探討之二十一：『book』『keep』『for』『send』
本帖最後由 香江白丁 於 2011-4-18 21:39 編輯連日主題都是中文，今日轉轉口味，講講幾個英文字。
在下不否認，已往與人交談，粵語間中夾雜一些英文詞。例如求學時期，有時須將功課或『project』，在課堂裏『present』。 『project』 『present』這兩字，下愚到而今還想不出相關且適當的中文詞，非故作姿態，是我到現在也未去查字之過。而今，我非不得矣，盡量避免講話時中英文夾雜，聽到人家講也不以為然，這反感是愈來愈濃的。
香港華洋雜處，商業蓬勃，日常生活工作，無可避免須接觸甚或講一兩個英文單詞，要是術語，也還罷了，可近年來連一些很簡單的意思，不少人也要說一兩個英文單字，就使我覺得討厭，例如『book』『keep』『for』：
甲、book，最早被濫用，如：
1. 今晚食飯，你book咗枱未？
2. 去打波，book咗場未？
3. 後天去打牌，我book咗你戛喇。
4. 我今日好忙，幫我推哂所有booking。
乙、keep ：
5. 你近來身形keep 得好喎。
6. 啲錢我唔等用，你keep 住佢啦。
7. 佢係做keeper戛。
丙、for，近來有迎頭趕上之勢：
8. 伊個餐，係for兩個人戛。
9. 伊個型號嘅暖風機，係for浴室戛。
10. 我煮伊餐飯，係for成班人戛。
丁、send，這個也是熱門：
11. 我send個醫貓畀你
12. 我send個sms畀佢
13. 職員send啲邋遢制服去洗
內地情況又如何？ 1、2訂
3、預
4、約會
5、保持 或成句：保養得宜
6、留返自己用 、揸住
7、唔知何謂keeper
8、呢個餐係兩個人食嘅 呢個係兩人餐
9、係浴室用嘅
10、呢餐飯係煮畀成班人食嘅
已往？以往？ 本帖最後由 香江白丁 於 2011-4-18 19:58 編輯
回覆 2# UngooChan
１－〔keeper〕， 係〔keep〕住〔架步〕之人，〔架步〕乃香港煙花地的暱稱，沿自英文 club．
２－ 已往，解作〔已經〕過去，跟〔以往〕，可通用．
３－剛加了〔丁〕項，請也給予意見．
內地有〔中英夾雜〕的情況嗎？ 本帖最後由 余OK 於 2011-4-19 21:58 編輯
大陸粵語唔好得幾多，甚至乎衰多幾錢重添，啲後生整到粵語五勞七傷，皆因溝咗太多北方胡語講法，冇幾句講得正，英文都叫做有貴族血統，溝埋粵語係就係突兀些少，不過唔會見得俗骨，之北胡掕埋垬鏟葾夾臭朕o隨，侵落粵語處講，你只會覺得「卜」、「娘」、「撈」…… 宜家內地中英夾雜完全係受香港嘅影響,我豆丁嗰陣甚少,但係,某啲用詞其實係英文直用過嚟,辟如,單車嗰個坐,我哋講'坐SIT',打籃球投籃呢,會講'恤籃',後來我問爸爸先知應該係英文嘅'shoot'~~可能49年前好多音譯嘅用法,但係之後就好少啦~ 我唔係好介意中英夾雜, 尤其喺香港呢種語言環境裡面
不過我覺得, 要講就麻煩你講正啲, 唔好講錯晒, 不倫不類
例如fit講成feet, friend講成fan之類 回覆 6# a_qi
應將之視作外語詞漢(粵)化，不必全拒。 有〔些少〕崇洋味．
唔知人家講英文會唔會夾雜一些中文雅詞呢？ 回覆 8# 香江白丁
其實book ,send等呢唔係雅詞啩?不過,英文的確有直譯中文嘅詞,你知道嘎,嶺南嘅佳果呢~~重有~~好有益嘅'豆腐'呢,李小龍教詠春時,都會直譯佢嘅動作啦~~~語言係相互影響嘅~~ 『project』 『present』這兩字，下愚到而今還想不出相關且適當的中文詞，非故作姿態，是我到現在也未去查字之過。香江白丁 發表於 2011-4-18 10:35 http://bbs.cantonese.asia/images/common/back.gif
我都覺得搵唔到啱嘅中文對應。。。拙見project譯成「課題」，present譯成「展示」。。。
內地中英夾雜都係越嚟越多喇～我之前同英文系班同學都係咁，搵唔到啱嘅中文詞就用英文代替。。。 回覆 9# 猫妖008
貓妖兄，我意思是，外國人之間對話，會否出現以下惰況：
I have 約了John to join Mahjong game today
I don』t need the money, you 拿着
This menu is two person 用的
I 發了 a E-mail to you.
人家會否覺得夾一兩個中文字是高人一等？ 本帖最後由 香江白丁 於 2011-4-21 08:38 編輯
回覆 10# 寶寶
寶寶，當遇到一些英文術語時，一時難將之中譯，照英文講，我是接受的，但若果是像拙文所舉的字例，是否過份了？有尊重中文母語嗎？
在下今日參觀了香港科學館的『愛恩斯坦展覽』，最令我感動的，是介紹他在醫院臨終時的遺言，是用母語德文說的(當時他已移民美國，在彼邦生活工作多時）。
〔present譯成「展示」〕，感覺不很貼切，有更好的嗎？ 丁
11、我發/寄封email畀你（我唔會講「醫貓」，寧願講返email）
12、我發個短信畀佢
13、職員嗌人攞/送啲邋遢制服去洗（呢個send擇使啲，搵唔到單一一個詞代替） 當遇到一些英文術語時，一時難將之中譯，照英文講，我是接受的，但若果是像拙文所舉的字例，是否過份了？有尊重中文母語嗎？
〔present譯成「展示」〕，展示感覺不很貼切，有更好的嗎？
香江白丁 發表於 2011-4-20 19:45 http://bbs.cantonese.asia/images/common/back.gif
上文所舉係過份咗啲。。。
請恕在下才疏學淺。。。「展示」一詞係我能力範圍內可以諗到嘅冇咁怪雞嘅譯法。。。
回覆 14# 寶寶
〔講解〕，帶點權威．
〔講述〕，稍欠解釋之意．
〔演繹〕，好似是作品．
〔展述〕，好似冇這詞．
唉，還望其他網友意見． 本帖最後由 猫妖008 於 2011-4-30 11:52 編輯
回覆 11# 香江白丁
中英夾雜其實一來係受英文嘅影響,二來係講明自己嘅語言喺度退化.雖然香港人鍾意中英夾雜,但係,以前TVB拍嘅電視劇,如果唔係現代嘅,包括民國時期在內嘅,都唔會有啲咁嘅情況,而且,嗰啲電視劇用詞亦都好豐富,根本唔需要用到其它嘅語言表達.大陸會出現中英夾雜呢,完全係受香港嘅影響~~其實有啲拍得出色嘅北方戲,當然唔係現代嘅,又係民國嘅,佢哋嘅詞語都好豐富嘅,一樣係一啲都唔需要用到其他語言去表達,純北話.
所以, 細時,啱啱接觸外語,就會覺得中英夾雜好好玩,當自己都識英文時,就冇呢種感覺,反而覺得,做乜好好一句說話要加插啲他人嘅語言. 本帖最後由 香江白丁 於 2011-4-21 09:11 編輯
回覆 16# 猫妖008
引述兄台之句〔大陸會出現中英夾雜呢,完全係受香港嘅影響〕
閣下太睇得起香港人在這方面的影響力矣。『進行、首席執行官、進行、版／板塊、質量、衝擊、開幕式』等等，一系列拙文曾提及的劣式用法，已『搶佔』香港人的說話『空間』（搶佔、空間－怪用濫用來自內地）。
在下是想講，香港中文愈來愈受內地影響了。香港人要怪責誰，可以全賴在內地身上嗎？至於說內地中英夾雜完全係受香港嘅影響，你沒聽過『物必先腐而後蟲生』的道理嗎？
欣賞兄台最後的一段話：做乜好好一句說話要加插啲他人嘅語言。 我地深圳呢邊就慘囖...同啲北佬傾計多...成日都畀佢地影響..搞到讀錯嗮..
頁:
[1]