鯰魚、鮎魚
話你知：天文台跟大陸用「鮎」颱風 Megi由韓國命名，原意為「鯰魚」，台灣音譯為「梅姬」，香港叫「鮎魚」。鮎字考起街坊，因香港天文台跟緊中央，採用了與大陸簡體字相同的「鮎」字，而棄用港人常用的「鯰」（音： nim4）。嶺南大學中文系助理教授陳雲指，鯰魚香港也有，是本地山溪常見的野生魚，新界村民叫作「山鯰」。陳雲批評香港天文台，把尋常的本地魚改了個「繁體化的簡體字」──鮎，大家有邊讀邊，容易錯讀成「占」魚。他說：「香港天文台盲從大陸，變咗識字文盲！」 ——《生果日報》「鯰」、「鮎」查實係互通嘅，不過從形聲角度，梗係用「鯰」好，《絕代商驕》都有「鯰魚效應」。 隔牆有耳：鮎魚搞到何文匯皺晒眉
當退休學者何文匯遇上鮎魚，可能百般滋味；並唔係颱風影響佢日常生活，只係有啲人錯誤發音，將鮎讀成「廉」，發音少了鼻音，令講究粵語正音嘅學者皺晒眉。
八方日前見到何文匯，對習非成是嘅語文毛病，佢似乎仍然睇唔過眼，「超級颱風鮎魚，個鮎字係『 n』音；但好多人唔識呢個字，或者讀唔慣，連天文台（科學主任）、傳媒有時都讀『 l』音，變成『廉』魚」。
鮎魚不是名貴海鮮，難怪一般人將牠讀成「廉」魚。香港人語文基本功不濟，多懶音，何文匯歸咎於當局無在中、小學課程中教授如何查字典、學拼音，不過佢強調家已經無意再就正音問題同人論戰，「我從來冇推動正音『運動』，好似查字典咁，一定有對有錯，你鍾意就學，唔鍾意就唔好學，你唔用都冇所謂，但為人師表，應該要講啱嘅嘢」。 琴日系香港电台听节目，啲主持人都话「l」音:L
仲有普语教学推广嘅节目:L:L 嚮電視機裡頭睇見呢個「鮎」字我都窒咗一窒,之後睇返字典至知原來係「鯰」嘅異體字
不過我係讀「念魚」,唔知係唔係受錯音影響:o 台灣音譯為「梅姬」得意好多...! 但我记得好似「鲇」先是正写啵……康熙字典有登录嘅是「鲇」字，而非「鲶」字啵…… 康熙字典收嘅係「鮎」 字, 唔係「鲇」. 回覆 7# henrywho
笔误……但都无收錄个「鯰」字 本帖最後由 寶寶 於 2010-11-8 16:14 編輯
民國三十六年出版嘅《辭海》亦都冇收錄「鯰」，淨係收咗「鮎」。
頁:
[1]