馨、刘天赐、卢国沾、林旭华、石少鸣

卢总

任冰儿、朱日红、金影莲、许卿卿、黎坤莲、英丽梨、李香琴、梁素琴、谭倩红

卢总

　　麦当雄、李兆熊、屠用雄，被称为「丽的三雄」，制作连串震撼性节目，领导潮流，给予对手「无线电视」极大冲击。

卢总

　　香港商业电台喺七十年代嘅十三位最受欢迎嘅唱片骑师（ＤＪ）。"啤"系英语ＰＡｉｒ，即"一对"，因为呢十三啱啱好六女七男。佢哋曾代表住香港乐坛嘅一段光辉时刻，以及当代年青人嘅集体回忆。佢哋除咗推出咗一张同名大碟以外，重主演过无线电视嘅电视节目《爱情安哥》。呢批人喺成长后有唔少都成为日后香港娱乐界独当一面嘅人物。例如：俞琤成为咗商业电台嘅执行董事、汤正川同陈少宝后来都成为咗唱片公司嘅高层、曾路得同卢业瑂都系香港知名嘅歌唱导师。即使系身故嘅钟保罗，当年亦系香港有名嘅主持人。

　　成员
　　关西蒙、曾路得﹑钟保罗（已故）、卢业瑂、俞琤、杨振耀、汤正川、陈少宝、乐仕、钱钱、张武孝、苏施黄、梁安琪

卢总

黄岱、莫康时、龙图、胡鹏、冯志刚、李铁、吴回、黄鹤声、卢雨岐、珠玑

卢总

黄曼梨、马笑英、陈皮梅、容玉意、李月清、黎雯、甘露……

卢总

　　（ＳｑｕａｒｅＦｒｕｉｔ）系香港嘅一人乐队，成员为前ＡＭＫ结它手许惠琛。１９９９年自资出版首张个人同名专辑《四方果》，２００１年与蔡德才合组普普乐团。四方果同时为香港主流单位合作，曾合作嘅单位有杨千嬅、陈奕迅、Ａｔ１７、林一峰、ＣｏｏＫｉｅｓ及Ｓｈｉｎｅ等等。

卢总

　　成立于１９８５年嘅一队香港流行音乐乐队，由７位成员组成，包括主音雷有曜、雷有晖兄弟，结它手邓健明、刘贤德，低音结它手盛旦华，鼓手朱翰博及键琴手唐奕聪。

 

　　喺１９８５年时，太极参加第一届嘉士伯流行音乐节，参赛歌曲为「暴风红唇」，结果赢得全场总冠军及多个奖项，开始走红，更夺得１９８６年度十大中文金曲嘅「最有前途新人奖」金奖。活跃时间为１９８５年到１９９５年，喺１５周年同２０周年时，喺红馆开咗两次大型演唱会。之后，邓健明、雷有晖同唐奕聪转做幕后，喺唔少歌手嘅演唱会演出；而邓健明同雷有晖更推出个人唱碟，获得好评；而朱翰博则成立咗一间音乐学校。太极出名嘅歌曲包括《留住我吧》、《每一句说话》、《拼命三郎》、《小雨落在我的胸口》、《缘》、《他》、《痛》、《Ｃｒｙｓｔａｌ》等。

卢总

　　香港粤语片时代嘅期中七位著名上契结拜女演员嘅称号。当中成员依次序为冯素波（冯宝宝亲姊）、沈芝华、陈宝珠、萧芳芳、薛家燕、王爱明及冯宝宝。

卢总

　　香港二人娱乐组合，成员为「硬天师」林海峰及「软天师」葛民辉。二人最初为明爱白英奇专业学校设计系嘅同学（当时嘅同学重有著名摄影师夏永康），毕业后于Ｅｓｐｒｉｔ一同设计橱窗，后来一同获得香港商业电台聘用。最初二人喺商业电台林珊珊主持嘅节目《珊珊收音机》中以一软一硬方式向听众问问题，因以为名。后来二人亦当交通消息报道员（尤其系葛民辉嘅"马路天使　葛　ｏｆ　ｔｈｅ　Ｒｏａｄ"较出名）。１９８８年二人以嬉笑方法主持电台节目而闻名，加入张丽瑾嘅节目《飞越癫狂院》，有『市场价格』环节。１９８９年９月９号于九龙大专会堂举行首个表演《软硬天师软硬Ｓｈｏｗ》。

 

　　其后渐为人识，二人电台节目有《软硬癫台》、《老人院时间》、《软硬今朝》等。当中《老人院时间》非常受年青人欢迎，《整蛊电话》环节更为脍炙人口。之后二人更曾灌录多张唱片、主持电视节目《软硬制造》、拍摄电影等。至１９９５年，二人停止以组合身分出现。喺２００５年林海峰嘅《是但噏发花癫》栋笃笑中提到，佢将会与葛民辉同达明一派喺２００７年举行联合表演；然而于２００７年３月，林海峰接受访问时证实该合作计划已经告吹。而喺２００６年，软硬二人再度以组合形式进行一连串合作计划，如拍麦当劳贺年广告、及《软硬天师　Ｌｏｎｇ　Ｔｉｍｅ　Ｎｏ　Ｓｅｅ　演唱会》，更于２００６年度叱吒乐坛流行榜颁奖典礼中夺得「叱吒乐坛组合金奖」同「我最喜爱嘅组合」。２００６年软硬更化身成乐队「高山青龙」于「黄贯中狂人习作之音乐篇」演唱会与及各大媒体出现，以揶揄当今香港流行乐坛之不济及Ｋ歌之泛滥

 

　　名嘅由来
　　「软硬天师」呢个名系欧阳应霁改嘅。因为佢哋系拍挡，所以希望做一个对比，一软一硬，软嘅（即葛民辉）畀提示畀玩游戏嘅听众，硬嘅（即林海峰）则留难听众，佢哋因两人嘅本身性格而决定边个软边个硬。而「软硬天师」亦系由「软硬兼施」略改变音调而成，变成形容两个人，软天师及硬天师也。

 

紫凤凰

講時講，我記得當年鐘保羅同另一TVB女主持喺主持1987年嘅《龍鳳呈祥賀台慶》時，其中有一PART，係當時四位主持玩乜水晶球話預測1997年嘅台慶，當時佢哋梗係話1997年重係「龍鳳」啦，但其中佢哋兩個（鐘保羅同另一女主持）就話點解見唔到佢哋兩個，點知真係應應都冇咁應，1997年佢哋真係唔見，因為兩個都已經死咗。而剩低嘅兩位則仍然喺度。真係有時要積下口德。

飛鳥

原帖由 紫凤凰 於 2008-8-24 12:04 發表 講時講，我記得當年鐘保羅同另一TVB女主持喺主持1987年嘅《龍鳳呈祥賀台慶》時，其中有一PART，係當時四位主持玩乜水晶球話預測1997年嘅台慶，當時佢哋梗係話1997年重係「龍鳳」啦，但其中佢哋兩個（鐘保羅同另一女主持）就話點解 ...

哇，咁灵异嘅

gboss

有啲年代好久（鸠）远个囉喔……

使君子

点解无AMK？

顺德水蛇粥

重有「浮世绘」

http://www.youtube.com/v/s_l6SvgiMT8&hl=zh_CN&fs=1