設為首頁收藏本站

粵語協會

 找回密碼
 註冊

QQ登錄

只需一步,快速開始

掃一掃,訪問微社區

搜索
熱搜: 活動 交友 discuz
查看: 8003|回復: 27

[名勝建築] 岭南建筑艺术之精华——陈家祠

[複製鏈接]
發表於 2008-6-23 23:48:39 | 顯示全部樓層 |閱讀模式

  今日去参观陈家祠,第一感觉就系壮观,单系见到屋顶极之复杂嘅雕刻。入门之后,觉得靓,唔单止屋顶,连横梁、木门、漏窗、木柱、石级、玻璃等等我见得到嘅建筑元素,都有雕刻,而且非常复杂精致。当我慢慢影低一啲我觉得靓嘅雕刻嘅时候,我发现,佢哋好精细,呢个系第三感觉。基本上每一付(唔知用付啱唔啱)雕刻都系一个古仔,而古仔嘅内容唔止岭南古仔,有好多(虽然我已经唔记得名),而且栩栩如生(呢个形容词用到烂了已经,不足以表达我嘅意思),迟啲有相摆出嚟畀大家睇。首先我想介绍吓陈家祠基本情况:

陈家祠 :系中国清代宗祠建筑。原称陈氏书院。喺广东省广州市中山七路。清代中叶以后,广东各县多喺广州建书院,以供同宗子弟读书或参加科举考试,又系祭祖的宗祠。该祠规模宏大,装饰华丽,系广东地区保存较完整的富有代表性的清末民间建筑。1988年中华人民共和国国务院公布为全国重点文物保护单位。
  陈家祠始建于清光绪十六年(1890),建成于光绪二十年(1894),坐北向南,总体布局以中轴线为主体建筑,主体建筑为五座三进、九堂六院,建筑面积ffice:smarttags" />ffice:smarttags" />6400平方米。以大门、聚贤堂和后座为中轴线,中轴线两侧为厅堂,两边以偏间、廊庑围合;每座单体建筑以青云巷隔开,建筑间以长廊相连,由大小19座建筑组成建筑群体,以六院八廊互相穿插,进深三进。祠堂前辟有宽阔的庭院,还有东院和后院,占地面积15万平方米。

中轴线上嘅主要建筑有头门、聚贤堂同埋后堂。头门面宽五间27.56、进深三间14.9117架梁用四柱、梁架、驼峰、斗拱、雀替均刻有花卉、瓜果、人物等纹饰。头门大门上挂住陈氏书院横匾,两边有石砌垫台,门前两侧立一对直径1.4、连座高2.25的石鼓,两扇大门上彩绘河神。大门内设四扇双面镂雕屏风。头门明间与次间梁架高10.09,稍间梁架高9.69,形成高低错落两个屋面,硬山顶封火册墙,屋面铺碌灰筒瓦,正梁塑花鸟、人物灰塑纹饰,砌石湾陶塑人物瓦脊,垂脊塑寿果、蝠鼠和狮子等。两侧东西厅堂面宽14.05、进深三间11.9,其建筑规模、装饰比头门稍次。

聚贤堂位于书院主体建筑嘅中心,堂宇轩昂,庭院宽敞。原先系陈姓族人举行春秋祭祀和议事聚会嘅地方。面宽五间27.84、进深三间16.7,二十一架梁六柱出前后廊,梁架、驼峰、斗拱、雀替雕刻花纹,梁架雕镂精细,后外金柱明间、次间装12扇镂雕屏风,玲珑剔透,为木刻精品。稍间设有花罩;堂前白石露台,宽16.84、深5.76,石雕塑柱以岭南佳果为装饰,栏杆嵌以铁铸嘅花卉等图幅。中进聚贤堂屋顶上嘅陶塑瓦脊长27,全高 4.2,系清代广东石湾陶塑商号文如璧的作品。

后进后堂及大厅三间原先系安放陈氏祖先牌位及祭祀嘅厅堂。中后堂面宽五间,进深三间,二十一架梁用五柱后墙承重,后金柱间各设高7嘅木镂雕龛罩,后稍间设神龛,内设21级木阶放置神位、牌位,经过文革而家已经得返两个灵位。fficeffice" />

除中轴线主体建筑外,其他厅堂、廊庑、斋室、厢房等建筑中广泛采用咗木雕、石雕、砖雕、陶塑、灰塑、铁铸等不同风格的工艺做装饰,梁架、斗拱、驼峰、墙壁、墀头、踏道等均以梅兰菊竹、花鸟虫鱼、岭南佳果、历史典故、戏曲人物等题材为装饰内容。

陈家祠的建筑装饰工艺20世纪 20年代已受到国内外建筑专家和学者嘅重视,德国同日本嘅建筑艺术专著里面已有专题介绍。1959年辟建为广东民间工艺馆(后于1994年更名为广东民间工艺博物馆,至今)。1980年国家拨专款再次重修。后来于1988年被列为全国重点文物保护单位。2002年系广州市委、市政府主办嘅新世纪羊城八景评选活动中,陈家祠以古祠留芳名列羊城新八景之一。

 

[ 本帖最後由 飛鳥 於 2008-6-24 00:05 編輯 ]
發表於 2008-6-23 23:53:20 | 顯示全部樓層
上埋图好吗?
 樓主| 發表於 2008-6-24 00:13:08 | 顯示全部樓層
欲知后事如何,请听下回分解....
發表於 2008-6-24 11:51:03 | 顯示全部樓層
快啲喇。。講故佬咩??
 樓主| 發表於 2008-6-24 12:52:17 | 顯示全部樓層

我系从侧门入书院嘅,入门返转头一望就见到瓦顶嘅一幅山水「画」。呢种叫做陶塑。书院的正脊采用佛山陶塑共11题材包括八仙贺寿、加官进爵、虬髯客与李靖等,亦都有龙凤、花鸟、瑞兽、山水以及历史故事和人物群像等。

 

1.jpg
 樓主| 發表於 2008-6-24 13:03:35 | 顯示全部樓層

每一条横梁以及横梁同横梁之间都有精致嘅漏空雕花。ffice<img src="http://bbs.cantonese.asia/images/smilies/default/shocked.gif" border=0 smilieid="6">ffice" />fficeffice" />

陈家祠嘅厢房多数系布置为展览区,有家俱、木雕、象牙雕、泥塑、刺绣等等手工艺展览,不过展览唔系重点,重要嘅系几乎每一扇门窗唔系镶咗呢啲蓝色雕花玻璃,就根本系精致嘅雕刻,想揾一扇平板窗都几难。最令人惊讶嘅当然系门窗嘅木雕刻。佢哋系以樟、柚、花梨等名贵木材镂雕嘅屏门、神龛、花檐、花栏、脚门、花窗、梁架和雀替等。其中第二张下面呢度系聚贤堂,亦即系陈家人恭奉祖先神主牌嘅地方,好似宫殿一样,不过就已经空晒,冇乜feel

[ 本帖最後由 飛鳥 於 2008-6-24 23:28 編輯 ]
P1000444.jpg
P1000467.jpg
P1000470.jpg
P1000500.jpg
 樓主| 發表於 2008-6-24 13:05:49 | 顯示全部樓層
赶住投胎,返嚟继续。
發表於 2008-6-24 14:47:12 | 顯示全部樓層
孟婆湯對妳唔起作用??///重有冇吖???
發表於 2008-6-24 17:01:35 | 顯示全部樓層

原帖由 飛鳥 於 2008-6-24 13:05 發表 赶住投胎,返嚟继续。

 

你自己揸机影嘅?

發表於 2008-6-24 18:16:07 | 顯示全部樓層
講到建築藝術,佛山祖庙都唔錯
 樓主| 發表於 2008-6-24 23:30:14 | 顯示全部樓層

原帖由 cingsan 於 2008-6-24 14:47 發表 孟婆湯對妳唔起作用??///重有冇吖???

去搭飞机就有用。

当然有啦!

 

 樓主| 發表於 2008-6-24 23:31:08 | 顯示全部樓層

原帖由 外外星人 於 2008-6-24 17:01 發表   你自己揸机影嘅?

yes 

發表於 2008-6-25 01:03:24 | 顯示全部樓層

原帖由 飛鳥 於 2008-6-24 23:31 發表 yes 

 

又要下回分解?

發表於 2008-6-25 03:40:37 | 顯示全部樓層
原帖由 外外星人 於 2008-6-25 01:03 發表 又要下回分解?
唔係點吖?一下子畀晒你咩……
 樓主| 發表於 2008-6-25 13:43:56 | 顯示全部樓層
下面呢度系聚贤堂,亦即系陈家人恭奉祖先神主牌嘅地方,好似宫殿一样,不过就已经空晒,冇乜feel。

P1000467
 樓主| 發表於 2008-6-25 13:44:34 | 顯示全部樓層
右侧厢房的满洲窗。据说,满洲窗起源清朝末年的广州,最早为满族的达官贵人所使用,「满洲窗」因而得名。

P1000448

P1000454
 樓主| 發表於 2008-6-25 13:46:38 | 顯示全部樓層

P1000458
  注意,呢个只系条走廊,从中行过,系咪觉得个「头」点解复杂。呢啲叫做灰塑,主要用喺屋脊基座、山墙垂脊、廊门屋顶、厢房和庭院连廊及东西斋嘅屋脊上,总长1800余米,灰塑嘅题材主要是人物、花鸟、亭台楼阁、山水美景等,均具有浓郁的岭南特色。

P1000460

P1000474
  呢张系咪有啲似火焰喺屋顶烧紧嘅姿态。
 樓主| 發表於 2008-6-25 13:47:32 | 顯示全部樓層

P1000477
  呢度系聚贤堂前嘅石雕栏杆,以花鸟、果品为题材,造型秀丽,线条圆润简练,玲挑剔透,流畅洒脱,不愧为岭南石雕艺术精品。

P1000472
 呢个系砖雕,用于檐墙、墀头、门楣、花窗等处。以浮雕、圆雕、透雕等多种手法镶嵌而成,布局严谨,层次分明,造型生动,气势磅礴,极富岭南特色,堪称砖雕艺术嘅奇葩。
 樓主| 發表於 2008-6-25 13:48:22 | 顯示全部樓層
除咗建筑,书院嘅绿化都唔错。五座三进嘅建筑布局之间,穿插住横相嘅「轴线」。种植嘅植物都系岭南本土植物,例如白玉兰、玉兰、刺桐、鸡蛋花等等。

P1000456
 
P1000496
 樓主| 發表於 2008-6-25 13:48:50 | 顯示全部樓層
 其实重有好多我都未仔细睇,尤其系入门嘅屏风,冇影到落嚟,真系可惜。不过唔紧要,因为我摞到陈家祠免费开放日嘅时间,同埋,留低咗我哋粤语协会嘅网址系个度。7月23、8月20、9月24、10月22、11月19、12月24,都系免费开放嘅,大家得闲就去啦,或者协会组织活动去参观都得。
 我啲文笔比较粗糙,描述比较求其,影相技术比较水皮,资料又比较缺乏,不足以反映陈家祠嘅价值,不过唔紧要,大家自己亲自去睇过咪知咯。
您需要登錄後才可以回帖 登錄 | 註冊

本版積分規則

粵語協會官方網站
網友發帖之言論,純屬個人意見,與本會立場無關

手機版|Archiver|粵語協會    

GMT+8, 2019-7-24 00:07 , Processed in 0.551206 second(s), 28 queries .

Copyright © 2003 - 2016 Cantonese Association. All Rights Reserved. 粵語協會 版權所有

快速回復 返回頂部 返回列表