粵語合音字收集(有粗口成份!)
合音是詞彙快速連讀(或懶讀)後形成的新音，産生合音原因或貪省或避諱。有人則以一字(或二字)配以此音，此音字即是合音字，詞義不變。合音能否算「懶」音呢？見仁見智罷。(平時收集，應該未全，歡迎補充)合音字 原詞彙 詞義 舉例
嗻 即系 就是 舅父嗻老母個細佬
咪 唔係 不是 聽日咪星期三
咩 乜嘢 什么 有咩好,食咁多煙
冇 唔好 不好/不要 返學冇遲到
冇 冇好 不好 冇!(口頭拒絕)
咋 之嘛 而已 過年發兩罐油咋
因間 一陣間 一會兒 因間你去唔去超市
肺 塊閪(粗口) 我頂你個肺
值得注意：咪有另一意思「唔好」，因事判斷。
幾日前睇返舊電影《老虎出更》，最收尾時周潤發大爆一句:「我頂你個臭肺! 」唔作細究，真唔知係一句隱晦粗口! 回覆 2# mbingkwan
塊閪連讀成「肺」音，應唔難理解。不過，應該好多人未曾知，鄙人都係經人提示至醒。 咪爾個合音有點問題。譬如有人問听日星期幾？答曰：听日咪星期三咯，應該意思為听日咪就系星期三。咪是咪就系嘅縮略
第二種咪是唔好的意思，譬如話咪搵我笨，意思即唔好搵我笨。
所以咪本字點寫，還要斟酌。
最後頂你個肺，如兄台所說，懷疑系叼你塊閪的音轉，變成無粗口字
頁:
[1]