設為首頁收藏本站

粵語協會

 找回密碼
 註冊

QQ登錄

只需一步,快速開始

掃一掃,訪問微社區

搜索
熱搜: 活動 交友 discuz
查看: 15241|回復: 30

[辨字辨音] 南海話所保留的粵語古音[om]

[複製鏈接]
發表於 2008-5-26 19:09:58 | 顯示全部樓層 |閱讀模式

一位同學話我知,佢啊婆(南海人)將「甘[gam]香」讀成「甘[gom]香」。

 

[om]呢個韻母喺廣州話業已消失,估唔到喺南海話(主要係老人)中得到保留,實在難能可貴。

發表於 2008-5-26 19:52:09 | 顯示全部樓層

我唔知係咪古音。我自細都係讀 gom1。

發表於 2008-5-26 20:31:43 | 顯示全部樓層

 我本身為南海人,我同我屋企人同身邊嘅朋友的確係將「咁」,「甘」字讀為「gom」音即M音結尾(類似「柑」音),而且據我歡察,除南海部分地區係咁讀之外,廣州同南海交界嘅「羅涌圍」有部分人都有咁嘅口音。

至於係咪中老年人先會咁讀,就唔一定喇。部分年青人雖然己轉為「港」音居多,不過只要說話帶點南海口音嘅,部分字同用詞就算刻意轉讀成「港」音,都會聽得出來。不過千禧年後出世嘅就難講。。。。

不過話時話,N同M兩音多互換,音變少少都好正常,係古音都唔出奇

[ 本帖最後由 殺人王 於 2008-5-26 20:36 編輯 ]
 樓主| 發表於 2008-5-26 22:29:34 | 顯示全部樓層

年青人要好好保留這個韻母,其他粵語方言片基本上沒有這個音了。

 

有[om]那麽也應該有[op]這個音,請問南海話[op]韻母的有哪些字呢?

[ 本帖最後由 嶺南之南 於 2008-5-26 22:34 編輯 ]
發表於 2008-5-26 22:57:17 | 顯示全部樓層

乜王兄都系因为见过阿边个先噉讲啫! 啊,我第日问过佢,听真啲有冇呢个音先。

發表於 2008-5-27 00:01:00 | 顯示全部樓層
爾個問題我得閒都要問過老竇先,因為我祖籍南海,但我唔識講南海話。我老竇好似以前喺鄉下住過,應該識講。所以問問老竇就知道啦。
發表於 2008-5-27 10:32:04 | 顯示全部樓層

順德口音保留更甚

  「om」(咁韻)、「op」(合韻)順德老一脫都係噉講,後生一脫有部分仍保留「om」韻,而「op」韻則歸化到廣州音嘅「ap」。

發表於 2008-5-27 11:16:04 | 顯示全部樓層

原帖由 外外星人 於 2008-5-26 10:57 PM 發表 乜王兄都系因为见过阿边个先噉讲啫! 啊,我第日问过佢,听真啲有冇呢个音先。

我唔係好明你嘅意思,要吹水嘅話請移玉步到吹水版

發表於 2008-5-27 13:07:30 | 顯示全部樓層

原帖由 嶺南之南 於 2008-5-26 10:29 PM 發表 年青人要好好保留這個韻母,其他粵語方言片基本上沒有這個音了。   有[om]那麽也應該有[op]這個音,請問南海話[op]韻母的有哪些字呢?

其實「南海話」一詞比較籠統,因為現時所屬佛山市「南海區」內唔同地區口音都不盡相同。裡水,大瀝,黃岐,鹽步,松崗等地,位處南海同省城交界處,所講口音同傳統西關口音相差不大,只係部分字詞發音更「古雅」,即好多人所講嘅「鄉下音」。其實翻開《廣東俗語攷》,《廣州語本字》同HERBERT A。 GILES著嘅《A GLOSSARY OF REFERENCE ON SUBJECTS CONNECTED WITH THE FAR EAST》內裡好多用詞如今嘅西關都唔會再聽到,反而喺南海內依然流傳。

除以上地方嘅口音比較接近西關音外,其他地區如南庄,西樵,金沙,丹灶,沙頭,平洲,九江等地口音同上述等地差別好大。我感覺南庄,西樵,金沙,丹灶幾處地方口音相似,而沙頭口音,用詞同南庄西樵差唔多,不過音調變化較大。區別最大嘅係九江話,雖然我為南海人,但係我從未喺九江生活過,但係九江嘅朋友有唔少,以前聽佢地同屋企人傾計,講得快真係唔 知佢地講乜。

至於以前南海县县城桂城,口音都無乜「性格」,我個人感覺大致分三種口音。第一種係我稱之為「類佛山」口音,桂城離佛山近,近年有唔少佛山城區嘅人搬過去,所以帶有佛山口音嘅有好多,不過點解會稱為「類佛山」口音?因為佢地口音雖帶有佛山音,但係唔係太濃,基本上都被西關音同化,但係廣州嘅人一聽就可以聽得到區別。呢種口音地理上以「軍橋」為界,軍橋一過,佛山口音就濃D。第二種係比較近大瀝區嘅白話音。第三種係叠教口音。

我唔知道學述上各地口音係點分,不過我生於南海,喺南海內住過唔同口音嘅地方,有好多講唔同口音嘅南海鄉親同朋友,以上分法非學述,純個人感覺

[ 本帖最後由 殺人王 於 2008-5-27 13:24 編輯 ]
發表於 2008-5-29 12:01:51 | 顯示全部樓層

原帖由 殺人王 於 2008-5-27 13:07 發表 其實「南海話」一詞比較籠統,因為現時所屬佛山市「南海區」內唔同地區口音都不盡相同。裡水,大瀝,黃岐,鹽步,松崗等地,位處南海同省城交界處,所講口音同傳統西關口音相差不大,只係部分字詞發音更「古雅」,即好多人所講嘅「鄉 ...

 

鬼叫南海大咩。

發表於 2008-5-29 12:47:22 | 顯示全部樓層
不过。。。
我想我们20左右的应该还会说om这个音的吧。
因为其中一个例子就是      gom都得。。。。
应该是这样的。。。。很少会说成     gam都得
其他的就不知道了。。。
或者。。。介于两者之间吧。。。囧
發表於 2008-6-3 22:45:46 | 顯示全部樓層

南海話呢個om韻母冇消失啊,

 

除咗「咁gom3」,重有一個動詞「gom4」:門楣好低,因住gom4親頭。懷疑係擬聲詞作動詞用

 

bom4, 例如,bom聲跌落地、敲門敲到bombom聲——擬聲詞。

                      臭bombom(非常臭)——副词?

 

dom4,行路——擬聲詞

com2,跳落水——擬聲詞

lom1,開花剛剛結咗好細個果實,就叫做「花lom1(陰平)」,而家用得最多係 CD-LOM——名詞

lom4,打雷——擬聲詞——擬聲詞

 

 

 

 

 

 

 

 

發表於 2008-12-2 11:37:34 | 顯示全部樓層

原帖由 嶺南散人 於 2008-5-26 19:09 發表 一位同學話我知,佢啊婆(南海人)將「甘[gam]香」讀成「甘[gom]香」。   [om]呢個韻母喺廣州話業已消失,估唔到喺南海話(主要係老人)中得到保留,實在難能可貴。 ...

咦咦?我地清远都有人甘[gom]讲噶啵!

發表於 2008-12-13 12:15:23 | 顯示全部樓層
南海咁(gom)人大召集!!
發表於 2009-2-18 13:20:33 | 顯示全部樓層
  我地度都經常聽到 上一輩對咁 讀呢個音 中山南部地區~
發表於 2009-3-7 18:03:06 | 顯示全部樓層

广西钦州市有部分乡镇嘅人仲读「咁」为gom,其它人因为冇咁嘅韵母,一般听出系「公」gong嘅音。

 

由于呢种方言系钦州唔占多数,因而常挨人笑话。我问过佢哋部分人祖先来历,有讲系几百年前采高州、南海等县迁嚟。

 

仲有,佢哋讲「放盐」为「搁盐」,亦比较另类。

發表於 2009-3-9 10:03:16 | 顯示全部樓層
填词人林夕做访问节目嘅时候 我听到佢读成「gom」音 可能祖先係南海人都唔鼎
發表於 2009-12-26 18:53:06 | 顯示全部樓層

何止是南海人?正宗广州音「咁」就是读「gom2」(拉长)/「goum2」(短促)。

反而是近廿年来广州新生代受到香港传媒的荼毒,不知从哪里跑出来的「gam2」。


發表於 2010-3-2 09:36:03 | 顯示全部樓層
回覆 1# 嶺南散人

我爸爸都係將「咁」、「柑」讀成gom,我仲笑渠讀鄉下音。我知道順德人都係咁讀。至於op音,我爸爸都保留到:紙盒hop,白鴿gop,雖然宜家好多人讀白鴿gap。我就一半一半,讀成紙盒hap,但係白鴿gop。

爸爸原籍肇慶一帶,但係我哋屋企講標準白話,因為我屋企響佛山,本地都幾多人講標準音,唔講佛山音,尤其加上媽媽係響廣州出世,講話從來都無佛山口音。除咗呢幾個尾音,爸爸嘅白話同平時電視啲白話無乜唔同。我覺得肇慶嗰邊啲話比較古典,除咗保留古音音尾om,op之外,渠地對疑母(ng)分得特別真,從來都唔會將銀行講成an hong,反而廣佛呢邊冇分到咁真,疑母發音比較輕,雖然唔至於好似香港啲後生咁樣。渠地嘅懶音,按照我爸爸嘅標準,就好似以前話「甩牙仔」講嘅話咁。
發表於 2010-4-13 20:30:17 | 顯示全部樓層
南海口音特別多,單單系一個裏水、大瀝同廣州共有嘅沉峰舟,就有十幾種口音。
您需要登錄後才可以回帖 登錄 | 註冊

本版積分規則

粵語協會官方網站
網友發帖之言論,純屬個人意見,與本會立場無關

手機版|Archiver|粵語協會    

GMT+8, 2020-6-3 01:08 , Processed in 0.241303 second(s), 26 queries .

Copyright © 2003 - 2016 Cantonese Association. All Rights Reserved. 粵語協會 版權所有

快速回復 返回頂部 返回列表