輕鬆粵語輸入法

desmond

輕鬆粵語輸入法1.0（免費繁體單字測試版）現已出爐！ 安裝程式http://www.cantonese.asia/downloads/easycanto_1_0.exe

ovo

試用中。 點解排序唔係先䌓(正)後簡嘅？又係你話簡體冇咁好表達廣東話嘅！:p 另外，我仲以為你會改咗一啲粵拼嘅設計，用番y同oey嚟代替yu同oei！ 淺見一點，見笑見笑。

desmond

係，排返先繁後簡會好啲。我重諗緊好唔好另做一個簡體版《輕鬆粵語輸入法》。 粵拼就跟足《香港語言學學會粵語拼音方案》，費事另起爐灶，製造混亂，打擊學習者信心。遲吓嘅目標係做詞庫版，再加簡碼字詞，標點符號等等……

highyun

原来系用全拼嚟做嘅,又几过癮喎.如果加埋造词联想功能就正喇,我用呢个輸入法打呢段话用咗幾分钟.

dada

我平時唔用輸入法。安裝咗呢個之後﹐唔見有新輸入法出嚟。究竟應該點用呢﹖我用法文xp。

desmond

dada在2005-06-12 23:18:45說道：[br]我平時唔用輸入法。安裝咗呢個之後﹐唔見有新輸入法出嚟。究竟應該點用呢﹖我用法文xp。

目前嘅輕鬆粵語輸入法1.0會自動安裝到中文（中国）。將嚟希望繁體輕鬆粵語會裝到中文（台灣），簡體輕鬆粵語會裝到中文（中国）。

desmond

highyun在2005-06-12 21:43:58說道：[br]原来系用全拼嚟做嘅,又几过癮喎.如果加埋造词联想功能就正喇,我用呢个輸入法打呢段话用咗幾分钟.

要輕鬆，唔使用家學咁多，做全拼就啱晒。打單字慢到嘔茄，所以一定要整詞庫版，大家等2.0、3.0、4.0出爐啦。嘻嘻！

desmond

想幫輕鬆粵語輸入法加標點符號， 所以想問吓廣東人點樣叫下面嘅標點符號，有冇唔同， 務求整到個輸入法粵港澳三地都用得happy。 ，逗號 。句號 、頓號 ︰冒號 ；分號 ？問號 ！感嘆號 「開引號 」閂引號 『開雙引號 』閂雙引號 《開書名號 》閂書名號 （開括號 ）閂括號 【開中括號 】閂中括號 …省略號 ○零 “ ” ‘ ’

ovo

desmond兄，輕鬆粵語輸入法係咪用簡體xp輸入法生成器(imegen.exe)做㗎？

desmond

乜我有話過簡體冇咁好表達廣東話咩？唔記得咗喺邊度講過添。喺邊呀？ 我係用簡體xp輸入法生成器(imegen.exe)做輕鬆粵語輸入法嘅。

ovo

desmond在2005-06-14 01:53:07說道：[br]乜我有話過簡體冇咁好表達廣東話咩？唔記得咗喺邊度講過添。喺邊呀？ 我係用簡體xp輸入法生成器(imegen.exe)做輕鬆粵語輸入法嘅。

華通囉！ 你個imegen係唔係5.0，同埋係喺䌓體定簡體xp度gen㗎？我係用4.0喺䌓體度gen嘅，唔知4.0同5.0有咩唔同呢？同埋唔知點解我個wildcard "x"用唔到！

Cactus

desmond在2005-06-13 00:00:12說道：[br]想幫輕鬆粵語輸入法加標點符號， 所以想問吓廣東人點樣叫下面嘅標點符號，有冇唔同， 務求整到個輸入法粵港澳三地都用得happy。 ，逗號 。句號 、頓號 ︰冒號 ；分號 ？問號 ！感嘆號 「開引號 」閂引號 『開雙引號 』閂雙引號 《開書名號 》閂書名號 （開括號 ）閂括號 【開中括號 】閂中括號 …省略號 ○零 “雙引號” ‘單引號 ’

將筆畫輸入法加入拼音裡面會更好。 只知讀音時就用拼音輸入，只知道筆畫時就用筆畫。 我現時就係用呢種混合輸入法。 拼音係唯一唔使識繁/簡字，就可以通用嘅輸入法。

desmond

ovo在2005-06-14 03:19:13說道：[br][quote]desmond在2005-06-14 01:53:07說道：[br]乜我有話過簡體冇咁好表達廣東話咩？唔記得咗喺邊度講過添。喺邊呀？ 我係用簡體xp輸入法生成器(imegen.exe)做輕鬆粵語輸入法嘅。

華通囉！ 你個imegen係唔係5.0，同埋係喺䌓體定簡體xp度gen㗎？我係用4.0喺䌓體度gen嘅，唔知4.0同5.0有咩唔同呢？同埋唔知點解我個wildcard "x"用唔到！[/quote] 哦～原嚟係滄海一聲笑，歡迎歡迎！我個imegen係粵音輸入法嘅作者畀嘅。係喺簡體xp度gen出嚟咖。我自己都係最近先至玩輸入法生成器(imegen.exe)，所以都係問吓啲前輩先至得。你話你個wildcard "x"用唔到，會唔會係輸入法生成器唔畀用字母做wildcard？我就多數用"?"，自然啲。

desmond

cactus，拼音加形碼，好提議！或者考慮加入基本筆形嘅五筆，因為我諗如果啲人識打五筆或者倉頡，都唔使用輕鬆粵語輸入法啦，所以，基本筆形嘅五筆可以畀人打啲唔識讀嘅字。

Cactus

咁又未必，外國人編漢字軟體，都係只加注音。 唯一個英國人編嘅筆畫查漢字係“康熙部首”加筆畫數。 http://www.babelstone.co.uk/software/babelmap.html

desmond

cactus在2005-06-14 20:41:15說道：[br]咁又未必，外國人編漢字軟體，都係只加注音。 唯一個英國人編嘅筆畫查漢字係“康熙部首”加筆畫數。 http://www.babelstone.co.uk/software/babelmap.html

噉外國人查漢字，可以用粵語拼音查。

highyun

desmond在2005-06-13 00:00:12說道：[br]想幫輕鬆粵語輸入法加標點符號， 所以想問吓廣東人點樣叫下面嘅標點符號，有冇唔同， 務求整到個輸入法粵港澳三地都用得happy。 ，逗號 。句號 、頓號 ︰冒號 ；分號 ？問號 ！感嘆號 「開引號 」閂引號 『開雙引號 』閂雙引號 《開書名號 》閂書名號 （開括號 ）閂括號 【開中括號 】閂中括號 …省略號 ○零

我哋叫下面呢两个 “ ”双引号 ‘ ’单引号 另外有 ——破折号

desmond

原来系用全拼嚟做嘅,又几过癮喎.如果加埋造词联想功能就正喇,我用呢个輸入法打呢段话用咗幾分钟.

受到紫光拼音嘅啟發，《輕鬆粵語》打算提供聲母簡拼詞語輸入，例如︰ 「協會」一詞嘅全拼係hipwui，簡拼詞語輸入容許用家打 hw / hipw / hwui。

desmond

吖，話時話嘞，輸入法生成器嘅編碼行數有冇上限？係幾多？

highyun

desmond在2005-06-15 01:25:12說道：[br] 受到紫光拼音嘅啟發，《輕鬆粵語》打算提供聲母簡拼詞語輸入，例如︰ 「協會」一詞嘅全拼係hipwui，簡拼詞語輸入容許用家打 hw / hipw / hwui。

我觉得简拼唔系最重要，重要嘅系紫光嘅根据字嘅使用频率而调整字嘅先后次序嘅功能，以及紫光嘅联想功能。我最希望系可以攞到紫光嘅壳，摆我哋嘅字码入去，噉就perfect喇。