隔牆有耳：立法會搬新竇 泛民分家
立法會新大樓明年暑假應可落成入伙，屆時 60個議員嘅辦事處會搬入去，各黨派議員近日搞掂配房安排，泛民正式「分家」，民協、工盟、民主黨及街工等會坐在同一層樓，公民黨及自由黨、五個獨立議員埋堆，社民連最特別，同秘書處職員共用一個樓層。民建聯與工聯會同根生，黐埋一齊無人異議，其他獨立議員則同經濟動力、專業會議在左近。新屋入伙議員歡笑職員愁，事關新大樓位處金鐘海皮，日後返工、放工同食晏都要行多一段路，冇家陣喺正中環心臟地帶咁方便。
未待明年搬新 office，社民連今年底就要搬竇，現時長沙灣臨時黨總部約滿，黨主席陶君行話正在大角嘴物色新地方，現在樓價高，佢唔主張自置黨總部，黃毓民、陳偉業想搞黨校，認為買個單位比較化算，暫未有最終決定。 http://202.85.162.86/adoinfile/Section_Logo/20sign.gif
頁:
[1]