金曲尋味——簡簡單單，愛得最甜
<P> 講到盧冠廷，可能最多人熟知佢為《西遊記仙履奇緣》唱作嘅《一生所愛》，今次要講嘅卻係另一首經典情歌。最近睇Uncle Lo Lo嘅演唱會，重聽咗當年佢寫畀譚校長嘅《愛是這樣甜》，別有一番味道。Lo Lo嘅聲音具有一種特別貼近大自然嘅感覺，唱呢類清新嘅歌合適不過。點樣嘅愛係最甜呢？歌詞為聽衆細細道來：<BR> <EM>期望每朝早/起身一吻紅的臉/共回味情夢最甜/新鮮早餐奉獻<BR> 期望每朝早/返工衣著同挑選/一切一切共分享/愛是這樣甜<BR></EM> <EM>共做晚餐談笑/你要呷醋我落鹽/飯後你織毛衣/還未著上都溫暖<BR></EM> 每個早晚都可以見到自己嘅愛人，同佢分享生活中嘅點滴，哪怕係琴晚發嘅一個甜夢；小夫妻可以一齊為小家庭出一分力，齊做晚餐時「你呷醋我落鹽」，飯后我洗碗時你織冷衫……幾咁純樸，卻係幾咁甜蜜。</P><P> 最欣賞呢一段：<BR> <EM>住在這小房間/說說笑笑也纏綿/但願我的旁邊/長伴有你天天見<BR></EM> 呢個幾美滿嘅小家庭，幾令人嚮往！可惜，社會越發達，愛就越唔純潔，真摯嘅愛亦都越嚟越少。唉，如果而家你重住喺間「小房間」，重有幾多個女仔肯長伴你一世！<BR> 愛，一定要轟轟烈烈，生離死別？愛，一定要甜言蜜語，日日驚喜？愛，一定要有車有樓，有金有銀？有時，簡簡單單嘅愛就如細水長流，恆久而甘甜。平凡嘅愛如果能夠五十年不變，就絕對唔平凡。<BR></P>
<P align=right>本文刊於2008年7月10號南方都市報《白話廣州》版</P>
<P> </P>
<P> </P>
<P>附上《愛是這樣甜》一曲。聽完之後唔好誤會係譚校長唱嘅，演唱者只係佛山一位好有專業水準嘅業餘歌手。</P>
<P>http://www.samkong.cn/upload/oszjt.mp3</P>
呢句至WARM
共做晚餐談笑/你要呷醋我落鹽/飯後你織毛衣/還未著上都溫暖 <P>點擊 <A href="http://epaper.nddaily.com/C/html/2008-07/10/content_512041.htm"><STRONG>呢度</STRONG></A> 睇呢篇文嘅南都網網上版~~~<IMG alt="" src="http://bbs.cantonese.asia/images/smilies/default/lol.gif" border=0 smilieid="12"> </P><P> </P>
<P>諗到一句至理名言——<FONT color=darkorchid><STRONG>簡簡單單先係真</STRONG></FONT>~~~</P>
<P> </P>
<P>淡淡嘅茶香可以更加耐人尋味</P>
<P>淡淡嘅酒味可以更加沁人心脾</P>
<P>淡淡嘅真情可以長存於世……</P>
<P>而相互之間嘅默契同理解就係一切嘅證明~</P>
<P>即使無聲都可勝過有聲~</P>
<P> </P>
<P>唔單之愛情，友情亦都如此……正所謂——<FONT color=darkorchid><STRONG>君子之交淡如水</STRONG></FONT>吖嘛~</P>
<P> </P>
<P> </P>
[ 本帖最後由 Jean 於 2008-7-11 09:27 編輯 ] <P>Less is more.至理名言</P>
<P>只係佛山一位好有專業水準嘅業餘歌手？系边位啊？H兄你阁下哦？</P> <P>原帖由 <I>kun6769</I> 於 2008-7-11 12:19 發表 <A href="http://bbs.cantonese.asia/redirect.php?goto=findpost&pid=92673&ptid=11118" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> Less is more.至理名言只係佛山一位好有專業水準嘅業餘歌手？系边位啊？H兄你阁下哦？ </P>
<P>到咗而家H把聲你重唔識分咩？<IMG alt="" src="http://bbs.cantonese.asia/images/smilies/default/titter.gif" border=0 smilieid="9"> </P>
<P>讚多句，呢位演唱者把聲真係好似譚SIR~~唱得好好~</P> <P>原帖由 <I>Jean</I> 於 2008-7-11 12:28 發表 <A href="http://bbs.cantonese.asia/redirect.php?goto=findpost&pid=92674&ptid=11118" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 到咗而家H把聲你重唔識分咩？ </P>
<P>Highyun～highyun～人地「高人」把声晓变来变去嘎嘛，鬼分得出咩？<IMG alt="" src="http://bbs.cantonese.asia/images/smilies/default/titter.gif" border=0 smilieid="9"> </P>
頁:
[1]