點睇今屆港姐

紫凤凰

今屆港姐整體質素的確比往年高好多。

 

有人認為香港小姐造馬，其實年年都冇造馬。

 

今次五強 3 號張舒雅當冠似乎有啲出人意表，但其實亦唔算，不過講開又講，3 號爾個Num居然咁好，一連兩屆港姐冠軍都係3號，張嘉兒又係3號喎，睇來下屆邊個抽到3號，邊個就抽到支好籤。

 

其實今屆港姐依舊係實至名歸嘅。

 

老實講，最後嘅舉牌畀分好緊要，而且同曾志偉、陳百祥嘅傾偈要好小心。

 

話張實至名歸，係因為人哋講嘅嘢得體，連阿叻都讚，你知啦，阿叻同志偉兩個做咗多屆港姐司儀，能夠受到佢哋嘅稱讚，就已經成功咗一大步。

 

說話得體係其中一個，但最重要嘅係佢嘅「既然開始咗，就要做落去」，畀人感覺就係貫徹始終，五強擺明有自信，但唔會過度，即佢識把握好分寸，有做大事嘅潛質。佢太子女嘅身分其實亦只不過係錦上添花而已。

 

六號嘅「平常心」以及一路以來嘅表現亦使得佢攞亞軍，充足但不會過度嘅自信亦給人好嘅感覺。

 

十一號「人人都係冠軍」，使人感覺佢亦得體，雖然佢成績唔錯，但係就冇咁突出咗。

 

四號、七號自信過度，四號重要舉棋不定，你原本寫五強，後改季軍都未到最衰，衰在蠢到要講出來，噉樣咪俾人感覺舉棋不定囉。

 

所以今次冠亞季都係實至名歸，落選嘅亦都唔怪得人。