揾咗大家好多年笨嘅几句说话
<P>来源：国际在线 改写：卢总</P><P> 喺中国崇尚权威嘅文化氛围之中，名人名言占咗好重要嘅地位，好多名家讲嘅说话，往往被人当成指导自己人生观世界观嘅不二准则。但几千年流传落嚟嘅名言中，亦有一啲说话被人刻意或者无知噉曲解，背离咗话语者本身嘅意旨同初衷，迷惑咗天下万千受众……</P>
<P><STRONG>１、以德报怨</STRONG></P>
<P> 原句：“或曰：‘以德报怨，何如？’子曰：“何以报德？以直报怨，以德报德。”<BR> ——《论语·宪问》</P>
<P> 万万估唔到原来喺孔子呢句“以德报怨”嘅后边重跟住另外一段话，乜嘢话呢？子曰：“以德报怨，何以报德？以直报怨，以德报德！”睇完之后，幡然醒悟，原来我哋都被某个断章取义嘅孔子拥趸玩咗一镬！</P>
<P> 当时嘅真实情况系点样嘅呢？孔子嘅一个弟子问佢：“老师，人哋打咗我，我唔打佢，我反而要对佢好，用我嘅道德同教养羞辱佢，等佢悔悟，好唔好？”孔子就话嘞：“你以德报怨，噉‘何以报德’，人哋以德嚟待你嘅时候，你先需要以德嚟回报人哋；但系而家人哋打咗你，你就应该‘以直报怨’，想点打佢就点打佢！”</P>
<P>歪曲程度：８ 揾笨指数：９</P>
<P><STRONG>２、民可使由之，不可使知之。</STRONG></P>
<P> 原句：“子曰：兴于诗，立于礼，成于乐。子曰：民可使由之，不可使知之。”<BR> ——《论语·秦伯》</P>
<P> 我哋结合上下文嘅语境，好容易就可以得出呢句话正确嘅分句方式：“子曰：兴于诗，立于礼，成于乐。民可，使由之，不可，使知之。”</P>
<P> 孔子成句话系讲，诗、礼、乐呢三样嘢系教育民众嘅基础，一定要抓好。如果人民掌握咗诗、礼、乐，好！等佢哋自由发挥。如果人民重系唔明呢啲嘢，我哋就要去教化佢哋，等佢哋知道同明白呢啲嘢――噉先系“有教无类”嘅大教育家孔老夫子嘅本意。</P>
<P>歪曲程度：７ 揾笨指数：９</P>
<P><STRONG>３、无毒不丈夫</STRONG></P>
<P> 原句：量小非君子，无度不丈夫。<BR> ——民间谚语联对</P>
<P> 呢句嚟自民间嘅谚语本来应该系“量小非君子，无度不丈夫”。呢个句子本来系好地地嘅，里面充分运用咗对仗，显示出一份阳刚有力嘅气魄，一个胸怀坦荡嘅男人形象就跃然于纸上。可惜劳动人民口耳相传嘅呢句说话，到咗朝廷上嗰啲所谓才高八斗嘅“君子”嘴里面就变晒样。点解呢？</P>
<P> 依照古时候文人嘅习性，喺呢副对联式嘅谚语里面，“度”为仄声字，读落唔顺口，好容易读成平声字嘅“毒”。嗰啲对音律美感要求甚高嘅学者有一日食饱饭冇屎屙，就发挥佢哋嘅专长，自作主张，将呢句改成“无毒不丈夫”。</P>
<P>歪曲程度：９ 揾笨指数：５</P>
<P><STRONG>４、唯女子与小人难养也。</STRONG></P>
<P> 原句：唯女子与小人难养也，近之则不孙，远之则怨。<BR> ——《论语·阳货》</P>
<P> 喺《史记·孔子世家》里面提到咗孔子嘅卫国之行：孔子“居卫月余，灵公与夫人同车，宦者雍渠参乘出，使孔子为次乘，招摇市过之。孔子曰：‘吾未见好德如好色者也。’于是丑之，去卫。”</P>
<P> 当时孔夫子受卫国国君嘅邀请，嚟到卫国参观学习休养。但期间，孔老先生突然发现自己被骗，人哋根本系攞佢嘅身份嚟炫耀自己，抬高自己而已，并唔系真正支持佢嚟教化卫国民众嘅。尤其是系嗰个卫灵公嘅老婆，为咗抬高自己嘅声望，公开炫耀，贬低晒孔子。</P>
<P> 孔夫子好唔开心，执拾行李离开咗卫国。离开之后，佢心情平复咗，谂起卫国公老婆恃宠生骄，甚至乱政扰民，不禁发出感慨：“唯女子与小人难养也！近之则不孙，远之则怨。”</P>
<P> 睇睇孔子嘅卫国之行，就咩都明白晒，佢呢番说话一定唔系发神经突然闹埋包括自己老母在内嘅所有女人，而系有一个特指嘅对象，嗰个对象就系卫灵公嗰个老婆南子等人。</P>
<P>歪曲程度：６ 揾笨指数：９</P>
<P><STRONG>５、吾生也有涯，而知也无涯。</STRONG></P>
<P> 原句：吾生也有涯，而知也无涯，以有涯随无涯，殆已。<BR> ——《庄子·养生主》</P>
<P> 庄子嘅呢句说话其实系噉讲嘅：“吾生也有涯，而知也无涯，以有涯随无涯，殆已。”我庄子嘅生命系有限嘅，但我面对嘅知识系无限嘅，要我以本来有限嘅生命，去追求嗰种永远睇唔到边嘅尽头，噉样系会整死自己嘅！</P>
<P>歪曲程度：８ 揾笨指数：３</P>
<P><STRONG>6、相濡以沫</STRONG></P>
<P> 原句：相濡以沫，不如相忘于江湖。<BR> ——《庄子·大宗师》</P>
<P> 相濡以沫，系几咁优美嘅情景啊！虽然呢个并唔系爱情最理想嘅状态，但系当年居委嗰啲街八就算再冇文化，呢句说话都肯定会讲过。只不过我哋誓估唔到，后边重跟住一句“重可以相忘于江湖”啫。</P>
<P><STRONG>７、天地不仁，以万物为刍狗。</STRONG></P>
<P> 原句：天地不仁，以万物为刍狗，圣人不仁，以百姓为刍狗。</P>
<P> ——《道德经》</P>
<P> 其实呢句说话嘅真正意思系讲，天地唔会感情用事，对万物一视同仁；圣人唔会感情用事，对百姓一视同仁。大家推崇嘅呢句说话，佢嘅原意根本就冇你哋所需要嘅压迫同歧视，而啱啱相反，佢讲嘅系一个公平嘅道理：我哋所有嘅人，所有嘅众生喺天地嘅眼中，都系平等嘅！<BR></P> 中國人擅長斷章取義 <P><FONT face=新細明體>呃……乜原来係咁解嘎……</FONT></P> <P>真系茅塞顿开，打开眼界！非常感谢搂主！</P> <P>真係大開眼界！謝謝樓主！</P> <P>樓上改得快，不過點解唔用“編輯”，要再另發一回覆帖？</P>
<P>講返正題，又真係幾搵笨。支持一個。</P> 紫凤凰讲紧咩啊？ <P>打开眼界</P>
<P>大開眼界</P> 樓上正解 <P>睇過撈話版.</P>
<P> </P>
<P>而傢有 廣州話版實在太正喇.</P>
<P> </P>
<P>請容許我轉載,哈哈.我會寫明 出處0架喇.!</P> 你要注明系我卢总改写嘅先好噃！ <P>原帖由 <I>卢总</I> 於 2008-1-17 16:30 發表 <A href="http://bbs.cantonese.asia/redirect.php?goto=findpost&pid=72254&ptid=7034" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 你要注明系我卢总改写嘅先好噃！ </P>
<P> </P>
<P>ok.一定一定<IMG alt="" src="http://bbs.cantonese.asia/images/smilies/default/lol.gif" border=0 smilieid="12"> </P> 近排好多舊帖畀人鞭返起身。重新睇返呢篇嘢，感覺個作者係以儒家思想為主導，唔係幾了解道家思想，我認為最搵笨嘅第五句反而搵笨指數最低~ 原帖由 <I>錯覺</I> 於 2008-1-17 07:24 PM 發表 <A target=_blank href="http://bbs.cantonese.asia/redirect.php?goto=findpost&pid=72263&ptid=7034"><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> ok.一定一定 转咗起边？啲人咩反应？
頁:
[1]