2006年粵語協會大事回顧
<p> 即將過去嘅2006年，係粵語協會得到長足發展嘅一年，核心會員利用業餘時間犧牲個人休息同娛樂嘅機會，經過多個日日夜夜嘅孤身奮戰，付出大量嘅精力同心血，將一個又一個難題解決，取得咗唔錯嘅成績，但亦伴隨住一啲未做足工夫不盡如人意之處。無論得失成敗終成過去，寄望出年更多有志人士加入建設協會嘅行列中，喺眾人嘅不懈努力下更上一層樓。而家等我哋細數吓今年協會發生過邊啲大事，排列不分先後，有補充請跟帖：</p><p> 1. 9月斥巨資（對於工薪階層嚟講數目的確巨大）更換網站服務器成功，加快咗網站及論壇嘅訪問速度，初期雖經常出現唔穩定嘅情況，後經技術人員調教已得到明顯改善。<br/> 2. 網站及論壇訪問人數節節攀陞，註冊會員人數亦不斷增加，論壇曾有過在線人數達800多人嘅輝煌紀錄，平時亦經常保持100人以上在線，為同類型論壇所罕見。<br/> 3. 網站內容得到豐富嘅補充，論壇發帖無論從數量到質量均有可喜嘅進展。以《每日一句與粵語有關之古詩詞》一帖為例，創下單帖回覆數量最大嘅記錄，Dada亦因此成為主持同一主題帖最忠誠嘅無冕之王。<br/> 4. 網站引起社會尤其係海外嘅關注程度大為增加。年中得到王亭之、潘國森先生嘅垂青並於11月加拿大《星島日報》對本協會進行報道；論壇不乏高手不吝賜教，更吸引如鄧均老先生德高望重嘅前輩前來指點；12月三位粵協成員接受香港電臺及電視臺嘅採訪並於亞視節目播出並得到好評。<br/> 5. 協會內部組織架構更加規範，分工更明確，大家群策群力將各項工作細化，聚會採集返嚟嘅意見均頗有建設性，為今後協會嘅發展奠定咗更好嘅基石。<br/> 6. 協會出品嘅各種資料得到社會各界嘅好評，如輕鬆粵語輸入法、在線粵語字典、粵語字各種打字法及解釋大全，方便咗廣大需使用粵語輸入嘅用戶。<br/> 7. 嚐試推出各種活動，如「我口錄我心」、「我手寫我心」、「粵講粵精彩」等，雖未取得廣泛會員嘅行動支持，亦不失為有效推廣粵語文化嘅舉措，為以後更高層次嘅活動打下基礎。<br/> 8. 粵語文庫版主南漢12月參加第十屆國際粵方言研討大會，成為該會有史以來最年輕嘅發言者，實為協會嘅驕傲。</p>[此帖子已經被作者於2007-1-1 12:12:16編輯過]
<p><font face="新細明體">粵協2006勁。</font></p><p><font face="新細明體">2007會重勁。</font></p><p></p> <p>買雜誌買雜誌！</p> <p> 好彩赶得切今晚返嚟回呢張帖～～</p><p> 今年粵語協會真係發展得好快，具體做嘅嘢以及成就余OK已經總結過。不過有啲嘢我哋可以做得更好，2007年我哋會重點推出粵語雜誌同埋輕鬆粵語輸入法嘅3.0版。</p><p> 要想睇好嘢，黐住粵語協會啦。</p> 補充一點，粵語文庫版主南漢12月參加第十屆國際粵方言研討大會，成為該會有史以來最年輕嘅發言者，實為協會嘅驕傲。 <p>06粤协大发展！</p><p>07更上一层楼！</p> <p>睇到啦，支持粵語協會~~~</p> 繼續努力，我哋一定撐行佢！ 好強嘅氣啊。。。。呢個協會令人好振奮！ 雜誌！雜誌！等雜誌！雜誌 2007越办越好!!! 好劲吖~~呵呵!有大家嘅努力~粤语一定可以保存得好好架~~呵呵
頁:
[1]