睽違已久之粵式俚語集腋成裘大收集
<p> 週不時聽返啲越嚟越少人講嘅地道粵式俚語都會喺內心發出一陣微笑，呢啲久違嘅俚語經已唔經常掛喺我哋口邊嘞，但好有必要喺聽到或無意中記返起嘅時候立即將佢記低，一齊收集喺呢處，以使佢哋冇咁快失傳並加以發揚。今日舉兩句呢兩日聽返起嘅俚語先啦，各位祇要聽到諗到都可以跟帖補充：</p><p> 有人做到掂tap1 tap1，有人做到要執笠（前日聽一位本地順德大嬸講嘅，夠晒押韻。形容有人做生意風生水起，有人就難以為計）<br/> 呻飢莫呻飽（今朝無意中聽到其他同事吹水時講嘅，啲老人家以前都經常噉講。家陣物質生活好咗，睇嚟講呢句話嘅機會眞係買少見少咯）</p> 粵語文庫裏面篇《偷聽廣州》有好多呢類粵式俚語。 <p>呢張帖個題目寫成噉，好多新一代“中角人”都睇唔明你啲“老餅話”啦。</p><p>tap1 tap1 “口店”我就聽過，掂tap1 tap1好少聽。</p> 哈哈，就係要畀「老餅人」明白，你話啲「中角人」睇得明都會唔嚟幫你收集啦，噉又何必要佢哋明白呢？上邊嗰句，為咗押「笠」嘅ap韻，梗係要改變句式噉講啦。 <p>tap1 tap1,係唔係寫成“佮佮”</p><p>Refer to <a href="http://www.cojak.org/index.php?function=code_lookup&term=4F6E">http://www.cojak.org/index.php?function=code_lookup&term=4F6E</a>?tap1</p><p>廣東俗語考 釋情狀：“不肯為曰佮儗”</p><p>佮儗，讀若忌膩。有嫌棄之意。『廣韵』<font color="#000000"><span style="COLOR: rgb(255,0,0);"><font color="#000000">儗</font></span>音以。固滯貌。張楫曰。不前也。『正字通』<span style="COLOR: rgb(255,0,0);"><font color="#000000">儗</font></span>音異。<span style="COLOR: rgb(255,0,0);"><font color="#000000">佮儗</font></span>固滯貌。人而有所嫌棄。則必固滯不前矣。</font></p> <p>諗起一句：“執輸行頭慘過敗家”。</p> “唔同床就唔知被烂”，唔知呢句算唔算呢 最好講埋啲俚語所蘊含嘅意思啦。 <p>屙屎唔出攋地实－－死撑</p><p>湧水撞“贫”(屎)－－有咁啱得咁巧</p><p></p>[此帖子已經被作者於2006-12-11 21:05:57編輯過]
睇到Kong2605嗰句，我又諗到一個：“屙尿唔出賴風猛”。意思話人得個賴。依賴太多。 <p>擔屎唔偷食——即係話人好老實</p><p>戇鳩鳩，食豐收——即係話人好彩，傻有傻福</p> <p>跌咗落地都要拿番渣沙——死撑嘅意思</p><p>茅厕点灯——揾死(屎)</p><p>滚钱滚粮票——揾笨(可能你哋香港人少听呢句啦)</p><p>唦哩弄重（读chong）——嗱喳嘅意思</p> 打蛇隨棍上——因利乘便，鑽空子 <p>禽日聽過人講一句好得意嘅說話：</p><p>烏蠅飛過都要掹隻腳落嚟——形容人好貪心，連烏蠅腳呢啲咁小嘅嘢都貪。</p> <div class="msgheader">QUOTE:</div><div class="msgborder"><b>以下是引用<i>highyun</i>在2006-12-13 10:15:15的發言：</b><br/><p>禽日聽過人講一句好得意嘅說話：</p><p>烏蠅飛過都要掹隻腳落嚟——形容人好貪心，連烏蠅腳呢啲咁小嘅嘢都貪。</p></div><p> 哈哈，見到呢句話又諗返起上嚟排嗰個伯母講嗰句：過橋都要?三?，形容人孤寒度縮或過於謹小慎微。</p>
[此帖子已經被作者於2006-12-13 22:17:29編輯過]
<p>行過坑渠都起浪....意指一個人名氣大...</p> <p>其實呢啲俚語係好有趣嘅，我以後諗到一個就加一個。而家先補充三個：</p><p>跌落地都揦返摣沙<br/>死雞撑飯蓋<br/>以上兩個意思都相同，即係“明明輸咗，個口都唔認輸”嘅意思，而且都係貶義。另外重有個近義嘅：“死都拗返生”，大概係話人辯駁犀利。</p> <p>有人喺初級書院嗰邊提出嘅以下兩個：<br/>扮豬食老虎——假裝糊塗，實際上已經搵咗你好多著數<br/>呃鬼食豆腐——騙人</p><p>另外重有一個“詐傻食雞髀”，意思同“扮豬食老虎”差唔多。</p> <p>“吹水唔抹咀” 。</p><p>意思係話人成日講大話。</p><p></p> 屙尿都隔過渣——話人孤寒，精打細算