[其它] 图解生命使用说明书

發表於 2008-8-23 06:33:36 | 顯示全部樓層 |閱讀模式

　　上个月，雷铎先生嘅新书《图解生命使用说明书》面市。

　　讲真嘞，自从２００２年吴清忠嗰本《人体使用手册》大卖之后，嗰啲「ＸＸ使用手册」就有如雨后春笋噉样飙出嚟，于是市场上嘅「使用手册」曾经一度好鬼好卖，但之后由于啲「ＸＸ使用手册」太过泛滥，跟住再出嘅嗰啲「使用手册」嘅销情就不如理想嘞——因为好容易畀人一种跟风、肤浅嘅感觉。

　　都可以噉讲嘅，雷铎先生呢本《图解生命使用说明书》嘅书名就真系冇乜创意嘞，而且好容易同其它嗰啲「使用手册」混淆，从而影响人哋嘅购买意欲。

　　不过，说话又要讲返转头。雷铎先生作为我哋岭南本土嘅著名学者，对我哋岭南人民嘅贡献良多，加上佢１５年前嘅《十分钟周易》我又拜读过——雷先生重当众帮我签埋名添，而且啱好一年之前我又听过佢用易经嘅智慧谈快乐人生，我同雀妹都好钟意佢嗰句「日日求生，时时可死」，所以雷铎先生嘅作品又点可以唔捧场呢？就正如一九三二年秋天喺上海英商汽车公司卖票嘅阿累噉样——只要遇到好书，即使唔食饭都要买低佢。

回復

舉報

卢总

樓主| 發表於 2008-8-23 06:34:35 | 顯示全部樓層

　　因此，雷先生嘅《图解生命使用说明书》都算系我买得最早嘅书嘞——呢本书七月一号先至啱啱出版，我七月三十一号就买嘞。

回復 

舉報

卢总

樓主| 發表於 2008-8-23 06:36:13 | 顯示全部樓層

　　雷先生话生命系易碎品，切勿倒置！

　　呢本书系一本研究如何令人长寿、如何提高生命质量嘅书。作者希望通过阅读同使用呢本书，唔单止能够令到读者嘅生命至少延长５～１０年，尤其重要嘅系，每日嘅快乐加倍。雷先生认为，人类生命嘅使用周期，平均大约系８０年，使用得当可以达１００年。而使用唔到１００年嘅主要原因，往往系由于常规操作错误。验证于当下社会——经济飞速发展，物质日益丰富，人类却渐渐浮躁而迷失方向，陷入对生命嘅无意义耗费。如何确保生命更长久、而且系更快乐噉长久呢？呢个正系作者着力要解决嘅问题。

　　呢本书所指嘅「生命」既包含咗自然生命，亦包含咗人文生命；既包含咗肉体嘅使用，亦包含咗「灵魂」嘅使用。而之所以叫呢本书做「使用说明书」，系因为人生如果从上帝嘅高度嚟睇，其实并唔复杂，好比一部电视机或者一部电脑，佢嘅寿命或者实际质量，除咗「出厂」嘅质量同埋设置之外（与生俱来嘅先天条件），更多嘅系我哋嘅使用得当与否。使用规章虽然复杂，但如果提纲挈领，亦无非就只系嗰两个简单嘅规则：应该点样使用同唔应该点样使用。

回復 

舉報

卢总

樓主| 發表於 2008-8-23 06:37:37 | 顯示全部樓層

　　喺本书入面，作者通过数据化、图表化解构人嘅一生，从生命嘅构造及其原理、正确使用要领、错误使用后果、主要操作技巧呢４个方面，阐释咗两个简单嘅规则：如何更加合理噉「使用」生命，帮助读者建立更为理性、更加透彻、更系富于智慧嘅人生理念。

　　因为系「使用说明书」，所以本书自然就唔少得结构图、线路图、操作示意图之类，本书全部插图由作者亲自手绘——只系为咗更有天趣同童趣嘅缘故。

http://general-lo.blogcn.com/diary,18833575.shtml

回復 

舉報

penkyamp

發表於 2008-8-23 08:22:06 | 顯示全部樓層

人体使用手册生命使用说明书

http://www.google.com/search?hl=en&q=%22%E4%BA%BA%E4%BD%93%E4%BD%BF%E7%94%A8%E6%89%8B%E5%86%8C%22&btnG=Google+Search&meta=
人体使用手册
http://www.google.com/search?hl=en&q=%22%E7%94%9F%E5%91%BD%E4%BD%BF%E7%94%A8%22&btnG=Search
"生命使用"

人体使用手册全文阅读

作者：吴清忠

第一章	第二章	第三章
第四章	第五章	第六章
第七章	第八章	第九章
第十章	第十一章	第十二章
第十三章	第十四章	第十五章
第十六章	第十七章	第十八章
第十九章	第二十章	第二十一章
第二十二章	第二十三章	第二十四章
第二十五章	第二十六章	第二十七章
第二十八章	第二十九章	第三十章
第三十一章	第三十二章