英格蘭VS斯洛文尼亞，好似造馬？
英格蘭VS斯洛文尼亞，賽果係1:0，本嚟兩隊波拖晒手晉級嘅；點知，美國隊喺92分鐘入返一粒，斯洛文尼亞唯有提早搭飛機返歸。點解話好似造馬呢？英格蘭上半場入咗一粒（之後又有一粒食詐胡唔算），下半場除咗開場有少少睇頭，跟住就成隊波好似換晒人噉，唔似英格蘭隊，兩隊波都好似冇乜入球意識嘅，打到尾都係有驚無喜，斯洛文尼亞有幾個定位球都係宴客嘅；查實，睇返上半場，兩隊波打得好斯文，冇乜點黐身嘅，十幾分鐘我就話，點解唔似得英超咁落力嘅？入咗波我就話，賽果可能就係1:0，而盤口好有可能就係讓一球（之前係唔知嘅，啱先查返先知盤口係讓一球/球半高水），點知又真係講中咗。
嗱，睇返兩隊波當時嘅積分，啱好夠晉級嘅，又使乜咁落力噃？！英格蘭球員身價高，惜身就有之咖嘞！斯洛文尼亞球員點解又咁淡定呢？除咗當時嘅積分形勢對佢哋有利，噉論實力，又未必贏得英格蘭嘅。咁嘅形勢，我睇得出，賭波公司亦睇得出，雙方教練亦心水好清，大家有默契係好正常嘅，或者喺開波前，莊家就同兩隊波嘅教練傾掂數，畀英格蘭贏波，但係唔使多，贏一粒就夠嘞，咁著數嘅嘢，英格蘭冇蝕底啫！而斯洛文尼亞就算搏晒命都未必贏到波，噉做個順水人情亦冇壞啫！兼且，有水收又晉級，斯洛文尼亞球員身價唔及英格蘭，可能會等錢使啲，重唔執到咩？！
就算而家噉嘅賽果（美國隊臨尾降爆贏一粒），斯洛文尼亞球員應該都係預咗嘅，事關熊掌同魚肉，佢哋都會柬袋袋平安好過晉級，晉級又點啫，畀佢哋打多一場之嘛，莫講話四強，八強都末水。故此，呢個噉嘅賽果係兩隊波嘅合理賽果，觀眾冇意見，球員、教練冇意見，莊家梗係冇意見啦（都豬籠入水咯）！你，有冇意見呢？噉嘅盤口，點買都瓜直。 點解唔係造狗?而要講造馬? 點解唔係造狗?而要講造馬?
雨夜街燈 發表於 2010-6-24 08:53 http://bbs.cantonese.asia/images/common/back.gif
點解唔講埋造牛呢？;P 回覆 3# 外外星人
因為只有跑狗跑馬囉,跑牛?你估係西班牙咩;P 德国对塞尔维亚嗰场假到死 回覆外外星人
因為只有跑狗跑馬囉,跑牛?你估係西班牙咩
雨夜街燈 發表於 2010-6-24 15:07 http://bbs.cantonese.asia/images/common/back.gif
噉南非跑乜呀？唔通係獅子？;P 德国对塞尔维亚嗰场假到死
使君子 發表於 2010-6-24 17:17 http://bbs.cantonese.asia/images/common/back.gif
盤口話事，贏錢先係真。:D what r u talking about?? 男人讲嘢，女人唔使明 what r u talking about??
brittanyche 發表於 2010-6-26 08:56 http://bbs.cantonese.asia/images/common/back.gif
知妳實會噉講。:L 唔睇波，係唔會明嘅。:P 男人讲嘢，女人唔使明
使君子 發表於 2010-6-26 13:59 http://bbs.cantonese.asia/images/common/back.gif
噉又唔係噉講嘅，:P 男人講嘢，女人唔明，噉呢個世界咪少咗一半人聽唔明你講乜嘢囉？:o 好彩你唔係競選聯合國秘書長;P
頁:
[1]