轉自百度粵語吧：粵語版《出師表》
本帖最後由 dert112233 於 2010-7-30 12:07 編輯粵語版《出師表》你伯爺出嚟行，半路就去咗賣鹹鴨蛋，睇個勢，而家個地盤分成三嚿，益州睇嚟都係保唔住嘅嘞，以後個世道睇嚟都幾難捱。但係你伯爺留低班細嘅都好忠心，班懵柄出去劈友連命都唔要，呢啲都係睇在你老竇以前畀錢又畀女的份上，而家想報答返你啫。嗱，阿叔我而家就衹係想你醒醒定定，搞掂你老竇嘅遺願，等啲兄弟都有得威;千祈唔好將自己當成一嚿叉燒，辜負咗班手足。家下班兄弟都係自己友嚟，想鬧邊個摑邊個，都要公平;唔畀心機做野嘅，成日喺度搞三搞四嘅，同埋份人忠忠直直嘅，就交畀保衛科，應該斬手嘅斬手，應該升職嘅就升職，噉樣就表現到你對大家都係公平嘅，你千祈唔好幫埋一邊，對大家大細超。郭仔、費仔、董仔，份人都好老實，做嘢好周到，你伯爺在世嗰時就特別睇得起佢哋，臨死前叫佢哋好好幫扶你，阿叔我話齋，會裡面大大細細嘅事情都可以交畀佢哋;你嗰個懵柄向叔，人好好，亦都好生猛，劈得玩得，你伯爺都話佢「掂」，你得就提拔一下，我覺得收陀地劈友嘅事就交畀佢，一定可以搞大我哋個地盤，以後就冇人敢惹我哋㗎嘞。我地舊陣時個會點解開始咁勁呢，就係因為一直收埋啲老實人，趕走啲呃飲呃食嘅，後嚟點解會搞到咁衰，就係因為身邊剩翻班口噏噏當秘笈嘅廢人，你伯爺以前次次同我傾偈，講起呢單嘢都赤赤痛。侍中、尚書、長史、參軍，呢幾條友都係阿叔我斬過雞頭嘅好兄弟，你一定要信佢哋，我哋個會重振雄風之日就指意曬你喇!阿叔本來就係個耕田佬，係南陽都有翻幾嚿田，喺呢個人隊人嘅時代，我不想隊人，只係想唔畀人隊。你伯爺唔嫌棄我，三日唔埋兩日就走去我屋企，問我點搞好個會，阿叔我就感激到標曬馬尿，噉就跟左你老竇啦。
後嚟我哋會同權爺個會開片，衰咗，阿叔我撐住成個會，到而家都廿幾年囉。你伯爺知道阿叔我醒目，所以賣鹹鴨蛋之前就將大事都交托曬畀我，自從換咗你做阿頭之後，我就日日失眠，擔心辜負咗大佬嘅心意，所以五月嗰時就帶住班手足開船過河，去嗰個山旮旯嘅地方，搞掂曬所有應該搞定嘅嘢。而家南邊無人再敢搞三搞四，我哋班靚又人強馬壯，應該好好哋畀班手足疏弗嚇。然後再將中原打翻返嚟，將嗰啲冇本心嘅二五仔通通做低曬，將我哋嗰啲忠字頭嘅都扶翻起身。噉樣我就算對得你伯爺住啦。至於要點搞，諗竅噉嘅嘢就要靠攸之、
禕仔、允仔佢哋嘞。呢勻阿叔我就係去劈班契弟，劈唔成嘅話你話點就點。如果搞唔掂個會，你就去搵攸之、禕仔、允仔，我就唔信嗰班嘢敢吃碗麵反碗底。阿仔你都應該揾個時間好好哋噉諗下你伯爺嘅話。噉你阿叔我就好欣慰啦。得啦得啦，時間到，去劈友啦，男人老狗，標曬馬尿噉，都唔知講左啲乜嘢。原文：先帝創業未半而中道崩殂（cú）。今天下三分，益州疲（pí）弊，此誠危急存亡之秋也。然侍衛之臣不懈於內，
忠志之士忘身於外者，蓋追先帝之殊遇，欲報之於陛下也。誠宜開張聖聽，以光先帝遺德，恢弘志士之氣，不宜妄自菲薄，引喻失義，以塞（sè）忠諫之路也。 宮中府中，俱為一體；陟（zhì
）罰臧（zāng）否（pǐ），不宜異同；若有作奸犯科及為忠善者，宜付有司論其刑賞，以昭陛下平明之理；不宜偏私，使內外異法也。侍中、侍郎郭攸（yōu）之、費禕（yī）、董允等，此皆良實，志慮忠純，是以先帝簡拔以遺（wèi）陛下。愚以為宮中之事，事無大小，悉以諮之，然後施行，必能裨（bì）補闕（quē）漏，有所廣益。將軍向寵，性行淑均，曉暢軍事，試用於昔日，先帝稱之曰能，是以眾議舉寵為督。愚以為營中之事，悉以諮之，必能使行（háng ）陣和睦，優劣得所。親賢臣，遠小人，此先漢所以興隆也；親小人，遠賢臣，此後漢所以傾頹也。先帝在時，每與臣論此事，未嘗不歎息痛恨於桓、靈也。侍中、尚書、長(zhǎng)史、參軍，此悉貞良死節之臣，願陛下親之信之，則漢室之隆，可計日而待也。 臣本布衣，躬耕於南陽，苟全性命於亂世，不求聞達於諸侯。先帝不以臣卑鄙，猥（wěi）自枉屈，三顧臣於草廬之中，諮臣以當世之事，由是感激，遂許先帝以驅馳。後值傾覆，受任於敗軍之際，奉命於危難之間，爾來二十有（yòu ）一年矣。先帝知臣謹慎，故臨崩寄臣以大事也。受命以來，夙（sù）夜憂歎，恐託付不效，以傷先帝之明，故五月渡瀘，深入不毛。今南方已定，兵甲已足，當獎率三軍，北定中原，庶(shù)竭駑（nú）鈍，攘（rǎng）除奸凶，興複漢室，還於舊都。此臣所以報先帝而忠陛下之職分也。至於斟酌損益，進盡忠言，則攸之、禕、允之任也。 願陛下托臣以討賊興復之效，不效，則治臣之罪，以告先帝之靈。若無興德之言，則責攸之、禕、允等之慢，以彰其咎（jiù）。陛下亦宜自謀，以諮諏（zōu）善道，察納雅言，深追先帝遺詔。臣不勝受恩感激。今當遠離，臨表涕零，不知所言。 請大家幫手正字正詞，我定改之。 「而家」應該為「爾家」 唔係操爺，應該係權爺。諸葛亮白帝托孤係輸咗比孫權之後。 生猛，歎為觀止{:3_61:} 都幾得意喔 真够好玩，大家多啲翻译粤语文章，现在书面世界俾东北话全面入侵，睇到我想呕啊
頁:
[1]