【原创】《荒诞都市》系列——炒工仔(粤语版)
【原创】《荒诞都市》系列——炒工仔(粤语版)<br>(作者:阿展)<br><br>(本系列故事纯属虚构,如有雷同,实属不幸。)<br><br> 阿嫦响步行街个体商场有个档口仔,卖啲朱义盛金银首饰。请咗个工仔睇档,自己就瞓到好晏先起身,出去档口打个白鸽转,然后再去附近酒楼饮晏茶,好他条。<br> 有朝早,阿嫦个街坊经过档口,见阿嫦自己睇番档,就问:「个工仔返咗乡下咩?」<br> 「唔系呀。」阿嫦指下啱啱贴上去张招工纸,话:「畀我炒鬼咗啦。」<br> 「你个工仔几勤力格,呢排生意唔好咩?」问。<br> 「唔系。」答。<br> 「咁,唔通个工仔穿柜桶底?唔似吖,个人睇落几老实格。」继续问。<br> 「如果系手脚唔好,我报警啦咗佢啦。」答。<br> 「咁为乜树嗟?」又问。<br> 「唔讲尤自可,讲起把几火。」答。<br> 「讲嚟听下。」街坊真系几八卦。<br> 「人哋话番畀我听:琴日有两个鬼佬嚟买嘢,点知佢唔识听人哋讲乜,卒之鬼佬行咗过隔离买,搞到见财化水。你话嬲唔嬲吖?」阿嫦啖气仲未下。<br> 「工仔唔识英文好平常嗟,唔系咁都要炒啩?」街坊讲句公道话。<br> 「鬼佬讲英文,佢唔识听我唔怪得佢,最激气系个鬼佬讲广州话佢都唔识听吖嘛!」阿嫦话。<br> 街坊忽然醒起,佢个工仔系外省人。再望下张招工纸后面有一句:「不懂粤语免问。」<br> <br> <br> <br> 唔讲<FONT color=blue>犹</FONT>自可,一讲就游沙河。<IMG alt="" src="http://bbs.cantonese.asia/images/smilies/default/titter.gif" border=0 smilieid="9"> <P>「鬼佬讲英文,佢唔识听我唔怪得佢,最激气系个鬼佬讲广州话佢都唔识听吖嘛!」阿嫦话。</P><P> </P>
<P>呢句係成篇嘢嘅精華。</P>
頁:
[1]