賀論壇註冊會員數即將突破2000
<p> 從2004年9月5日創站至今，粵協走過咗唔平凡嘅兩年幾。從前身「粵語標準化協會」到「粵語協會」嘅草創階段，我哋個「朵」（名聲）並唔係十分之響，而經過兩年時間嘅磨礪，如今經已喺粵語界無論係學術層面上定係普羅大眾文化上皆首屈一指嘅網站，正所謂雅俗共賞者粵協亦自誇不遑多讓。</p><p> 其間幾易其居（換過幾次服務器），進出粵協大門者恆河沙數、不勝枚舉，然而大多如驚鴻一瞥般「我靜靜鷄散水，就好似我靜靜鷄噉踩嚟」之CDROM（取其祇讀不寫之意，即入咗嚟拍拍籮柚屁都唔放個就銷聲匿跡），雖雁過留聲、人過留名但卻早早消失於視野。儘管離離合合，依然有住一班擁躉，維繫住呢份深厚嘅感情，對粵協不離不棄，幾年嚟始終如一，為粵協嘅日益壯大不斷添磚加瓦。正因為有如此強臂支撐，先開創咗今日粵協繁榮局面。</p><p> 儘管粵協取得唔錯嘅成績，仍然有好多不足之處亟待提陞，如吸引更多名家關注本網（目前祇有鄧鈞老前輩經常蒞臨論壇），匯聚有影響力傳媒嘅視線，擴大社會知名度等方面，更艱辛之路等住大家去闖。惟願眾人群策群力，共襄善舉。</p><p> 新版論壇已運行一段時日，註冊會員數節節上升，每日在線人數經常保持喺100以上，可喜可賀。藉此註冊會員數即將突破2000之時，發表以上一通闋詞，是為賀言。</p>[此帖子已經被作者於2006-11-22 8:42:09編輯過]
喺今日呢個環境，要開創一個粵語嘅網絡環境實屬唔易。睇返轉頭，粵協走到今日都唔易，不過离既定目標依然遙遠。正如登山，雖然離開山腳已經有一段舉距離，但抬頭望山頂，原來重有好遙遠嘅路途。希望呢段路上會有越嚟越多人加入嚟。
頁:
[1]