破《功夫》6大不解之謎
破《功夫》6大不解之謎《功夫》上映以來，票房勢如破竹，5日收3千萬，更掀起多年未有過的炒黃牛
飛潮。看過的人反應分兩極，喜歡的覺得周星馳被刀插、被包租婆追好笑；不
喜歡的覺得結局草率，星爺戲份太少。
撇除好唔好睇，戲中6大不解之謎卻成為大眾戲迷o既話題，本刊特別找到星輝
電影公司負責人同大家一齊破解《功夫》密碼。
不解之謎１ 臨死講英文
戲中飾演打麵師傅的油炸鬼董志華，絕技為五郎八卦棍，被琴手雙煞的琴音打
至重傷，臨終前湊近寨主元華耳邊說話，元華突彈出一句：「阿鬼，你都係講
番中文啦！」這幕令好些觀眾大惑不解，到底阿鬼講左句乜呢？
原來這句對白是故意不打出字幕。電影公司解釋：「阿鬼係寨主徒弟，當年跟
隨寨主夫婦遷入豬籠城寨決意隱姓埋名，後來，斧頭幫來襲，阿鬼逼不得已先
顯露身手。其實他臨終時所說的是「what are you preparing to do？」，這
句話亦引致寨主夫婦決心重出江湖對付斧頭幫！」
阿鬼平日同人打招呼唔係講「你好」，而係講hello，為佢臨終講呢句：「what
are you preparing to do？」埋下伏線。
嘩，原來阿鬼有咁o既身世，真係唔講唔知，估你唔到。
不解之謎2 迷失電單車
大多看過《功》片的人都會質疑，電影上映前有一張周星馳駕電單車的劇照，
但何以此造型未有在戲裡出現？
電影公司解釋：「呢幕劇情原先設定周生駕電單車，包租婆追上o黎，仲快過
部電單車，後尾周生覺得出o黎效果唔係幾好笑，於是乎cut左再拍過，變成而
家兩大高手旋風腿互追。」
咁又係，依家o既效果的確好笑得多，不過既然係咁，就唔好發楂電單車o既劇
照！
不解之謎３
周星馳本來唔識武功，點解又識得旋風腿，仲跑得快過武功高強，神出鬼沒o既
包租婆？
電影公司解釋：「當時阿星仲未俾火雲邪神打通任督二脈，只有遇到危難時先
至會將潛能發揮。」
咦，阿星咪好似《天龍八部》o既段譽咁！
不解之謎４ 邊個出手
戲裡面其中一幕講述林雪飾演的斧頭幫副幫主遭寨中高手踢落木桶導致骨折，
好多人以為咕喱強只係逞英雄，其實係身手了得且行動快如閃電的寨主夫婦元
華、元秋所為。
電影公司解釋，原來當時真係擁有十二路譚腿絕技的咕喱強出手至真！「咕喱
強的十二路譚腿連牆都踢得穿，踢個人落桶有幾出奇！」
會唔會係一路拍一路改，劇情唔銜接呢o下？
不解之謎５ 唔夠阿嬸打
好多人質疑本身身懷絕技、跑得快過包租婆，又能夠自行擊掌療傷的阿星，何
以偏偏敵不過豬籠城寨內一個賣菜阿嬸？
電影公司方面有以下解釋：「當時阿星只有危急又或者遇險o既時候先誤打誤撞
運用絕技，俾阿嬸打o個陣佢唔知原來對方咁勁o者！」
呢個解釋都算幾合理。
不解之謎６ 秘笈堅定流
好多人質疑童年阿星以十蚊雞買番o黎o個本「只售兩蚊」o既《如來神掌》秘笈
係咪真o既武功秘笈。
電影公司解釋：「都係o個句，留番o的想像空間畀觀眾啦！」
太大啦個空間。
《功夫》笑位少而精
《功》片是美國哥倫比亞電影公司投資，為令外國觀眾更容易明白，笑位採取
卡通化形式，實行少對白，既可取悅外國觀眾，又不失本地市場。而笑位多集
中於前段，後段則為動作場面居多。
第一幕 醬爆露股
住o黎豬籠城寨的髮型師醬爆，一日無所事事於寨中以自來水沖涼，正沖得興起
之際，突遭包租婆關水喉，醬爆邊露股邊以其獨特醬爆腔問包租婆：「包租婆，
因咩事我沖沖o下涼，會突然間無水呢？」當堂令全場笑爆嘴！
第二幕 阿星變孖潤腸
飾演阿骨的肥仔聰欲以飛刀暗算包租婆，豈料，技不如人的阿骨卻將飛刀全數
誤擲到飾演阿星的周星馳身上，阿骨見手上飛刀用盡，情急之下將蛇檔的毒蛇
作武器，卻又誤打誤撞將毒蛇拋到阿星身上，更表示：「蛇最鍾意聽音樂，你
吹口哨佢聽，就唔會咬你！」阿星信以為真，隨即吹起口哨來，毒蛇聞哨聲啜
向阿星雙唇，令他的雙唇慘成孖潤腸。
第三幕 阿星旋風腿
阿星暗算包租婆事敗，走為上著。阿星邊以旋風腿奔跑，邊以插在雙肩的飛刀
作倒後鏡，察看追在身後的包租婆，場面極盡卡通化！
解構功夫高手
豬籠城寨上至寨主夫婦元華、元秋，下至咕喱強釋行宇，個個大有來頭。其中
更埋藏o左三位現實中的隱世高手。
[也母]型裁縫趙志凌
戲中飾演[也母]型裁縫、絕技洪家鐵扇拳的趙志凌為黃飛鴻徒孫，師承林世榮
，既是當代洪拳宗師，亦是七十年代的功夫片演員，拍過《蛇形刁手》、《七
虎之爭》，在美國開拳館，「倒掛金?」這獨門功夫更是趙的祖先所創。
趙師傅曾於83年洪金寶、鍾楚紅主演的《奇謀妙計五福星》（左圖）中客串，
做番自己，飾演趙師傅。
火雲邪神梁小龍
飾演火雲邪神、崑崙派絕技蛤蟆功的梁小龍，為七、八十年代著名武打明星兼
動作導演，與李小龍、成龍稱為「三小龍」。梁小龍從影以來，演出英雄豪傑
角色居多，當年飾演「陳真」一角更是深入民心。現在深宵亞視陳年舊劇《大
內群英》（左圖）都會見到佢o既當年風采。
琴手雙煞馮克安
飾演琴手雙煞之一的馮克安（左），以古箏為武器，殺人於無形。馮克安踏入
影壇已有廿多年，由於他的長相凶惡，多演反派居多，曾受京劇表演訓練的他
，其後加入邵氏電影公司，演出作品有吳宇森執導的處女作《鐵漢柔情》、袁
和平執導的《蛇形刁手》、張徹的經典片《報仇》等。最鮮為人知他是馮寶寶
的胞兄。
鬼佬點睇《功夫》
星爺一心以《功夫》衝出亞洲，打入荷里活市場，到底鬼佬觀眾又點睇《功夫》
呢？記者嘗試在金鐘ua戲院，訪問一些睇過《功夫》o既外籍人士。
anthony:「非常有意思，我女朋友唔鍾意功夫，亦唔鍾意睇功夫片，都話幾得意！」
philip:「我本身鍾意睇有關boxing同功夫o既電影，o係戲院見到張海報以為呢
套係功夫片，先至買票入場睇，點知出o黎發覺完全係兩回事，似特技片多o的，
如果我要睇特技，我唔會揀港產片，睇完都幾失望！」
warren:「我之前唔知邊個係stephen chow，亦唔知有呢套片，係我朋友睇完介
紹我睇，我覺得幾好、特技做得唔錯，個故事都好易明！」
Re:破《功夫》6大不解之謎
我要买正版低威低！Re:破《功夫》6大不解之謎
有廣東話dvd了咩？~ em6:Re:破《功夫》6大不解之謎
边有咁快，春节啦。我都买
頁:
[1]