２００７年１１月９号《南方都市报》

卢总發表於 2007-11-10 16:51:06

7·9　哭则不歌
 
　　栋笃论语·述而第七　　 　　 　　□子野专栏　　 　　 　　【原文】子食于有丧者之侧，未尝饱也。子于是日哭，则不歌。 　　【译文】孔子喺有丧事嘅人身边食饭，从来未食饱过。孔子喺呢一日喊过，就唔会再唱歌。 　　【栋笃】俗话有讲喇，人皆有恻隐之心。其实呢个「恻隐之心」，亦都系仁道嘅一个重要方面嚟口架。咩叫「恻隐之心」？就系将心比心，对受苦难嘅人表示同情、关心喇。闹市入边，见到真正可怜嘅乞衣，我哋会畀钱佢；边个地方嘅人受咗灾，我哋会捐款捐物……呢啲，都系恻隐之心嘅表现。孔Sir喺有丧事嘅人身边食饭，从来未食饱过，就更加系出于恻隐之心喇。点解？有人屋企死咗人，哀伤所至，肯定食不知味，点可能食饱？你坐喺噉嘅人隔篱，前面越系山珍海味，你就越唔好意思「大快朵颐」，咪话食饱食滞喇。 　　同样嘅道理，孔Sir如果嗰日喊过，佢就唔会唱歌。呢个喊，一般嘅解释，都系「哭丧」。丧者系你嘅亲朋好友，唔理感情深浅，你去「哭丧」，就要带住哀伤嘅心情。呢种心情，就算你系扮嘅，都唔可以只系扮一时，喊完之后，即刻同啲老友记开房唱K——即使你唱得落，都系违反咗人情之常同埋礼仪之规。噉如果掉返转头，你喺K房度唱紧歌，突然间手机响，同事话畀你知，局长嘅老母喺医院不治，叫你即刻去「哭丧」，你可唔可以话「唔得啵，我于是日歌，则不哭」啊？你傻口架，梗唔得喇，就算带埋啲芥辣去，将啲眼泪逼出嚟，都要大喊特喊表现下喇。局长知道你系喺K房直接过嚟就喊得咁伤心，实感动到死，即刻升你做科长都唔定喇：) 　　但系，历史上，有过两个「丧而歌」嘅人，唔单止冇人话佢哋「非礼」，仲引为美谈添。呢两个人，一系庄子，一系嵇康。庄子老婆死咗，惠子去「哭丧」，就见到佢一边敲盆一边唱歌。惠子责问佢点可以噉样，庄子就话，人本「无生又无形」，死只不过系人向天地之间嘅回归，使乜喊啊？阮籍嘅老母死咗，当时仲未成为佢朋友嘅嵇康带咗酒同埋琴去灵堂吊祭，阮籍一见就好激动，因为佢卒之见到一个同佢一样不顾礼法嘅人，谂到用美酒同埋音乐嚟送别先人嘅独特吊祭法。两人最后成为咗生死之交。
 
<A href="http://www.nanfangdaily.com.cn/southnews/dd/dsb/B13/200711090506.asp">http://www.nanfangdaily.com.cn/southnews/dd/dsb/B13/200711090506.asp</A>

卢总發表於 2007-11-10 16:59:42

【原文】子食于有丧者之侧，未尝饱也。子于是日哭，则不歌。 　　【译文】孔子喺有丧事嘅人身边食饭，从来未食饱过。孔子喺呢一日喊过，就唔会再唱歌。 　　【栋笃】俗话有讲啦，人皆有恻隐之心。其实呢个「恻隐之心」，亦都系仁道嘅一个重要方面嚟ロ架。咩叫「恻隐之心」？就系将心比心，对受苦难嘅人表示同情、关心嘞。闹市入边，见到真正可怜嘅乞儿，我哋会畀钱佢；边个地方嘅人受［咗］灾，我哋会捐款捐物……呢啲，都系恻隐之心嘅表现。孔Sir喺有丧事嘅人身边食饭，从来未食饱过，就更加系出于恻隐之心啦。点解？有人屋企死咗人，哀伤所至，肯定食不知味，点可能食饱？你坐喺噉嘅人隔篱，前面越系山珍海味，你就越唔好意思「大快朵颐」，咪话食饱食滞啦。［「乞儿」个「儿」读第一声，即系「衣」；个「咗」字最好删除，更加符合广州话嘅讲法。］ 　　同样嘅道理，孔Sir如果嗰日喊过，佢就唔会唱歌。呢个喊，一般嘅解释，都系「哭丧」。丧者系你嘅亲朋好友，唔理感情深浅，你去「哭丧」，就要带住哀伤嘅心情。呢种心情，就算你系扮嘅，都唔可以只系扮一时，喊完之后，即刻同啲老友记开房唱K——即使你唱得落，都系违反咗人情之常同埋礼仪之规。噉如果掉返转头，你喺K房度唱紧歌，突然间手机响，同事话畀你知，局长嘅老母喺医院不治，叫你即刻去「哭丧」，你可唔可以话「唔得噃，我于是日歌，则不哭」啊？你傻ロ架，梗唔得啦，就算带埋啲芥辣去，将啲眼泪逼出嚟，都要大喊特喊表现下啦。局长知道你系喺K房直接过嚟就喊得咁伤心，实感动到死，即刻升你做科长都唔定喇：) 　　但系，历史上，有过两个「丧而歌」嘅人，唔单止冇人话佢哋「非礼」，重引为美谈添。呢两个人，一系庄子，一系嵇康。庄子老婆死咗，惠子去「哭丧」，就见到佢一边敲盆一边唱歌。惠子责问佢点可以噉样，庄子就话，人本「无生又无形」，死只不过系人向天地之间嘅回归，使乜喊啊？阮籍嘅老母死咗，当时重未成为佢朋友嘅嵇康带咗酒同埋琴去灵堂吊祭，阮籍一见就好激动，因为佢卒之见到一个同佢一样不顾礼法嘅人，谂到用美酒同埋音乐嚟送别先人嘅独特吊祭法。两人最后成为咗生死之交。

卢总發表於 2007-11-10 17:03:36

广州播客第181期·泮塘专题

同声同气　　 　　 　　□阿展专栏　　 　　 　　1.呢度系广州嘅最低洼处，珠江支流冲刷而成，要用一条涌嚟自然排水，珠江退潮，佢亦有半溪水响度，前期就叫「半溪」，一半嘅半，但系一半收成梗系唔好啦，就畀多啲水佢啰，咁就畀多三点水，变咗「泮溪」嘞。(这里是广州的最低洼处，珠江支流冲刷而成，要用一条涌来自然排水，珠江退潮，也有半溪水在，前期就叫「半溪」，一半的半，但是一半收成当然不好啦，就多给点水，就给了「三点水」，变成「泮溪」了。) 　　——泮塘大拆迁前夕，老街坊权叔向记者讲述「泮溪」的来历。 　　2.你点样蒸都好，蒸唔到我哋嘅「家基马蹄糕」，即系我哋泮塘人喺屋企蒸嘅马蹄糕。酒楼嗰啲马蹄糕唔够香，另外蒸法都唔同。(不论你怎样蒸，都蒸不出我们的「家基马蹄糕」，就是我们泮塘人在家里蒸的马蹄糕。酒楼里的马蹄糕不够香，另外蒸法也不同。) 　　——泮塘大拆迁前夕，老街坊权叔向记者讲述泮塘特产——马蹄糕的特色。 　　3.冇谂过变咗工人反而冇咗后路，落岗，厂冧，农民仲有块田耕，畀我拣肯定拣返做农民。(没想过变了工人反而没了后路，下岗，工厂倒闭，如果是农民还有块田耕种，如果让我挑，我肯定想做回农民。) 　　——当泮塘的农田变成了荔湾湖，大部分的农民都洗脚上田，变成了工人，燕姐向记者这样讲述自己的感受。 　　4.唔舍得啰，成世都喺泮塘，四约嫁嚟五约，七十几年都系泮塘人……(舍不得呀，一辈子都住在泮塘，四约嫁来五约，七十几年都是泮塘人。) 　　——泮塘大拆迁前夕，七十多岁的阿婆对记者说出依依不舍的心情。
 
<A href="http://www.nanfangdaily.com.cn/southnews/dd/dsb/B13/200711090507.asp">http://www.nanfangdaily.com.cn/southnews/dd/dsb/B13/200711090507.asp</A>

卢总發表於 2007-11-10 17:05:22

1.呢度系广州嘅最低洼处，珠江支流冲刷而成，要用一条涌嚟自然排水，珠江退潮，佢亦有半溪水响度，前期就叫「半溪」，一半嘅半，但系一半收成梗系唔好啦，就畀多啲水佢啰，咁就畀多三点水，变咗「泮溪」嘞。(这里是广州的最低洼处，珠江支流冲刷而成，要用一条涌来自然排水，珠江退潮，也有半溪水在，前期就叫「半溪」，一半的半，但是一半收成当然不好啦，就多给点水，就给了「三点水」，变成「泮溪」了。) 　　——泮塘大拆迁前夕，老街坊权叔向记者讲述「泮溪」的来历。 　　2.你点样蒸都好，蒸唔到我哋嘅「家基马蹄糕」，即系我哋泮塘人喺屋企蒸嘅马蹄糕。酒楼嗰啲马蹄糕唔够香，另外蒸法都唔同。(不论你怎样蒸，都蒸不出我们的「家基马蹄糕」，就是我们泮塘人在家里蒸的马蹄糕。酒楼里的马蹄糕不够香，另外蒸法也不同。) 　　——泮塘大拆迁前夕，老街坊权叔向记者讲述泮塘特产——马蹄糕的特色。 　　3.冇谂过变咗工人反而冇咗后路，落岗，厂冧，农民重有块田耕，畀我拣肯定拣返做农民。(没想过变了工人反而没了后路，下岗，工厂倒闭，如果是农民还有块田耕种，如果让我挑，我肯定想做回农民。) 　　——当泮塘的农田变成了荔湾湖，大部分的农民都洗脚上田，变成了工人，燕姐向记者这样讲述自己的感受。 　　4.唔舍得啰，成世都喺泮塘，四约嫁嚟五约，七十几年都系泮塘人……(舍不得呀，一辈子都住在泮塘，四约嫁来五约，七十几年都是泮塘人。) 　　——泮塘大拆迁前夕，七十多岁的阿婆对记者说出依依不舍的心情。

卢总發表於 2007-11-10 17:07:32

生日愿望

孖辫妹　　 　　 　　□图／谈芳波　文／谈芳波　莫夕
 
<IMG src="http://www.nddaily.com/C/res/1/20071108/14491194533955890.jpg" border=0>
 
　　哇，流星啊！我嘅愿望係喺生日嘅时候收到一部滑板车啊！　　 　　 　　你有病啊？依家日光日白，边度嚟流星啊？　　 　　 　　嘘……咪吵啊！我又唔係讲畀流星听嘅！　　 　　 　　我係讲畀老窦听咋，死蠢！　　 　　原来孖辫中意滑板车啊……

卢总發表於 2007-11-10 17:08:31

哇，流星啊！我嘅愿望系喺生日嘅时候收到一部滑板车啊！　　 　　 　　你有病啊？依家日光日白，边度嚟流星啊？　　 　　 　　嘘……咪吵啊！我又唔系讲畀流星听嘅！　　 　　 　　我系讲畀老窦听咋，死蠢！　　 　　原来孖辫钟意滑板车啊……

卢总發表於 2007-11-10 17:10:12

名家争唱《楼台会》

粤韵飘香　　 　　 　　□李池湘　　 　　 　　「一心约兄访，估道相依成凤凰。又怎知太守马家强夺良缘，偏偏兴波作浪，怨只怨爹爹，贪财竟接纳了婚聘，错系红丝真谬妄，狠心迫我另配马家郎……」 　　呢段就系戏迷都好熟嘅粤剧名曲《楼台会》嘞。 　　戏剧作品嘅题材，多数都系拣啲哀怨嘅爱情故事，越系遗憾嘅就越受欢迎。讲到感人肺腑嘅爱情，梗系首选《梁山伯与祝英台》啦，所以好多名家都争住唱口架。 　　梁祝嘅故事大家都好熟，哀怨缠绵，特别系「楼台相会」一折，非常感人，摧人泪下，吸引咗各派名人争相演绎。好似「风腔」嘅创始人、著名粤剧表演艺术家陈少风，佢同名旦林锦屏嘅《楼台会》，着重喺口白上边：「梁兄呀！英台知你情真切，你可知英台肺腑情？曾记长亭十八里……」唸得细腻传神，感人肺腑；香港嘅大老倌「芳腔」传人李宝莹，佢同名伶文千岁演唱嘅《楼台会》，喺唱腔上边演绎得好悲怆：「细听伤心语，倍感悲若狂，若然生不许相爱，死当化蝶影永伴郞……」一句高亢嘅长腔，唱得悲伤哀怨，荡气回肠；「新马腔」嘅传人彭炽权同「红腔」嘅传人郭凤女演唱嘅《楼台会》，最有特色就系最后嘅唸白：「英台妹，我去了……梁兄你、你、你珍重呀！」真系丝丝入扣，字字泣血，声声滴泪。 　　唔同流派嘅名家，演绎相同嘅题材，产生出唔同嘅效果，各有各精彩，真系戏迷之幸。 
 
<A href="http://www.nanfangdaily.com.cn/southnews/dd/dsb/B13/200711090509.asp">http://www.nanfangdaily.com.cn/southnews/dd/dsb/B13/200711090509.asp</A>

卢总發表於 2007-11-10 17:20:35

「一心约兄访，估道相依成凤凰。又怎知太守马家强夺良缘，偏偏兴波作浪，怨只怨爹爹，贪财竟接纳了婚聘，错系红丝真谬妄，狠心迫我另配马家郎……」［呢个「估道」我原先以为系错嘅，点知原来系啱嘅。在此暂不表，第日有机会再同大家讲点解。<IMG alt="" src="http://bbs.cantonese.asia/images/smilies/default/tongue.gif" border=0 smilieid="7"> ］ 　　呢段就系戏迷都好熟嘅粤剧名曲《楼台会》嘞。 　　戏剧作品嘅题材，多数都系拣啲哀怨嘅爱情故事，越系遗憾嘅就越受欢迎。讲到感人肺腑嘅爱情，梗系首选《梁山伯与祝英台》啦，所以好多名家都争住唱ロ架。 　　梁祝嘅故事大家都好熟，哀怨缠绵，特别系「楼台相会」一折，非常感人，摧人泪下，吸引咗各派名人争相演绎。好似「风腔」嘅创始人、著名粤剧表演艺术家陈少风，佢同名旦林锦屏嘅《楼台会》，着重喺口白上边：「梁兄呀！英台知你情真切，你可知英台肺腑情？曾记长亭十八里……」唸得细腻传神，感人肺腑；香港嘅大老倌「芳腔」传人李宝莹，佢同名伶文千岁演唱嘅《楼台会》，喺唱腔上边演绎得好悲怆：「细听伤心语，倍感悲若狂，若然生不许相爱，死当化蝶影永伴郞……」一句高亢嘅长腔，唱得悲伤哀怨，荡气回肠；「新马腔」嘅传人彭炽权同「红腔」嘅传人郭凤女演唱嘅《楼台会》，最有特色就系最后嘅唸白：「英台妹，我去了……梁兄你、你、你珍重呀！」真系丝丝入扣，字字泣血，声声滴泪。 　　唔同流派嘅名家，演绎相同嘅题材，产生出唔同嘅效果，各有各精彩，真系戏迷之幸。

卢总發表於 2007-11-10 17:22:38

刘永福与永福村

羊城讲古台　　 　　 　　□庞力行　　 　　 　　刘永福系广西人，喺清朝年代嘅中法战争中，帮助越南政府抗击法国侵略者而闻名中外；甲午战争期间，佢又领导台湾人民进行英勇嘅抗日斗争。呢位抗法、抗日嘅民族英雄喺国内同广州地区都威名流传！ 　　1885年，刘永福受清朝之召，喺越南胜利返度广州，佢喺沙河嗰度买地建造刘氏家庙，将广州当成系自己嘅第二故乡。当时喺刘氏家庙附近有条叫石人窿嘅小村，因为争水源同外村人结怨，外村人持械嚟度村寻仇，刘永福见百姓不得安宁，就出面干预。外村人喺刘永福面前毕恭毕敬，听度石人窿村系刘大人管辖之地，都表示唔再追究。天河一带嘅大村有啲地痞、赌徒，经常欺负沙河一带嘅小村民，偷鸡摸狗，甚至强抢耕牛。受害嘅村民都嚟到刘永福面前哭诉。刘永福主持公道，向各大村发送自己嘅名帖，请大村父老对族内嘅村民多加管教。冇谂度，三日之内被偷被抢嘅财物都送到刘永福府上，各大村父老带住犯案嘅地痞，当住刘永福面前向被害嘅村民赔礼道歉，愿请刘大人治罪。石人窿村嘅村民见刘大人嘅威名如此利害，为保村平安，就借用咗刘永福嘅名，将村名改为「永福村」，将自己当成系刘永福嘅村民。附近嘅小村亦随之效仿，喺沙河一带竟然同时出现咗五六条「永福村」。 　　1949年以后，新政府对沙河一带嘅永福村进行重新划定，依家就只有一条永福村嘞，但系依家广州嘅「永福路」，系政府为纪念呢位抗法、抗日嘅民族大英雄刘永福而命名口架。 
 
<A href="http://www.nanfangdaily.com.cn/southnews/dd/dsb/B13/200711090510.asp">http://www.nanfangdaily.com.cn/southnews/dd/dsb/B13/200711090510.asp</A>

卢总發表於 2007-11-10 17:28:12

刘永福系广西人，喺清朝年代嘅中法战争中，帮助越南政府抗击法国侵略者而闻名中外；甲午战争期间，佢又领导台湾人民进行英勇嘅抗日斗争。呢位抗法、抗日嘅民族英雄喺国内同广州地区都威名流传！ 　　1885年，刘永福受清朝之召，喺越南胜利返到广州，佢喺沙河嗰度买地建造刘氏家庙，将广州当成系自己嘅第二故乡。当时喺刘氏家庙附近有条叫石人窿嘅小村，因为争水源同外村人结怨，外村人持械嚟到村寻仇，刘永福见百姓不得安宁，就出面干预。外村人喺刘永福面前毕恭毕敬，听到石人窿村系刘大人管辖之地，都表示唔再追究。天河一带嘅大村有啲地痞、赌徒，经常欺负沙河一带嘅小村民，偷鸡摸狗，甚至强抢耕牛。受害嘅村民都嚟到刘永福面前哭诉。刘永福主持公道，向各大村发送自己嘅名帖，请大村父老对族内嘅村民多加管教。冇谂到，三日之内被偷被抢嘅财物都送到刘永福府上，各大村父老带住犯案嘅地痞，当住刘永福面前向被害嘅村民赔礼道歉，愿请刘大人治罪。石人窿村嘅村民见刘大人嘅威名如此厉害，为保村平安，就借用咗刘永福嘅名，将村名改为「永福村」，将自己当成系刘永福嘅村民。附近嘅小村亦随之效仿，喺沙河一带竟然同时出现咗五六条「永福村」。［「厉害」同「利害」好多人都分唔清！］ 　　1949年以后，新政府对沙河一带嘅永福村进行重新划定，依家就只有一条永福村嘞，但系依家广州嘅「永福路」，系政府为纪念呢位抗法、抗日嘅民族大英雄刘永福而命名ロ架。

卢总發表於 2007-11-10 17:30:00

白话绕口令

疯狂粤语　　 　　 　　□王建强整理　　 　　 　　1.邮差叔叔送信纯属迅速。 　　2.黐线蜘蛛条蜘蛛丝黐住枝树枝。 　　3.去街市买鱼肠，见到姨丈，放低鱼肠问候姨丈，执翻鱼肠，拜拜姨丈。 　　4.掘柑掘桔掘金桔，掘鸡掘骨掘龟骨，掘完鸡骨掘金桔，掘完龟骨掘鸡骨。 　　5.一蚊一斤鸡，一蚊一斤龟，究竟系鸡贵定系龟贵？ 　　6.鸡龟骨滚羹。 　　7.入实验室揿紧急掣。 　　8.床脚撞墙角，墙角撞床脚，你话床脚撞床角定墙角撞床脚？ 　　9.麦当娜约咗麦当雄去当劳道嗰间麦当劳食麦皮捞当归。 　　10.肯德龟同肯德鸡去肯德基食肯德基最出名嘅巴辣香鸡。 　　11.郭蔼明见过郭可盈，话郭可盈个袋型，郭可盈叫郭蔼明过海改个袋型，改成郭可盈个袋型。 　　12.奄金琴军今暗暗，混吉挖柑桔，金骨挖桔挖银骨，银桔甩金唔挖得，金骨混笔挖金粒。 
 
<A href="http://www.nanfangdaily.com.cn/southnews/dd/dsb/B13/200711090511.asp">http://www.nanfangdaily.com.cn/southnews/dd/dsb/B13/200711090511.asp</A>

卢总發表於 2007-11-10 17:39:44

1.邮差叔叔送信纯属迅速。 　　2.黐线蜘蛛条蜘蛛丝黐住枝树枝。 　　3.去街市买鱼肠，见到姨丈，放低鱼肠问候姨丈，执翻鱼肠，拜拜姨丈。 　　4.掘柑掘桔掘金桔，掘鸡掘骨掘龟骨，掘完鸡骨掘金桔，掘完龟骨掘鸡骨。 　　5.一文一斤鸡，一文一斤龟，究竟系鸡贵定系龟贵？［ＡＮＬ话，大家唔知道讲钱嘅「蚊」应该写成「文」，系我哋「粤语协会」宣传不足，噉大家应该知道点做啦！］ 　　6.鸡龟骨滚羹。 　　7.入实验室揿紧急掣。 　　8.床脚撞墙角，墙角撞床脚，你话床脚撞床角定墙角撞床脚？ 　　9.麦当娜约咗麦当雄去当劳道嗰间麦当劳食麦皮捞当归。 　　10.肯德龟同肯德鸡去肯德基食肯德基最出名嘅巴辣香鸡。 　　11.郭蔼明见过郭可盈，话郭可盈个袋型，郭可盈叫郭蔼明过海改个袋型，改成郭可盈个袋型。［第二句有冇漏到呢？改成「话郭可盈个袋好型」会唔会好啲呢？］ 　　12.奄金琴军今暗暗，混吉挖柑桔，金骨挖桔挖银骨，银桔甩金唔挖得，金骨混笔挖金粒。

卢总發表於 2007-11-10 17:41:04

蓝牙助听器

广州笔记　　 　　 　　□何凤仪　　 　　 　　上个星期天系我嘅公公生日，我哋全家大细一齐喺酒楼为佢庆祝大寿。啲亲戚都未到齐，我就攞个蓝牙耳机出嚟，听下歌仔打发时间。点知我公公一眼见到我个蓝牙耳机就话好中意喇，睇落去好时尚添，于是佢叫我食完饭就带佢去买一个喔。我公公虽然已经七十几岁，但讲到用手机嘅其他功能，就比其他同龄嘅老人犀利好多喔，识得发信息同听Mp3口架。 　　食饱饭后我带佢去到手机专卖店，见到咁多款式，再加上啲促销小姐介绍下，公公都唔知道买边款好喇。「伯伯，你试吓呢款啊，经济实惠，连接上手机就可以听歌仔喇。或者你再睇睇呢款，加少少钱仲可以多一个线控，可以控制音量同歌曲，方便好多口架。」咁多唔同嘅牌子又有唔同嘅功能喔，搞到我公公心大心细都唔知道买边款好。「乖孙，我今次靠你帮手拣喇。」我试咗几款之后，帮公公拣咗款性价比比较强嘅，就当我送畀佢嘅生日礼物喇，等佢早上去晨运听下嘢都唔使咁闷。公公见到拣好咗之后，开心到飞起，笑到见牙唔见眼，自言自语系度讲：「嘻嘻，今次我去越秀山晨运，仲唔系班老人面前威番次！人哋肯定好羡慕我呢个咩咩牙助听器啫，唔单止睇落去畀佢哋啲靚好多，而且仲可以听收音机、听歌，打电话都冇问题喔，最紧要系我乖孙送口架！」 　　啊？公公居然以为我早上用嘅蓝牙耳机系助听器？！ 
 
<A href="http://www.nanfangdaily.com.cn/southnews/dd/dsb/B13/200711090512.asp">http://www.nanfangdaily.com.cn/southnews/dd/dsb/B13/200711090512.asp</A>

卢总發表於 2007-11-10 17:49:12

上个星期天系我嘅公公生日，我哋全家大细一齐喺酒楼为佢庆祝大寿。啲亲戚都未到齐，我就攞个蓝牙耳机出嚟，听下歌仔打发时间。点知我公公一眼见到我个蓝牙耳机就话好钟意喇，睇落去好时尚添，于是佢叫我食完饭就带佢去买一个喔。我公公虽然已经七十几岁，但讲到用手机嘅其他功能，就比其他同龄嘅老人犀利好多喔，识得发信息同听Mp3ロ架。［将「我嘅公公生日」改为「我公公嘅生日」更加合乎广州话嘅习惯，而且着重喺「我公公」身上，如果讲「我嘅公公生日」就好似强调紧「我」噉样嘞！］ 　　食饱饭后我带佢去到手机专卖店，见到咁多款式，再加上啲促销小姐介绍下，公公都唔知道买边款好嘞。「伯伯，你试下呢款吖，经济实惠，连接上手机就可以听歌仔喇。或者你再睇睇呢款，加少少钱重可以多一个线控，可以控制音量同歌曲，方便好多ロ架。」咁多唔同嘅牌子又有唔同嘅功能喔，搞到我公公心大心细都唔知道买边款好。「乖孙，我今次靠你帮手拣喇。」我试咗几款之后，帮公公拣咗款性价比比较强嘅，就当我送畀佢嘅生日礼物啦，等佢早上去晨运听下嘢都唔使咁闷。公公见到拣好咗之后，开心到飞起，笑到见牙唔见眼，自言自语喺度讲：「嘻嘻，今次我去越秀山晨运，重唔喺班老人面前威番次！人哋肯定好羡慕我呢个咩咩牙助听器啫，唔单止睇落去畀佢哋啲靚好多，而且重可以听收音机、听歌，打电话都冇问题喔，最紧要系我乖孙送ロ架！」 　　啊？公公居然以为我早上用嘅蓝牙耳机系助听器？！

highyun 發表於 2007-11-10 18:49:15

原帖由 卢总 於 2007-11-10 17:39 發表 <A href="http://bbs.cantonese.asia/redirect.php?goto=findpost&pid=63313&ptid=8559" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 　　1.邮差叔叔送信纯属迅速。　　2.黐线蜘蛛条蜘蛛丝黐住枝树枝。　　3.去街市买鱼肠，见到姨丈，放低鱼肠问候姨丈，执翻鱼肠，拜拜姨丈。　　4.掘柑掘桔掘金桔，掘鸡掘骨掘龟骨，掘完鸡骨掘金桔，掘完龟骨掘鸡骨。　　5.一文一斤 ... 
 
呢篇嘢完全喺我以前個網頁度抄架：<A href="http://www.cantonese.asia/ungoo/interest/word.htm">http://www.cantonese.asia/ungoo/interest/word.htm</A>
 
抄嗰條友又點識得執字，抄漏咗字詞就會。「郵差叔叔送信純屬迅速送出」，佢就少咗「送出」。

卢总發表於 2007-11-10 22:39:49

呢个「王建强」都几「礼义廉」！

外外星人 發表於 2007-11-11 02:21:32

黐线蜘蛛条蜘蛛丝黐住枝树枝
 
呢个我系噉咖：
 
黐线蜘蛛啲蜘蛛丝黐住枝树枝
 
<A href="http://club.dayoo.com/read.dy?b=cantonese&t=827630&i=829249">http://club.dayoo.com/read.dy?b=cantonese&t=827630&i=829249</A>

頁: [1]

粵語協會's Archiver