２００７年１１月２９号《南方都市报》

卢总發表於 2007-11-30 00:30:21

7·18　发愤忘食，乐以忘忧
 
 　　栋笃论语·述而第七　　 　　 　　□子野专栏　　 　　 　　【原文】叶公问孔子于子路，子路不对。子曰：「女奚不曰：‘其为人也，发愤忘食，乐以忘忧，不知老之将至云尔。’」 　　【译文】叶公问阿子路，孔子系一个点样嘅人，子路冇答佢。孔子听到就话：「你点解唔同佢讲：‘佢系噉样一个人，求道嘅时候，佢会勤奋到唔记得食饭；得道嘅时候，佢会开心到忘记咗忧愁，连自己就快老咗都唔知。’就系噉啫。」 　　【栋笃】叶公……嗱，冇错喇，「你太有才了！」佢，就系「叶公好龙」里边嗰个叶公。佢个名叫沈诸梁，字子高，因为系楚国叶县嘅县尹(县长)，所以就「僭称」叶公。鲁哀公六年，孔Sir喺周游列国途中经过楚国，就见到叶公，叶公仲向佢问政添(子路第十三，以后再讲)。 　　叶公既然亲自向孔Sir问政，点解又要问阿子路，孔Sir系一个点样嘅人呢？其实都唔难理解嘅——孔Sir当时已经差唔多系「各国人民心中的红太阳，照到哪里哪里亮」，噉样一个偶像人物，去到边度，肯定都有一啲粉丝为佢疯狂口架。叶公表面上向阿孔Sir问政，内心实好想知孔Sir嘅三围啊、星座啊、中意咩颜色啊：)但系，呢啲点好意思当面问啊？就问佢嘅经纪人得喇——哦唔系，系佢身边嘅学生。但系子路又点解唔答佢呢？唔通子路系惊阿Sir同南子嘅八卦畀人知，会影响唱片嘅销售量？讲笑啫，梗唔系喇，喺子路心目中，佢亲爱嘅老师系一个大圣人嚟口架。大圣人，就唔系三言两语可以讲得掂口架，比如：「我老师系个好人。」「我老师系个叻人。」「其实我老师好想做个普通人口架……」梗唔得喇，兼且佢又搞唔清楚叶公好啲乜，所以最终都冇讲。 　　但系，孔Sir听到呢件事，就唔忿气喇。点解？因为系一个将自己推销出去嘅大好机会啊嘛！就算谦虚啲，比如「佢系天底下最好学嘅人」，「佢今年虽然六十几岁喇，但系佢越学越后生」……都得啊！ 　　叶公又要向孔Sir问政，又想了解孔Sir系个咩人，充分表现出一个粉丝嘅潜质。但系，佢后来都冇用过孔Sir。孔Sir嘅心情会点，仲使问咩？后嚟有一次，孔Sir嘅学生子张听讲鲁哀公重视人才，就不远千里去见佢。结果，鲁哀公竟然七日唔理佢，子张好失望，就同鲁哀公讲咗「叶公好龙」嘅古仔，嚟单打鲁哀公假爱才(汉·刘向《新序·杂事》)。所以，我有充分嘅理由相信，「叶公好龙」就系孔Sir或者佢嘅学生编出嚟到处宣讲，报复阿叶公口架。 
 　　如果你觉得好难用三言两语嚟形容我，噉或者简称我做中国最伟大嘅思想家、教育家、政治家……　　 　　不如简称为老人家仲简单喇！ 
 
<A href="http://www.nanfangdaily.com.cn/southnews/dd/dsb/B12/200711290635.asp">http://www.nanfangdaily.com.cn/southnews/dd/dsb/B12/200711290635.asp</A>

卢总發表於 2007-11-30 00:38:13

【原文】叶公问孔子于子路，子路不对。子曰：「女奚不曰：‘其为人也，发愤忘食，乐以忘忧，不知老之将至云尔。’」 　　【译文】叶公问阿子路，孔子系一个点样嘅人，子路冇答佢。孔子听到就话：「你点解唔同佢讲：‘佢系噉样一个人，求道嘅时候，佢会勤奋到唔记得食饭；得道嘅时候，佢会开心到忘记咗忧愁，连自己就快老咗都唔知。’就系噉啫。」 　　【栋笃】叶公……嗱，冇错喇，「你太有才了<IMG alt="" src="http://bbs.cantonese.asia/images/smilies/default/sweat.gif" border=0 smilieid="10"> <IMG alt="" src="http://bbs.cantonese.asia/images/smilies/default/sad.gif" border=0 smilieid="2"> ！」佢，就系「叶公好龙」里边嗰个叶公。佢个名叫沈诸梁，字子高，因为系楚国叶县嘅县尹(县长)，所以就「僭称」叶公。鲁哀公六年，孔Sir喺周游列国途中经过楚国，就见到叶公，叶公重向佢问政添(子路第十三，以后再讲)。 　　叶公既然亲自向孔Sir问政，点解又要问阿子路，孔Sir系一个点样嘅人呢？其实都唔难理解嘅——孔Sir当时已经差唔多系「各国人民心中的红太阳，照到哪里哪里亮」，噉样一个偶像人物，去到边度，肯定都有一啲粉丝为佢疯狂ロ架。叶公表面上向阿孔Sir问政，内心实好想知孔Sir嘅三围啊、星座啊、钟意咩颜色啊：)但系，呢啲点好意思当面问啊？就问佢嘅经纪人得喇——哦唔系，系佢身边嘅学生。但系子路又点解唔答佢呢？唔通子路系惊阿Sir同南子嘅八卦畀人知，会影响唱片嘅销售量？讲笑啫，梗唔系啦，喺子路心目中，佢亲爱嘅老师系一个大圣人嚟ロ架。大圣人，就唔系三言两语可以讲得掂ロ架，比如：「我老师系个好人。」「我老师系个叻人。」「其实我老师好想做个普通人ロ架……」梗唔得啦，兼且佢又搞唔清楚叶公好啲乜，所以最终都冇讲。 　　但系，孔Sir听到呢件事，就唔忿气嘞。点解？因为系一个将自己推销出去嘅大好机会吖嘛！就算谦虚啲，比如「佢系天底下最好学嘅人」，「佢今年虽然六十几岁嘞，但系佢越学越后生」……都得啊！ 　　叶公又要向孔Sir问政，又想了解孔Sir系个咩人，充分表现出一个粉丝嘅潜质。但系，佢后来都冇用过孔Sir。孔Sir嘅心情会点，重使问咩？后嚟有一次，孔Sir嘅学生子张听讲鲁哀公重视人才，就不远千里去见佢。结果，鲁哀公竟然七日唔理佢，子张好失望，就同鲁哀公讲咗「叶公好龙」嘅古仔，嚟单打鲁哀公假爱才(汉·刘向《新序·杂事》)。所以，我有充分嘅理由相信，「叶公好龙」就系孔Sir或者佢嘅学生编出嚟到处宣讲，报复阿叶公ロ架。 　　如果你觉得好难用三言两语嚟形容我，噉或者简称我做中国最伟大嘅思想家、教育家、政治家……　　 　　不如简称为老人家重简单啦！

卢总發表於 2007-11-30 00:40:28

诈死呃食

广州笔记　　 　　 　　□何凤仪　　 　　 　　下昼落班准备坐车返屋企，六点几啱好系落班高峰时间，车站企满晒等车嘅人。部部车都逼到飞起，啲人都变晒人肉三文治啰。哎，天都开始黑啰，乜自己等嗰部车仲未到口架！ 　　喺我隔篱大概四五米，一个成身乌糟邋遢嘅男人行下行下，突然间成个啪一声跌咗喺度，「直笔甩」成个人摊咗喺地下，弹咗两下手脚都好似抽晒筋噉，过咗一阵仲反埋白眼添。有几个喺度等车嘅人见到就大嗌：「救命啊！有人晕咗啊！快啲嚟救人啊！附近有冇医生啊？」好多热心人事虽然唔多识急救，但都鸡手鸭脚过去帮手。呢个男人都几大只，要两个人先抬得起，啲人就夹手夹脚移佢挨埋棵树旁边坐住。啲人系旁边一人一句议论起身，「可能发羊吊啊，点算啊？」「我睇就似心脏病发作喇，快啲Call120喇，随时会冇命口架！」 　　有个啱好落班经过嘅医生见到，即刻过嚟帮手急救，解开咗佢嘅衫钮，叫大家快啲散开等个男人可以呼吸畅顺。一边帮佢喺太阳穴擦风油一边谂住畀啖水佢饮。佢一见到樽水就叽里咕噜三四啖成樽饮晒。「仲有冇水？佢可能口渴啊！」「会唔会饿呢？我有面包，试下畀佢食唔食到？」点知个阿姨从袋里面一攞袋面包出嚟咋，个男人即刻好似饿狗抢屎噉，几下就塞晒啲面包落肚啰。 　　头先就好似死下死下噉，一食完即刻鬼打都冇咁精神，坐番起身眼仔碌碌。哦……原来佢系乞衣，可能饿得滞冇饭食，于是就诈死。唉，依家啲街坊，都畀啲假乞衣呃到麻木咗，真正嘅乞衣，饿到要诈死先至有人畀嘢食，谂起真系阴公啰！ 
 
<A href="http://www.nanfangdaily.com.cn/southnews/dd/dsb/B12/200711290636.asp">http://www.nanfangdaily.com.cn/southnews/dd/dsb/B12/200711290636.asp</A>

卢总發表於 2007-11-30 00:45:39

下昼落班准备坐车返屋企，六点几啱好系落班高峰时间，车站企满晒等车嘅人。部部车都逼到飞起，啲人都变晒人肉三文治啰。哎，天都开始黑啰，乜自己等嗰部车重未到ロ架！ 　　喺我隔篱大概四五米，一个成身污糟邋遢嘅男人行下行下，突然间成个啪一声跌咗喺度，「直笔甩」成个人摊咗喺地下，弹咗两下手脚都好似抽晒筋噉，过咗一阵重反埋白眼添。有几个喺度等车嘅人见到就大嗌：「救命啊！有人晕咗啊！快啲嚟救人啊！附近有冇医生啊？」好多热心人士虽然唔多识急救，但都鸡手鸭脚过去帮手。呢个男人都几大只，要两个人先抬得起，啲人就夹手夹脚移佢挨埋棵树旁边坐住。啲人喺旁边一人一句议论起身，「可能发羊吊啊，点算啊？」「我睇就似心脏病发作嘞，快啲Call120啦，随时会冇命ロ架！」 　　有个啱好落班经过嘅医生见到，即刻过嚟帮手急救，解开咗佢嘅衫钮，叫大家快啲散开等个男人可以呼吸畅顺。一边帮佢喺太阳穴擦风油一边谂住畀啖水佢饮。佢一见到樽水就叽里咕噜三四啖成樽饮晒。「重有冇水？佢可能口渴啊！」「会唔会饿呢？我有面包，试下畀佢食唔食到？」点知个阿姨从袋里面一攞袋面包出嚟咋，个男人即刻好似饿狗抢屎噉，几下就塞晒啲面包落肚啰。 　　头先就好似死下死下噉，一食完即刻鬼打都冇咁精神，坐返起身眼仔碌碌。哦……原来佢系乞儿，可能饿得滞冇饭食，于是就诈死。唉，依家啲街坊，都畀啲假乞儿呃到麻木咗，真正嘅乞儿，饿到要诈死先至有人畀嘢食，谂起真系阴公啰！

卢总發表於 2007-11-30 00:48:39

前「舟」之鉴

例汤正　　 　　 　　□老饼专栏　　 　　 　　今日汤料：话说珠江发生沉船事件后，有记者走访发现，很多客轮舱顶的救生衣柜不易打开，救生衣使用说明并不醒目，部分「内有救生衣」、「严禁把头、手伸出船外」等警示标语模糊不清，难以辨认。　　 　　 　　 　　有咗前舟之鉴，我哋以后坐船要留意安全警句，提高自救意识。　　 　　内有救生衣　　 　　严禁将头手伸出船外　　 　　 　　就凭呢句嘢点自救呀？起码要写埋点样攞出嚟？点样着上身？　　 　　内有救生衣　　 　　 　　呢句仲弊！如果沉船信佢就实死冇生喇！　　 　　严禁将头手伸出船外 
 
<A href="http://www.nanfangdaily.com.cn/southnews/dd/dsb/B12/200711290642.asp">http://www.nanfangdaily.com.cn/southnews/dd/dsb/B12/200711290642.asp</A>

卢总發表於 2007-11-30 00:51:01

今日汤料：话说珠江发生沉船事件后，有记者走访发现，很多客轮舱顶的救生衣柜不易打开，救生衣使用说明并不醒目，部分「内有救生衣」、「严禁把头、手伸出船外」等警示标语模糊不清，难以辨认。　　 　　 　　有咗前舟之鉴，我哋以后坐船要留意安全警句，提高自救意识。　　 　　内有救生衣　　 　　严禁将头手伸出船外　　 　　 　　就凭呢句嘢点自救呀？起码要写埋点样攞出嚟？点样着上身？　　 　　内有救生衣　　 　　 　　呢句重弊！如果沉船信佢就实死冇生嘞／啦！　　 　　严禁将头手伸出船外

卢总發表於 2007-11-30 00:52:20

广州播客第193期

同声同气　　 　　 　　□阿展专栏　　 　　 　　1.打荷包嗰啲唔好上车呀，上都冇所谓，我哋架车有晒摄像头口架！(扒手不要上车呀，上都无所谓，我们的车有摄像头的。) 　　——由莲花山到市桥的长途巴士上，每当沿途有熟面孔的扒手要上车，售票员就这样说。 　　2.小学生：畀一蚊鸡我买嘢食。(给我一块钱买东西吃。) 　　家长：你着返件衫先啦。(先把衣服穿上。) 　　——天气转凉，某小学门外，家长趁接学生放学时先给学生添衣服。 　　3.话明系股市，大家都系「断估」口架啫，开讲有话：「断估冇痛苦」，都唔知点解你成日都咁闭翳嘅。(股市股市，大家都是靠估，俗语说「靠估就没痛苦」，都不知道你为啥整天愁眉苦脸的。) 　　——茶楼里，一个茶客好像在开导他的朋友。 　　4.沉得咁快，铁达尼都死啦，下次搭船，记得带水泡呀。(下沉这样快，铁达尼号都没辙，下次坐船，记得带救生圈呀。) 　　——渡轮被撞沉的意外是近日的热门话题，有个茶客这样说。 
 
 
<A href="http://www.nanfangdaily.com.cn/southnews/dd/dsb/B12/200711290638.asp">http://www.nanfangdaily.com.cn/southnews/dd/dsb/B12/200711290638.asp</A>

卢总發表於 2007-11-30 00:54:05

1.打荷包嗰啲唔好上车呀，上都冇所谓，我哋架车有晒摄像头ロ架！(扒手不要上车呀，上都无所谓，我们的车有摄像头的。) 　　——由莲花山到市桥的长途巴士上，每当沿途有熟面孔的扒手要上车，售票员就这样说。 　　2.小学生：畀一文鸡我买嘢食。(给我一块钱买东西吃。) 　　家长：你着返件衫先啦。(先把衣服穿上。) 　　——天气转凉，某小学门外，家长趁接学生放学时先给学生添衣服。 　　3.话明系股市，大家都系「断估」ロ架啫，开讲有话：「断估冇痛苦」，都唔知点解你成日都咁闭翳嘅。(股市股市，大家都是靠估，俗语说「靠估就没痛苦」，都不知道你为啥整天愁眉苦脸的。) 　　——茶楼里，一个茶客好像在开导他的朋友。 　　4.沉得咁快，铁达尼都死啦，下次搭船，记得带水泡呀。(下沉这样快，铁达尼号都没辙，下次坐船，记得带救生圈呀。) 　　——渡轮被撞沉的意外是近日的热门话题，有个茶客这样说。

卢总發表於 2007-11-30 00:54:50

我喺电视台嘅日子(中)

港人讲嘢·黄子华栋笃笑　　 　　 　　□记录：莫夕　　 　　 　　唔使三个月，艺员部嘅经理就约见我嘞。一行入佢间房，个经理同我讲，好客气喔，「阿子华吖嘛？」「系！」「好多监制啊导演都同我提过你嘅名嘞，你唔使再噉样证明自己嘞，我哋觉得呢，你都唔系好适合做艺员……」「点解啊经理？」「你唔好怪我吖哈，因为你……唔够靓仔吖。」「就系噉咋经理？」「哦，某啲角度都算得系丑嘅噉就。」「经理，其实我……系灯光嘅咋，我唔系丑口架！系灯光……唔系，我肥咋，我减咗肥就靓口架啦！经理，你睇真啲我啊，我其实几襟睇口架我……经理，如果你叫我入嚟，你话我听我唔可以做戏，系因为我生得唔够靓仔，你唔应该揾我啊，唔关我事个噃，你应该揾我爸爸妈妈，系佢哋搞成我噉嘅。 　　「我细个，成日读书唔合格，考试成绩唔好，我冇叫过屋企为我负任何责任口架，我自己签番晒啲成绩表畀返老师嘅。到咗今时今日，我唔知道自己嘅人生去向系乜，我唔知道我应该做乜嘢职业，我唔知道自己应该信咩宗教，我唔知道我应该入咩政治团体，但系，我都冇问过屋企攞过一分一毫啊！噉多年嚟，乜嘢都系我自己负晒责任啊，但唔系我想嚟呢个世界喔，嘘一声就出咗嚟嘞喔，你去睇戏啊，你事前都有影评话畀你听，呢套戏几多粒星啩？我啊，喺个子宫里面有冇人入嚟话我听，「黄子华，唔好制啊，唔好出去啊，依家地球生态环境好差啊，唔知边度有个大窟窿啊，避孕套就嚟都要用完再用啊……仲有阿黄子华，你咪原本呢，报名去投李嘉诚嗰边个胎嘅？人哋老早呢，满咗额嘞，炒仔花有得炒，你炒唔炒啊？OK，唔炒你就系呢档嘅嘞喔。嗱，叫做有得你食，有得你住，不过你想父荫就冇你份嘞，你套戏总之一句讲晒，一粒星畀多你嘞！啊，唔记得提你，你某个角度，都算得系丑嘅。」 
 
 
<A href="http://www.nanfangdaily.com.cn/southnews/dd/dsb/B12/200711290639.asp">http://www.nanfangdaily.com.cn/southnews/dd/dsb/B12/200711290639.asp</A>

卢总發表於 2007-11-30 01:00:34

唔使三个月，艺员部嘅经理就约见我嘞。一行入佢间房，个经理同我讲，好客气喔，「阿子华吖嘛？」「系！」「好多监制啊导演都同我提过你嘅名嘞，你唔使再噉样证明自己嘞，我哋觉得呢，你都唔系好适合做艺员……」「点解啊经理？」「你唔好怪我呀哈，因为你……唔够靓仔啊。」「就系噉咋经理？」「哦，某啲角度都算得系丑嘅噉就。」「经理，其实我……系灯光嘅啫，我唔系丑ロ架！系灯光……唔系，我肥咋，我减咗肥就靓ロ架喇！经理，你睇真啲我吖，我其实几襟睇ロ架我……经理，如果你叫我入嚟，你话我听我唔可以做戏，系因为我生得唔够靓仔，你唔应该揾我啊，唔关我事个噃，你应该揾我爸爸妈妈，系佢哋搞成我噉嘅。 　　「我细个，成日读书唔合格，考试成绩唔好，我冇叫过屋企为我负任何责任ロ架，我自己签返晒啲成绩表畀返老师嘅。到咗今时今日，我唔知道自己嘅人生去向系乜，我唔知道我应该做乜嘢职业，我唔知道自己应该信咩宗教，我唔知道我应该入咩政治团体，但系，我都冇问过屋企攞过一分一毫啊！咁多年嚟，乜嘢都系我自己负晒责任啊，但唔系我想嚟呢个世界喔，嘘一声就出咗嚟嘞喔，你去睇戏啊，你事前都有影评话畀你听，呢套戏几多粒星啩？我啊，喺个子宫里面有冇人入嚟话我听，「黄子华，唔好制啊，唔好出去啊，依家地球生态环境好差啊，唔知边度有个大窟窿啊，避孕套就嚟都要用完再用啊……重有啊黄子华，你咪原本呢，报名去投李嘉诚嗰边个胎嘅？人哋老早呢，满咗额嘞，炒字花有得炒，你炒唔炒啊？OK，唔炒你就系呢档嘅嘞喔。嗱，叫做有得你食，有得你住，不过你想父荫就冇你份嘞，你套戏总之一句讲晒，一粒星畀多你嘞！啊，唔记得提你，你某个角度，都算得系丑嘅。」

卢总發表於 2007-11-30 01:03:09

《故乡的雨》，游子的情

金曲寻味　　 　　 　　□叶丽贞　　 　　 　　一封家书一声关注／一句平常的体己语／令我快慰心里满是暖意／犹如令我置身春晖里／重提到家中檐前旧燕／重回旧里家中居／信中写到家乡的雨／滴滴细雨话儿时／问我有否记挂旧燕子／家乡的细雨…… 　　《故乡的雨》，一首思乡曲，一首经典嘅粤语流行曲。原唱者系甄妮，但之后好多歌星都唱过依首歌。个人最喜欢嘅系徐小凤唱嘅版本，因为佢唱得最有韵味、最传情。 　　歌中通过回忆：母亲嘅笑容，骑父背、唱歌仔，檐前嘅燕子，家乡嘅雨水……描绘出一幅家乡生活嘅画卷。正所谓「家书抵万金」，对于漂泊在外嘅子女而言，来自屋企嘅一封信，无疑系充满慰藉同埋温暖口架！「有否记挂旧燕子」——尤其来自双亲嘅呢一问，不禁使「我」热泪盈眶，勾起一串串嘅回忆。故乡嘅一切，既熟悉又陌生，既陶醉亦痛苦，牵肠挂肚。 　　系嘅，家乡冇都市咁繁华，但家乡嘅一切显然更加让人多啲亲切感啊！整首歌寄无穷思念于回忆之中，弥漫着深深嘅乡愁、浓浓嘅思归情结。「念到故乡两老／愿似燕子／家乡飞去。」而小凤姐则凭着佢天赋嘅磁性声带、凝重沉稳嘅唱腔，配合低回婉转嘅旋律，更加传神噉表达出嗰种温馨而又苍凉嘅意境，催人泪下。 
 
<A href="http://www.nanfangdaily.com.cn/southnews/dd/dsb/B12/200711290640.asp">http://www.nanfangdaily.com.cn/southnews/dd/dsb/B12/200711290640.asp</A>

卢总發表於 2007-11-30 01:06:50

一封家书一声关注／一句平常的体己语／令我快慰心里满是暖意／犹如令我置身春晖里／重提到家中檐前旧燕／重回旧里家中居／信中写到家乡的雨／滴滴细雨话儿时／问我有否记挂旧燕子／家乡的细雨…… 　　《故乡的雨》，一首思乡曲，一首经典嘅粤语流行曲。原唱者系甄妮，但之后好多歌星都唱过依首歌。个人最喜欢嘅系徐小凤唱嘅版本，因为佢唱得最有韵味、最传情。 　　歌中通过回忆：母亲嘅笑容，骑父背、唱歌仔，檐前嘅燕子，家乡嘅雨水……描绘出一幅家乡生活嘅画卷。正所谓「家书抵万金」，对于漂泊在外嘅子女而言，来自屋企嘅一封信，无疑系充满慰藉同埋温暖ロ架！「有否记挂旧燕子」——尤其来自双亲嘅呢一问，不禁使「我」热泪盈眶，勾起一串串嘅回忆。故乡嘅一切，既熟悉又陌生，既陶醉亦痛苦，牵肠挂肚。 　　系嘅，家乡冇都市咁繁华，但家乡嘅一切显然更加令人有多啲亲切感啊（Ｘ）！整首歌寄无穷思念于回忆之中，弥漫住深深嘅乡愁、浓浓嘅思归情结。「念到故乡两老／愿似燕子／家乡飞去。」而小凤姐则凭住佢天赋嘅磁性声带、凝重沉稳嘅唱腔，配合低回婉转嘅旋律，更加传神噉表达出嗰种温馨而又苍凉嘅意境，催人泪下。

highyun 發表於 2007-11-30 10:44:47

《故鄉的雨》原唱者係薰妮，至於甄妮，可能喺屋企嘅沖凉房都私下唱過呢首歌嘅。
所以話呢個作者根本唔熟悉啲歌嘅背景。

茗荷介 發表於 2007-11-30 15:02:08

卢总点解将「炒仔花」改成「炒字花」？

茗荷介 發表於 2007-11-30 21:17:32

嗯，「你太有才了   ！」出现喺一篇粤文里面，令人<IMG alt="" src="http://bbs.cantonese.asia/images/smilies/default/sweat.gif" border=0 smilieid="10"><IMG alt="" src="http://bbs.cantonese.asia/images/smilies/default/sad.gif" border=0 smilieid="2">！「粉丝」，同样都令人<IMG alt="" src="http://bbs.cantonese.asia/images/smilies/default/sweat.gif" border=0 smilieid="10"> <IMG alt="" src="http://bbs.cantonese.asia/images/smilies/default/sad.gif" border=0 smilieid="2">～
王朔话斋：「什么是粉丝？粉丝是用来做蚂蚁上树的。」

卢总發表於 2007-12-10 22:56:42

原帖由 茗荷介 於 2007-11-30 03:02 PM 發表 <A target=_blank href="http://bbs.cantonese.asia/redirect.php?goto=findpost&pid=65717&ptid=8827"><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 卢总点解将「炒仔花」改成「炒字花」？「炒仔花」为何物？
「字花」就即系而家全国都话要禁嘅「六合神数」嘅前身，明未？

頁: [1]

粵語協會's Archiver